ໃນລະຫວ່າງວັນທີ 31 ສີງຫາ – 2 ກັນຍາ 2021 ຢູ່ໂຮງໝໍຊຸມຊົນເມືອງວຽງທອງ, ແຂວງ ບໍລິຄໍາໄຊ ໄດ້ເປີດຂະບວນການສັກວັກຊິນປ້ອງກັນພະຍາດໂຄວິດ-19 ໃຫ້ກຸ່ມຄົນເປົ້າໝາຍ ທີ່ມີຄວາມສ່ຽງ ເພື່ອຕ້ານ, ຫລຸດຜ່ອນການເຈັບເປັນ ແລະ ການເສຍຊີວິດຈາກການລະບາດຂອງພະຍາດໂຄວິດ-19 ທັງເປັນການຫລຸດຜ່ອນສະພາວະກົດດັນທາງສັງຄົມ ແລະ ເສດຖະກິດ, ຮັບປະກັນສືບຕໍ່ການໃຫ້ບໍລິການທີ່ຈໍາເປັນຂອງລະບົບສາທາລະນະສຸກເຄື່ອນໄຫວເປັນປົກກະຕິ ແລະ ແຜນແບ່ງປັນວັກຊີນກັນພະຍາດ ໂຄວິດ-19 ແລະ ຕາມການຕົກລົງເຫັນດີສະໝັກໃຈຂອງບຸກຄົນໃນກຸ່ມເປົ້າໝາຍທີ່ມີຄວາມສ່ຽງໃຫ້ໄດ້ຮັບການສັກວັກຊີນ.
ກຸ່ມເປົ້າໝາຍ ທີ່ຈະໄດ້ຮັບການສັກວັກຊີນທົ່ວເມືອງ ວຽງທອງ ມີທັງໝົດ 19.538 ຄົນ, ມາຮອດປະຈຸບັນ ແມ່ນໄດ້ຮັບການສັກວັກຊີນ 3 ຊະນິດ ຄື ຊີໂນຟາມ , ແອສຕາຊີເນກາ , ຈອນສັນແອນຈອນສັນ ໃຫ້ກຸ່ມເປົ້າໝາຍທັງໝົດໃນຮອບທີ່ 11 ນີ້ ແມ່ນ ໄດ້ຮັບວັກຊີນທັງໝົດ 9.964 ຄົນ.
Users Today : 568
Users Yesterday : 752
This Month : 9618
This Year : 47023
Total Users : 433247
Who's Online : 5