ໃນຕອນເຊົ້າຂອງວັນທີ 21 ຕຸລາ 2022 ຢູ່ໂຮງໝໍແຂວງບໍລິຄຳໄຊ ທ່ານ ດຣ ບຸນຍັງ ພົມມະຈັນ ອຳນວຍການໂຮງໝໍແຂວງ ພ້ອມດ້ວຍຄະນະ ໄດ້ຕ້ອນຮັບທ່ານ ປີເຕີ ເຮັງແມ້ນ ຄະນະຮັບຜິດຊອບໂຄງການ 030 ປະຈໍາລາວ ພ້ອມດ້ວຍຄະນະ ທີ່ໄດ້ເດີນທາງມາເຄື່ອນໄຫວເຮັດວຽກຢູ່ໂຮງໝໍແຂວງ.
ທ່ານ ດຣ ບຸນຍັງ ພົມມະຈັນ ໄດ້ລາຍງານວ່າ: ໃນມໍ່ໆນີ້ ໂຮງໝໍແຂວງຈະໄດ້ເປີດນຳໃຊ້ລະບົບຖານຂໍ້ມູນແບບທັນສະໄໝ ດ້ວຍການກົດບັດຄິວ ແລ້ວລໍຖ້າກວດໄປຕາມລະຫັດ ແລະ ຈະເກັບຂໍ້ມູນຜ່ານລະບົບຄອມພິວເຕີ, ໃນນີ້ ສະເພາະຄົນເຈັບໜັກ, ຜູ້ເຖົ້າ, ນັກບວດ ແລະ ອາວຸໂສບຳນານ ຈະໄດ້ແຍກໄວ້ສະເພາະ ແລະ ຄົນເຈັບຫ້ອງສຸກເສີນ, ມໍລະສຸມ, ກວດເຂດນອກ ຈະບັນທຶກຄົນເຈັບ ດ້ວຍການສະແກນໃບໜ້າ.
ໃນກໍລະນີທີ່ຄົນເຈັບມາກວດຄັ້ງຕໍ່ໄປ ທີ່ລືມປື້ມຕິດຕາມ ແມ່ນສາມາດສະແກນໃບໜ້າໃສ່ຖານຂໍ້ມູນ, ທັງນີ້ ກໍ່ເພື່ອຄວາມສະດວກສະບາຍໃນການບໍລິການໃຫ້ແກ່ພໍ່ແມ່ປະຊາຊົນ ແລະ ທັງເປັນການນຳໃຊ້ລະບົບທີ່ທັນສະໄໝ ເຂົ້າໃນການເຮັດວຽກຂອງໂຮງໝໍອີກດ້ວຍ.
ຈາກນັ້ນ ທາງຄະນະ ຍັງເລາະເບິ່ງການປັບປຸງຫ້ອງສຸກເສີນ ເຊິ່ງປັດຈຸບັນແມ່ນມີຄວາມຄືບໜ້າແລ້ວ 90%.
Users Today : 135
Users Yesterday : 825
This Month : 10010
This Year : 47415
Total Users : 433639
Who's Online : 10