ໃນວັນທີ 20 ພະຈິກ 2020 ທ່ານ ບຸນເສັງ ປະທໍາມະວົງ ຮອງເຈົ້າແຂວງ ບໍລິຄໍາໄຊ ໄດ້ລົງຊຸກຍູ້ຕິດຕາມ ການຜະລິດພືດລະດູແລ້ງ ຢູ່ເມືອງທ່າພະບາດ ໂດຍການນຳພາທາງຂອງ ທ່ານ ບຸນເພັງ ຈັນທະວົງສຸກ ຮອງເຈົ້າເມືອງທ່າພະບາດ ໂດຍມີພະແນກການທີ່ກ່ຽວຂ້ອງຈາກແຂວງ ແລະ ເມືອງ ເຂົ່າຮ່ວມ.
ໂອກາດໄດ້ລົງມາຊຸກຍູ້ ແມ່ນໄດ້ລົງກວດກາເບິ່ງສະພາບແມ່ນໍ້າຂອງແຫ້ງ ເຮັດໃຫ້ເກີດຫາດຊາຍປົ່ງ ຢູ່ບ້ານສາຍພາຍ, ພ້ອມກັນນັ້ນ ກໍ່ໄດ້ສໍາຫຼວດ ແລະ ວາງແຜນກໍ່ສ້າງຝາຍເກັບນໍ້າປະຕູ ປິດ-ເປີດນໍ້າ ເພື່ອເຮັດໃຫ້ປະຊາຊົນມີນໍ້າໃຊ້ເຂົ້າໃນການຜະລິດພືດລະດູແລ້ງ, ຈາກນັ້ນ ທ່ານກໍ່ໄດ້ເດີນທາງໄປເບິ່ງການປູກມັນດ້າງຂອງປະຊາຊົນບ້ານສາຍພາຍ ແລະ ເບິ່ງປະຊາຊົນບ້ານຜາໂປງ ປູກຜັກສະອາດເຮືອນຮົ່ມ ພ້ອມທັງໄປເບິ່ງ ການຜະລິດໄຟຟ້າດ້ວຍພະລັງງານແສງອາທິດ ເຂົ້າໃນການຜະລິດພືດລະດູແລ້ງ ຢູ່ບ້ານຫາດໄຊ, ໄປກວດກາເບິ່ງຝາຍເກັບນໍ້າຫ້ວຍຍາງ ເຊິ່ງມີບາງຈຸດເຮັດໃຫ້ປະຕູເກັບນໍ້າບໍ່ຢູ່, ສະນັ້ນ ຈຶ່ງໄດ້ຄົ້ນຄ້ວາຊອກຫາວິທີແກ້ໄຂ ແລະ ປັບປຸງຈຸດດັ່ງກ່າວ.
Users Today : 503
Users Yesterday : 752
This Month : 9553
This Year : 46958
Total Users : 433182
Who's Online : 10