ຕອນເຊົ້າຂອງວັນທີ 8 ກຸມພາ 2021 ຢູ່ສະໂມສອນ ບ້ານຫ້ວຍຫອຍ, ເມືອງວຽງທອງ, ແຂວງບໍລິຄໍາໄຊ ໄດ້ຈັດກອງປະຊຸມ ຊຸກຍູ້ ແລະ ເກັບກໍາຂໍ້ມູນສະຖິຕິໃນການປູກມັນຕົ້ນ ໂດຍການເຂົ້າຮ່ວມຂອງ ທ່ານ ຫຼ້າ ເຈ່ຍຈາວ ຮອງຫົວໜ້າຫ້ອງການກະສິກໍາ-ປ່າໄມ້ເມືອງ, ມີຄະນະຫ້ອງການ, ພະນັກງານທີ່ກ່ຽວຂ້ອງ, ຄະນະບ້ານ, ຜູ້ຕາງໜ້າ 5 ບໍລິສັດ ຮັບຊື້ມັນຕົ້ນຢູ່ເມືອງວຽງທອງ ຄື: ບໍລິສັດ ພາຈະເລີນ, ບໍລິສັດ ວຽງໄຊຈະເລີນຊັບຄົບວົງຈອນ, ບໍລິສັດ ວັນດີຈະເລີນຄົບວົງຈອນ, ບໍລິສັດ ຄໍາໃບ ກໍ່ສ້າງເຄຫະສະຖານ, ບໍລິສັດ ອາຊີ່ນ ການຄ້າຂາເຂົ້າ-ຂາອອກ ແລະ ປະຊາຊົນ ເຂົ້າຮ່ວມ.
ຈຸດປະສົງຂອງກອງປະຊຸມ ກໍ່ເພື່ອເປັນການຊຸກຍູ້ ແລະ ເກັບກໍາຂໍ້ມູນໃນການປູກມັນຕົ້ນຂອງປະຊາຊົນ ໃນການສົມທຽບການໃສ່ປຸຍ ແລະ ບໍ່ໃສ່ປຸຍ ວ່າມີຄວາມແຕກຕ່າງກັນແນວໃດ, ແນະນໍາເພີ່ມເຕີມກ່ຽວກັບວິທີ, ຂັ້ນຕອນການໃສ່ປຸຍໃຫ້ປະຊາຊົນໄດ້ເຂົ້າໃຈ ເພື່ອນໍາໄປຈັດຕັ້ງປະຕິບັດໃຫ້ໄດ້ຮັບຜົນດີ.
ພາຍຫຼັງເກັບກໍາໄດ້ຂໍ້ມູນແລ້ວ ບໍລິສັດຈະນໍາເອົາປຸຍໄປຕອບສະໜອງໃຫ້ປະຊາຊົນຜູ້ຕ້ອງການໃສ່ ເພື່ອຍົກສະມັດຕະພາບຂອງດິນ ແລະ ຜົນຜະລິດໃຫ້ສູງຂື້ນ.
Users Today : 776
Users Yesterday : 1225
This Month : 9842
This Year : 129879
Total Users : 516103
Who's Online : 8