ໃນວັນທີ 13 ທັນວາ 2022 ຫ້ອງການເມືອງ ທະຫານແຂວງ ບໍລິຄຳໄຊ ໄດ້ຈັດຕັ້ງເຊື່ອມເອກະສານແຈ້ງຊັບສິນຂຶ້ນ ພາຍໃຕ້ການເປັນປະທານໂດຍ ສະຫາຍ ພັນໂທ ບຸນຍັງ ລໍສິມມາ ຄະນະພັກກອງບັນຊາການ ຮອງຫ້ອງການເມືອງ ທະຫານແຂວງບໍລິຄຳໄຊ ມີຄະນະຫ້ອງການເມືອງ, ຫົວໜ້າພະແນກ, ຮອງພະແນກ ແລະ ບັນດາພະນັກງານທີ່ກ່ຽວຂ້ອງພາຍໃນຫ້ອງການເມືອງ ເຂົ້າຮ່ວມ.
ໃນພິທີ ໄດ້ຜ່ານຄໍາແນະນໍາເລກທີ 4807 / ກປທ ລົງວັນທີ່ 09 ພະຈິກ 2021 ກ່ຽວກັບເລື່ອງການຈັດຕັ້ງປະຕິບັດດໍາເນີນການແຈ້ງຊັບສິນ ແລະ ລາຍຮັບໃນກໍລະນີຕ່າງໆ ແລະ ແຈ້ງການເລກທີ 466/ກບຊ ລົງວັນທີ 10 ພະຈິກ 2022 ເລື່ອງການຈັດຕັ້ງປະຕິບັດການແຈ້ງຊັບສິນ ແລະ ລາຍຮັບ ຮອບພິເສດໃນກໍລະນີຕ່າງໆ ຢູ່ກອງບັນຊາການທະຫານແຂວງບໍລິຄຳໄຊ, ພ້ອມນັ້ນຍັງໄດ້ຮັບຟັງ ການແນະນໍາ ແລະ ອະທິບາຍກ່ຽວກັບການຂຽນແບບຟອມໃນເອກະສານແຈ້ງຊັບສິນ ແລະ ລາຍຮັບ ເພຶ່ອເຮັດໃຫ້ຜູ້ເຂົ້າຮ່ວມມີຄວາມເຂົ້າໃຈແຈ້ງຕໍ່ກັບເນື້ອໃນການແຈ້ງຊັບສິນ ແລະ ລາຍຮັບ, ເປັນບ່ອນອີງໃຫ້ນາຍທະຫານ ໄດ້ດໍາເນີນໄປຢ່າງຖືກຕ້ອງ, ເປັນເອກະພາບ, ມີປະສິດທິຜົນ ແລະ ທົ່ວເຖິງທຸກເປົ້າໝາຍ, ສາມາດຮັບປະກັນເຮັດໃຫ້ການຈັດຕັ້ງປະຕິບັດ ດໍາລັດຂອງລັດທະບານວ່າດ້ວຍການແຈ້ງຊັບສິນ ແລະ ລາຍຮັບ ກໍ່ຄືການແຈ້ງຊັບສິນ ຮອບພິເສດໃນກໍລະນີຕ່າງໆຢູ່ຫ້ອງການເມືອງ ທະຫານແຂວງບໍລິຄໍາໄຊ ໃຫ້ໄດ້ຮັບຜົນດີ, ສໍາເລັດຕາມກໍານົດເວລາ ແລະ ເປັນເອກະກະພາບໃນທົ່ວກອງທັບ.
ຂ່າວ-ພາບ: ທະຫານແຂວງ
Users Today : 465
Users Yesterday : 548
This Month : 465
This Year : 50113
Total Users : 436337
Who's Online : 4