ພິທີຝຶກອົບຮົມການສ້າງນິຕິກຳ ແລະ ຫຼັກການສ້າງເອກະສານທາງລັດຖະການ ໄດ້ຈັດຂຶ້ນໃນຕອນເຊົ້າຂອງວັນທີ 1 ກໍລະກົດ 2022 ຢູ່ຫ້ອງປະຊຸມຂອງສູນໄອຊີທີ ແຂວງບໍລິຄຳໄຊ ເປັນກຽດເຂົ້າຮ່ວມຂອງທ່ານ ສີທາ ແກ້ວດາລາວົງ ຮອງຫົວໜ້າພະແນກສຶກສາທິການ ແລະ ກິລາແຂວງ ແລະ ທ່ານ ສີສຸນົນ ແກ້ວໄຊຍະວົງ ຮອງຫົວໜ້າພະແນກພາຍໃນແຂວງ, ມີຫົວໜ້າ-ຮອງຫົວໜ້າຂະແໜງພາຍໃນພະແນກ ແລະ ຫົວໜ້າຫ້ອງການສຶກສາ 7 ເມືອງ ເຂົ້າຮ່ວມຜ່ານວີດີໂອຄອນເຟີເຣັ້ນ.
ເອກະສານທາງລັດຖະການ ແມ່ນເອກະສານທີ່ຂຽນຈາກອົງການທີ່ເປັນຕິບຸກ ຄົນໃດໜື່ງທີ່ມີເນື້ອໃນພົວພັນເຖິງວຽກງານຂອງອົງການຈັດຕັ້ງ ຫຼື ວຽກງານທາງລັດຖະການ ເຊີ່ງຈະຕ້ອງເວົ້າເລື່ອງວຽກທາງລັດຖະການບໍ່ແມ່ນບັນຫາສ່ວນຕົວແອບແຟງ ເຖິງວ່າຈະເວົ້າເຖິງບຸກຄົນໃດໜື່ງກໍ່ແມ່ນເລື່ອງທີ່ພົວພັນກັບວຽກງານການຈັດຕັ້ງ ຫຼື ທາງລັດຖະການ.
ເອກະສານບໍລິຫານທົ່ວໄປ ໝາຍເຖິງໜັງສືສຳຄັນເຊີ່ງເປັນຫຼັກຖານການຕິດຕໍ່ພົວພັນທາງວຽກງານທາງລັດຖະການ, ທຸລະກິດ ເຊັ່ນ: ໜັງສືສະເໜີ, ໜັງສືລາຍງານ (ບົດລາຍງານ) ແຜນການ, ໂຄງການ, ຈົດໝາຍໂຕ້ຕອບ, ໂທ ລະເລກ, ໂທລະສານ ແລະ ອື່ນໆ ເຊີ່ງເອກະສານດັ່ງກ່າວຈະມີຄຸນຄ່າທາງດ້ານບໍລິຫານ, ການເງິນ, ກົດໝາຍ ແລະ ຄຸນຄ່າທາງປະຫວັດສາດ.
ເອກະສານ ຕ້ອງມີໂຄງປະກອນທີ່ສອດຄ່ອງກັບປະເພດຂອງເອກະສານ ແລະ ນິຕິກຳເນື້ອໃນຕ້ອງຮັບໃຊ້ໃຫ້ແກ່ຈຸດປະສົງຂອງນິຕິກຳ ຫຼື ເອກະສານທາງລັດຖະການ, ສຳນວນຂີດຂຽນຕ້ອງສອດຄ່ອງ, ສັ້ນ, ທະທັດຮັດ ແລະ ໄດ້ໃຈຄວາມ, ຄຳສັບຕ້ອງເຂົ້າໃຈງ່າຍ, ມີຄວາມໝາຍອັນແນ່ນອນ ຫຼີກເວັ້ນຄຳສັບທີ່ພາໃຫ້ຜູ້ອ່ານເຂົ້າໃຈຫຼາຍແນວ, ເຂົ້າໃຈຜິດ, ຖ້າເປັນຄຳສັບເຕັກນິກ ໃຫ້ມີນິຍາມໃນເອກະສານນັ້ນ.
ນອກນັ້ນ ຫຼັກການໃນການແຕ່ງເອກະສານທາງການຄວນຄຳນືງເຖິງ 9 ຫຼັກ ຄື: ໃຫ້ກຽດຄົນ, ເຄົາລົບລະດັບຂັ້ນ, ຄວາມຮັບຜິດຊອບ, ພາວະວິໄສ, ຮັກໄຄມາລະຍາດ, ຄວາມຄຽມຄົມ, ຄວາມຊັດເຈນ, ເວົ້າໃຫ້ແຈ້ງ ແລະ ຄວາມເປັນອັນດຽວກັນ.
ຈຸດປະສົງ ກໍ່ເພື່ອເຮັດໃຫ້ຮູບແບບເອກະສານທາງລັດຖະການເປັນເອກະພາບກັນ ແລະ ສາມາດນໍາໃຊ້ເຂົ້າໃນວຽກງານຕົວຈິງໃຫ້ສອດຄ່ອງກັບກົນໄກການສື່ສານດ້ານບໍລິຫານ, ເຮັດໃຫ້ເອກະສານທາງລັດຖະການມີເນື້ອໃນສັ້ນ, ຈະແຈ້ງ, ຄົບຖ້ວນ ແລະ ເຂົ້າໃຈງ່າຍ, ເຮັດໃຫ້ພະນັກງານລັດຖະກອນຢູ່ໃນອົງການຈັດຕັ້ງຂັ້ນສູນກາງ ແລະ ທ້ອງຖີ່ນເຂົ້າໃຈ, ຮັບຮູ້ ແລະ ເປັນເອກະພາບໃນຮູບແບບເອກະສານທາງລັດຖະການ.
ພ້ອມນີ້ ຜູ້ເຂົ້າຮ່ວມຈະຮຽນຮູ້ຫຼັກການສ້າງນິຕິກຳ, ໂຄງປະກອບ, ຮູບແບບ ແລະ ຫຼັກການຮ່າງເອກະສານທາງລັດຖະການ ແລະ ຫຼັກການຕັ້ງຄ່າໄມໂຄຣຊອບເວີດ.
Users Today : 761
Users Yesterday : 752
This Month : 9811
This Year : 47216
Total Users : 433440
Who's Online : 5