ໃນລະຫວ່າງ ວັນທີ 14 – 16 ກຸມພາ 2022 ຄະນະບໍລິຫານງານຊາວໜຸ່ມ ແຂວງບໍລິຄຳໄຊ ໄດ້ຮ່ວມພະລັງນ້ຳໃຈ ປຸກລະດົມຈາກຄະນະຊາວໜຸ່ມຮາກຖານ ແລະ ສັງຄົມ ໄດ້ນຳເອົາຜ້າຫົ່ມ, ເຄື່ອງນຸ່ງ, ອຸປະກອນການຮຽນ – ກິລາ ແລະ ຢາປົວພະຍາດໄປມອບໃຫ້ໃຫ້ປະຊາຊົນ ແລະ ນັກຮຽນບ້ານໂພນຄຳ, ບ້ານສົບເຕີງ ເມືອງໄຊຈຳພອນ, ເປັນກຽດເຂົ້າຮ່ວມຂະບວນການເດີນທາງຄັ້ງນີ້ ມີ ທ່ານ ເລື່ອນວິໄລ ຈັນທະລາພັນ ຄະນະປະຈຳພັກແຂວງ ຮອງປະທານສະພາປະຊາຊົນແຂວງບໍລິຄຳໄຊ, ທ່ານ ທອງມະນີ ໂຄດປັນຍາ ເລຂາຄະນະບໍລິຫານງານຊາວໜຸ່ມແຂວງ, ພ້ອມດ້ວຍທີມງານຈຳນວນ 40 ສະຫາຍ ຍິງ 8 ສະຫາຍ, ໂດຍການຕ້ອນຮັບຂອງທ່ານ ກອງສີ ໄຊຍະວົງ ຮອງເຈົ້າເມືອງໄຊຈຳພອນ ພ້ອມດ້ວຍການນຳຂອງເມືອງ.
ເຄື່ອງທີ່ນຳມາມອບໃນຄັ້ງນີ້ ມີວັດຖຸອຸປະກອນການຮຽນ – ການກິລາ, ຜ້າຫົ່ມ, ໂທລະໂຄ່ງ, ຄອມພິວເຕີ, ປີ່ນເຕີ ຢາປົວພະຍາດ, ເຈວລ້າງມື ແລະ ຜ້າອັດປາກ ເຊິ່ງມີມູນຄ່າທັງໝົດ 72,000,000 ກີບ ( ເຈັດສີບສອງລ້ານກີບ ).
ໃນນັ້ນ, ໄດ້ມອບໃຫ້ຫ້ອງການຖະແຫຼງຂ່າວ, ວັດຖະນະທໍາ ແລະ ທ່ອງທຽວ ເມືອງ ໂທລະໂຄ່ງ 1 ຊຸດ ມູນຄ່າ 11,000,000 ກີບ, ມອບປື້ມແບບຮຽນ, ໄມ້ບັນທັດ, ສໍຂາວ ມູນຄ່າ 5,600,000 ກີບ ໃຫ້ແກ່ຫ້ອງການສຶກສາ-ກິລາເມືອງ, ມອບປີນເຕີ, ອຸປະກອນກິລາ, ເຈວລ້າງມື, ຜ້າອັດປາກໃຫ້ແກ່ຫ້ອງການຊາວໜຸ່ມເມືອງ ມູນຄ່າ 4,1750,000 ກີບ ແລະ ມອບຜ້າຫົມ, ເຄື່ອງນຸ່ງ, ພ້ອມດ້ວຍກວດພະຍາດ ແລະ ແຈກຢາຍຢາໃຫ້ພໍແມ່ປະຊາຊົນບ້ານໂພນຄຳ ມູນຄາ 15,840,000 ກີບ, ນອກນັ້ນ ຍັງໄດ້ມອບອຸປະກອນການຮຽນ, ກະເປົານັກຮຽນໃຫ້ແກ່ໂຮງຮຽນປະຖົມໂພນຄຳ ມູນຄ່າ 7,731,000 ກີບ.
ວັນທີ 15 ກຸມພາ 2022 ທີມງານຄະນະບໍລິຫານງານຊາວໜຸ່ມແຂວງ ແລະ ການນຳຂອງເມືອງ ກໍ່ໄດ້ສຶບຕໍ່ເຄື່ອນໄຫວມອບເຄື່ອງຊ່ວຍເຫຼືອໃຫ້ແກ່ພໍ່ແມ່ປະຊາຊົນ ແລະ ໂຮງຮຽນປະຖົມບ້ານສົບເຕີງ, ໃນນັ້ນ ໄດ້ມອບ ຜ້າຫົ່ມ, ເຄື່ອງນຸ່ງ, ພ້ອມທັງກວດພະຍາດ ແລະ ແຈກຢາຍຢາໃຫ້ປະຊາຊົນບ້ານສົບເຕີງ ມີມູນຄ່າ 17,120,000 ກີບ ແລະ ມອບປື້ມຂຽນ, ປື້ມແບບຮຽນ ອຸປະກອນກິລາໃຫ້ກັບນັກປະຖົມສົບເຕີງ ມູນຄ່າ 3,634,000 ກີບ.
ຫຼັງຈາກນັ້ນກໍ່ໄດ້ສຶບຕໍ່ເຄື່ອນໄຫວໄປຢ້ຽມຢາມໃຫ້ກຳລັງໃຈ ທະຫານຊາຍແດນ 252 ໄດ້ມອບຄອມພິວເຕີ, ຢາປົວພະຍາດ, ເຈວລ້າງມື, ຜ້າອັດປາກ ມູນຄ່າ 6,900,00 ກີບ.
Users Today : 31
Users Yesterday : 417
This Month : 5721
This Year : 55369
Total Users : 441593
Who's Online : 3