ໂດຍປະຕິບັດຕາມຂໍ້ຕົກລົງ ຂອງເຈົ້າເມືອງໄຊຈຳພອນ ໃນການອະນຸມັດເບີກຈ່າຍເຂົ້າສານ ເພື່ອຊ່ວຍເຫຼືອໃຫ້ຄອບຄົວທີ່ທຸກຍາກ ແລະ ຄອບຄົວອານາຖາໃນທົ່ວເມືອງ ເພື່ອເປັນການບັນເທົາທຸກໃຫ້ກັບແຕ່ລະຄອບຄົວ.
ໃນວັນທີ 16 ສິງຫາ 2021 ຫ້ອງການແຮງງານ ແລະ ສະຫວັດດິການສັງຄົມເມືອງ ໂດຍສົມທົບກັບພາກສ່ວນທີ່ກ່ຽວຂ້ອງ ໄດ້ພ້ອມກັນນຳເອົາເຂົ້າສານຈ້າວ, ຈຳນວນ 2010 ກິໂລ ໄປມອບ ໂດຍຜ່ານອຳນາດການປົກຄອງບ້ານນ້ຳອ້ອນ ເພື່ອຈະໄດ້ນຳເອົາເຂົ້າສານຈຳນວນນີ້ ໄປແຈກຢາຍຕໍ່ໃຫ້ກັບຄອບຄົວທຸກຍາກ ແລະ ອານາຖາ ເຊີ່ງມີຄອບຄົວທີ່ຍັງທຸກຍາກໃນເຂດກຸ່ມບ້ານນ້ຳອ້ອນມີ 332 ຄອບຄົວ ແລະ ຄອບຄົວອານາຖາ 4 ຄອບຄົວ.
ເປັນກຽດມອບເຂົ້າສານໃຫ້ກັບອຳນາດການປົກຄອງໃນຄັ້ງນີ້ ໂດຍທ່ານ ກອງສີ ໄຊຍະວົງ ຮອງເຈົ້າເມືອງໄຊຈຳພອນ ແລະ ທ່ານຍັງໄດ້ເນັ້ນໜັກໃຫ້ອຳນາດການປົກຄອງ ແລະ ອົງການຈັດຕັ້ງທຸກພາກສ່ວນຢູ່ພາຍໃນບ້ານໃຫ້ເອົາໃຈໃສ່ນຳເອົາເຂົ້າສານດັ່ງກ່າວໄປແຈກຢາຍຕໍ່ໃຫ້ກັບປະຊາຊົນຄອບຄົວຢູ່ໃນເປົ້າໝາຍຢ່າງທົ່ວເຖິງ.
Users Today : 271
Users Yesterday : 752
This Month : 9321
This Year : 46726
Total Users : 432950
Who's Online : 8