ໃນຕອນເຊົ້າຂອງວັນທີ 07 ກຸມພາ 2021 ຢູ່ຫ້ອງປະຊຸມດ່ານສາກົນເກົາແຈວ ເມືອງຈຸ່ງເຕີ່ມ, ແຂວງຮ່າຕິ່ງ ສສ ຫວຽດນາມ ຊາຍແດນລາວ-ຫວຽດນາມ ທ່ານ ກອງແກ້ວ ໄຊສົງຄາມ ເຈົ້າແຂວງບໍລິຄຳໄຊ, ພ້ອມດ້ວຍ ການນຳຂັ້ນແຂວງ ໄດ້ຕາງໜ້າຄະນະພັກ ອຳນາດການປົກຄອງແຂວງ ນຳເອົາກະຕ່າດອກໄມ້ ແລະ ກະຕ່າຂອງຂັວນ ເຂົ້າອວຍພອນ ການນຳຂັ້ນສູງແຂວງ ຮ່າຕີ່ງ ສສ ຫວຽດນາມ ພ້ອມຄະນະ ເນື່ອງໃນໂອກາດ ປີໃໝ່ຫວຽດນາມ ທີ່ຈະໜູນວຽນມາເຖິງໃນມໍ່ໆນີ້, ໂດຍໄດ້ຖືກຕ້ອນຮັບຢ່າງອົບອຸ່ນສະໜິດສະໜົມ ຈາກ ທ່ານ ຮວ່າງຈຸງຢຸ້ງ ກຳມະການສູນກາງພັກ ເລຂາພັກແຂວງ ປະທານສະພາປະຊາຊົນແຂວງ ຮ່າຕີ່ງ ສສ ຫວຽດນາມ.
ການເຂົ້າອວຍພອນໃນຄັ້ງນີ້ ແມ່ນສະແດງເຖິງໄມຕີຈິດມິດຕະພາບອັນດູດດື່ມ ສະໜິດສະໜົມ, ຄວາມສາມັກຄີແບບພິເສດ ລະຫວ່າງສອງຊາດລາວ-ຫວຽດນາມ, ຫວຽດນາມ-ລາວ ເວົ້າລວມ, ເວົ້າສະເພາະ ກໍ່ຄືແຂວງບໍລິຄຳໄຊ – ແຂວງ ຮ່າຕີ່ງ ໃນນາມແຂວງແຮກສ່ຽວ, ຍັງເປັນການເພີ່ມພູນຄູນສ້າງສາຍພົວພັນແບບພິເສດ ລະຫວ່າງສອງຊາດລາວ-ຫວຽດນາມ, ຫວຽດນາມ-ລາວ ອັນທີ່ເປັນມູນເຊື້ອມາແຕ່ບູຮານນະການ ເຊຶ່ງຍາມໃດກໍ່ໄດ້ມີການອູ້ມຊູຊ່ວຍເຫຼືອເຊິ່ງກັນ ແລະ ກັນ ຕະຫຼອດມາ.
ໂອກາດນີ້ ທັງສອງຝ່າຍຍັງໄດ້ລາຍງານຜົນສຳເລັດກອງປະຊຸມໃຫຍ່ຄັ້ງທີ 13 ຂອງພັກກອມມູນິດຫວຽດນາມ, ກອງປະຊຸມໃຫຍ່ ຄັ້ງທີ 11 ຂອງພັກປະຊາຊົນລາວ ພ້ອມແລ້ວຈະຈັດຕັ້ງຜັນຂະຫຍາຍເຂົ້າໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງແຂວງ ເຮັດໃຫ້ແຂວງ ມີການເຕີບໃຫຍ່ຂະຫຍາຍຕົວ ມີຜົນສຳເລັດຕາມມະຕິກອງປະຊຸມໃຫຍ່ທີ່ໄດ້ຮັບຮອງ.
ພ້ອມນັ້ນ ທັງສອງຝ່າຍ ເຫັນດີເພີ່ມທະວີໃນການສະກັດກັ້ນຕ້ານການແຜ່ລະບາດພະຍາດໂຄວິດ-19 ໂດຍການກວດກາຂອງພົນລະເຮືອນທີ່ເຂົ້າ-ອອກດ່ານ ລະຫວ່າງສອງແຂວງຢ່າງເຂັ້ມງວດ.
ໂອກາດທີ່ ທ່ານ ກອງແກ້ວ ໄຊສົງຄາມ ເລຂາພັກແຂວງ ເຈົ້າແຂວງ ບໍລິຄຳໄຊ ເຂົ້າອວຍພອນການນຳຂັ້ນສູງແຂວງ ຮ່າຕິ່ງໃນຄັ້ງນີ້ ຍັງໄດ້ນຳເອົາເຂົ້າສານໜຽວຈຳນວນ 2 ໂຕ່ນມອບໃຫ້ແຂວງ ຮ່າຕີ່ງ ແລະ ການນຳແຂວງ ຮ່າຕີ່ງຍັງໄດ້ມອບຜ້າອັດດັງຈຳນວນ 50,000 ອັນໃຫ້ແຂວງ ບໍລິຄໍາໄຊ.
Users Today : 745
Users Yesterday : 1225
This Month : 9811
This Year : 129848
Total Users : 516072
Who's Online : 19