ໃນຕອນເຊົ້າຂອງວັນທີ 08 ກຸມພາ 2023 ຢູ່ເຮືອນພັກຂອງສະຫາຍ ບຸນສູງ ຍ່າຈົ່ງຫວ່າງ ບ້ານນໍ້າທີ ເມືອງ ຄຳເກີດ ແຂວງບໍລິຄຳໄຊ, ສະຫາຍ ກອງແກ້ວ ໄຊສົງຄາມ ເລຂາພັກແຂວງ ເຈົ້າແຂວງບໍລິຄຳໄຊ ພ້ອມຄະນະ ຕາງໜ້າໃຫ້ຄະນະບໍລິຫານງານພັກ ແລະ ການນຳແຂວງ ໄດ້ເຂົ້າວາງພວງມາລາໄຫວ້ອາໄລເຖິງດວງວິນຍານຂອງສະຫາຍ ບຸນສູງ ຍ່າຈົ່ງຫວ່າງ ອາດີດການນຳແຂວງ, ເມືອງຄຳເກີດ, ອາດີດຮອງປະທານແນວລາວສ້າງຊາດແຂວງຄຳມ່ວນ ແລະ ອາດີດກໍາມະການແນວລາວສ້າງຊາດແຂວງບໍລິຄຳໄຊ ທີ່ໄດ້ເສຍຊີວິດລົງດ້ວຍໂລກສະລາ ລວມອາຍຸໄດ້ 103 ປີ, ຕໍ່ດ້ວຍຄະນະພັກ ຄະນະປົກຄອງເມືອງຄຳເກີດ, ຄະນະພັກຄະນະບັນຊາກອງບັນຊາການປ້ອງກັນຄວາມສະຫງົບເມືອງຄຳເກີດ ແລະ ພາກສ່ວນຕ່າງໆຂອງເມືອງ.
ສະຫາຍ ບຸນສູງ ຍ່າຈົ່ງຫວ່າງ ເກີດເມື່ອວັນທີ 07 ເມສາ 1920 ທີ່ບ້ານຖໍ້າກະຢອງ, ເມືອງວຽງທອງ, ແຂວງບໍລິຄຳໄຊ, ເຂົ້າການປະຕິວັດ: 06/02/1943, ສັງກັດລັດ: 06/04/1948, ພັກຜ່ອນບຳນານ: 05/08/2011, ຕະຫຼອດໄລຍະແຫ່ງການເຄື່ອນໄຫວປະຕິວັດ ແລະ ອອກພັກຜ່ອນບຳນານ ສະຫາຍ ບຸນສູງ ຍ່າຈົ່ງຫວ່າງ ໄດ້ສຸມທຸກເຫື່ອແຮງ ແລະ ສະຕິປັນຍາຄວາມຮູ້, ຄວາມສາມາດ ປະກອບສ່ວນເຂົ້າໃນພາລະກິດປົດປ່ອຍຊາດ, ພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ເພື່ອຄວາມຄວາມຢູ່ດີ-ກິນດີຂອງປະຊາຊົນບັນດາເຜົ່າ, ມີແບບແຜນນຳພາທີ່ດີ, ປະຕິບັດຫຼັກການລວມສູນປະຊາທິປະໄຕ, ມີລະບຽບວິໄນເຂັ້ມງວດ, ເຄົາລົບນັບຖືໝູ່ຄະນະ ແລະການຈັດຕັ້ງ, ມີຄວາມເປັນເອກະພາບພາຍໃນພັກ, ພາຍໃນກົມກອງ, ຢືດໝັ້ນແນວທາງມະຫາຊົນຂອງພັກຢ່າງສະເໝີຕົ້ນສະເໝີປາຍ, ສະຫາຍແມ່ນຜູ້ໜື່ງ ທີ່ອອກແຮງເພີ່ມທະວີຄວາມສາມັກຄີ ໃນໝູ່ມະຫາຊົນ, ຊັ້ນຄົນ ແລະ ເຜົ່າຕ່າງໆ.
ດ້ວຍຜົນງານ ແລະ ຄຸນງາມຄວາມດີ ທີ່ໄດ້ປະກອບສ່ວນເຂົ້າໃນພາລະກິດຕໍ່ສູ້ປົດປ່ອນຊາດ ກໍ່ຄືພາລະກິດປົກປັກຮັກສາ ແລະ ສ້າງສາປະເທດຊາດ ເຊິ່ງຜົນງານດັ່ງກ່າວນັ້ນ ສະຫາຍ ໄດ້ຮັບຄວາມໄວ້ເນື້ອເຊື່ອໃຈ ແລະ ຄວາມເຄົາລົບຮັກ, ນັບຖືຈາກພະນັກງານ, ສະມາຊິກພັກ, ນັກລົບ ແລະ ປະຊາຊົນບັນດາເຜົ່າຢ່າງກວ້າງຂວາງ, ໄດ້ຮັບການຍ້ອງຍໍ ຈາກພັກ – ລັດຫຼາຍປະເພດ ເຊັ່ນ: ໄດ້ຮັບຫລຽນໄຊອິດສະຫຼະຊັ້ນ II ຈໍານວນ 01 ໜ່ວຍ, ຫລຽນໄຊປະຕິວັດສະນະເລີດຊັ້ນ II ຈຳນວນ 01 ໜ່ວຍ, ຫລຽນກາຕໍ່ຕ້ານຝລັ່ງ 01 ໜ່ວຍ, ຫລຽນກາຕໍ່ຕ້ານອາເມລິກາ 01 ໜ່ວຍ, ຫລຽນກາລະນຶກ 5 ປີ 01 ໜ່ວຍ, ໃບຍ້ອງຍໍຂັ້ນລັດຖະບານ 05 ໃບ ແລະ ຍ້ອງຍໍຂັ້ນແຂວງຈຳນວນຫຼາຍໃບ, ສ່ວນວັນຊາປະນາກິດສົບ ຈະໄດ້ຈັດຂື້ນເປັນທາງການໃນວັນເສົາທີ 11 ກູມພາ 2023.
Users Today : 1171
Users Yesterday : 494
This Month : 9012
This Year : 129049
Total Users : 515273
Who's Online : 35