ເນື່ອງຈາກມີປະຊາຊົນເມືອງປາກກະດິງ ພົວພັນໃກ້ຊິດກັບຜູ້ຕິດເຊື້ອ ພະຍາດ ໂຄວິດ-19 ກໍລະນີ 1970. ໃນຕອນເຊົ້າວັນທີ 11 ມິຖຸນາ 2021, ທ່ານ ສົມພອນ ຈັນທະນາສຸກ ເຈົ້າເມືອງປາກກະດິງ ຫົວໜ້າຄະນະສະເພາະກິດຂັ້ນເມືອງ ພ້ອມດ້ວຍຄະນະ ໄດ້ລົງຕິດຕາມ ແລະ ຊີ້ນຳຄະນະສະເພາະກິດຂັ້ນບ້ານນ້ຳຄູ້, ບ້ານທົ່ງນາມີ ແລະ ບ້ານວຽງຄຳ ລົງເກັບກຳຂໍ້ມູນນຳຜູ້ທີ່ໃກ້ຊິດກັບຄົນທີ່ມີຄວາມສ່ຽງຕໍ່ໆກັນຢ່າງລະອຽດ, ພ້ອມທັງເຮັດບົດບັນທຶກກັບຜູ້ທີ່ກ່ຽວຂ້ອງ ວາງມາດຕະການໃຫ້ກັກກັນໂຕເອງຢູ່ກັບທີ່ຢ່າງເຄັ່ງຄັດ.
ພ້ອມດຽວກັນນີ້, ທ່ານ ສົມພອນ ຈັນທະນາສຸກ ໄດ້ຮຽກຮ້ອງມາຍັງຜູ້ທີ່ໄດ້ໃກ້ຊິດ ກັບຜູ້ທີ່ມີຄວາມສ່ຽງ ຈົ່ງໃຫ້ຄວາມຮ່ວມມືກັບເຈົ້າໜ້າທີ່ຢ່າງຈິງໃຈ ເພື່ອຮັບປະກັນຫາກມີກໍລະນີຜູ້ຕິດເຊື້ອ ໂຄວິດ-19 ຈະບໍ່ໃຫ້ມີການແຜ່ລະບາດໃນວົງກ້ວາງ ແລະ ຍັງໄດ້ຊີ້ນຳໃຫ້ບາງສະຖານທີ່ບໍລິການທີ່ມີຄວາມສ່ຽງຢຸດບໍລິການຊົ່ວຄາວ, ພ້ອມທັງມີການພົ່ນຢາຂ້າເຊື້ອພະຍາດໃນຈຸດຕ່າງໆທີ່ມີຄວາມສ່ຽງ.
Users Today : 767
Users Yesterday : 494
This Month : 8608
This Year : 128645
Total Users : 514869
Who's Online : 45