ກອງປະຊຸມສະຫຼຸບວຽກງານຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ( ຖວທ ) ທົ່ວແຂວງບໍລິຄຳໄຊ ປະຈຳປີ 2022 ໄດ້ຈັດຂຶ້ນໃນວັນທີ 09 ກຸມພາ 2023 ຢູ່ຫ້ອງປະຊຸມຂອງຕົນ ໂດຍການເປັນປະທານຂອງທ່ານ ສົນທອງ ວີບຸນກວ້າງ ຫົວໜ້າພະແນກ ຖວທ ແຂວງບໍລິຄຳໄຊ, ມີຄະນະພະແນກ, ຂະແໜງການ, ຖວທ 7 ເມືອງ, ພະນັກງານລັດຖະກອນພາຍໃນພະແນກ ເຂົ້າຮ່ວມ.
ໃນກອງປະຊຸມ ໄດ້ຮັບຟັງລາຍງານວຽກງານທີ່ພົ້ນເດັ່ນ ຈາກທ່ານ ພູວັນ ໄຊຍະສານ ຮອງຫົວໜ້າພະແນກ ຖວທ ແຂວງ ໂດຍທ່ານໄດ້ຍົກໃຫ້ເຫັນວ່າ ໃນ 1 ປີຜ່ານມາ ຄະນະນໍາທຸກຂັ້ນ ໄດ້ສຸມໃສ່ຫຼາຍວຽກງານສຳຄັນ ເປັນຕົ້ນແມ່ນ ວຽກງານຖະແຫຼງຂ່າວ – ສື່ມວນຊົນ, ວຽກງານວັດທະນະທຳ ແລະ ວຽກທ່ອງທ່ຽວ.
ເກັບກຳຂໍ້ມູນສະຖິຕິລະບົບໂທລະໂຄ່ງທີ່ເປເພພາຍໃນແຂວງ ມີ 83 ບ້ານ, ຂະຫຍາຍລະບົບໂທລະໂຄ່ງຂັ້ນບ້ານໄດ້ 2 ຊຸດ, ສາມາດສ້າງຄອບຄົວວັດທະນະທຳໄດ້ 1.059 ຄອບຄົວ ເທົ່າກັບ 74,52%, ບ້ານວັດທະນະທໍາ ໄດ້ 4 ບ້ານ ເທົ່າກັບ 100% ຂອງແຜນການປີ, ປັດຈຸບັນ ສາມາດສ້າງຄອບຄົວວັດທະນະທຳໄດ້ທັງຫມົດ 48.999 ຄອບຄົວ ເທົ່າກັບ 87,44% ຂອງຄອບຄົວທົ່ວແຂວງ (56.031 ຄອບຄົວ), ຮັບຮອງບ້ານວັດທະນະທຳໄດ້ 276 ບ້ານ ເທົ່າກັບ 97,18% ຂອງບ້ານໃນທົ່ວແຂວງ (284 ບ້ານ).
ໃນໄລຍະຜ່ານມາ ມີນັກທ່ອງທ່ຽວເຂົ້າແຂວງຜ່ານດ່ານສາກົນ 114.088 ເທື່ອຄົນ, ນັກທ່ອງທ່ຽວພາຍໃນ 50.736 ເທື່ອຄົນ ລວມທັງໝົດ 164.824 ເທື່ອຄົນ ເທົ່າກັບ 156,97% ຂອງແຜນການປີ, ສ່ວນດ້ານຄາດໝາຍສຳຫຼວດ, ຈັດສັນກຳນົດຂອບເຂດ, ປັກຫຼັກໝາຍ ແລະ ອອກໃບຢັ້ງຢືນຂອບເຂດແຫຼ່ງທ່ອງທ່ຽວ ໃຫ້ໄດ້ 2 ແຫ່ງຂຶ້ນໄປ ສາມາດຈັດຕັ້ງປະຕິບັດໄດ້ 1 ແຫ່ງ ຄື: ແຫລ່ງທ່ອງທ່ຽວ ໜອງຫລົ່ມ ເມືອງປາກກະດີງ ເທົ່າກັບ 50% ແລະ ວຽກງານອື່ນໆ ເຫັນວ່າໄດ້ຮັບຜົນສຳເລັດເປັນສ່ວນຫຼາຍ.
Users Today : 1166
Users Yesterday : 494
This Month : 9007
This Year : 129044
Total Users : 515268
Who's Online : 28