ຕອນເຊົ້າຂອງວັນທີ 11 ທັນວາ 2020 ຢູ່ຫ້ອງການບ້ານຄອນຕ່າວ, ເມືອງວຽງທອງ, ແຂວງບໍລິຄໍາໄຊ ໄດ້ຈັດກອງປະຊຸມ ສະຫຼຸບວຽກງານກໍ່ສ້າງຮາກຖານການເມືອງ ຂອງກອງພັນໃຫຍ່ 621 ປະຈໍາຢູ່ບ້ານ ຄອນຕ່າວ ແລະ ບ້ານນາໂທຂື້ນ ໂດຍເປັນກຽດເຂົ້າຮ່ວມຂອງ ທ່ານ ວົງສີ ທອງສີອິນທິປັນຍາ ຄະນະປະຈຳພັກແຂວງ, ເຈົ້າເມືອງວຽງທອງ, ທ່ານ ພັອ ວິລະຈິດ ວິວາວົງ ຫົວໜ້າການທະຫານກອງພັນໃຫຍ່ 621, ມີພະນັກກໍ່ສ້າງຮາກຖານການເມືອງ, ອົງການປົກຄອງບ້ານ 2 ບ້ານ ແລະ ປະຊາຊົນເຂົ້າຮ່ວມ.
ທ່ານ ພັທ ສຸວັນໄຊ ອິນທະວົງ ຫົວໜ້າຂະແໜງກໍ່ສ້າງຮາກຖານ ໄດ້ຂຶ້ນຜ່ານບົດສະຫຼຸບໃນການຈັດຕັ້ງປະຕິບັດວຽກງານກໍ່ສ້າງຮາກຖານການເມືອງ ໄລຍະ 1 ເດືອນ ຜ່ານມາວ່າ: ບ້ານ ຄອນຕ່າວ ແລະ ບ້ານ ນາໂທ ມີ 475 ຄອບຄົວ, 381 ຫຼັງຄາເຮືອນ, ມີ 3 ຊົນເຜົ່າ ຄື: ເຜົ່າລາວລຸ່ມ, ເຜົ່າມົ້ງ ແລະ ເຜົ່າພ້ອງ, ມີພົນລະເມືອງທັງໝົດ 2489 ຄົນ, ຍິງ 1256 ຄົນ.
ຜ່ານການຈັດຕັ້ງປະຕິບັດ ທີມງານກໍ່ສ້າງຮາກຖານການເມືອງ ໄດ້ນໍາເອົາເອກະສານແນວທາງຂອງພັກ – ກົດໝາຍຂອງລັດ ລົງເຜີຍແຜ່ເຊື່ອມຊືມ ໃຫ້ແກ່ພໍ່ແມ່ປະຊາຊົນ ທັງສອງບ້ານໃຫ້ເຂົ້າໃຈ ແລ້ວພ້ອມກັນຕື່ນຕົວປະກອບສ່ວນກັບທຸກວຽກງານຂອງບ້ານ, ບຳລູງສ້າງພະນັກງານຂັ້ນບ້ານໃຫ້ເຄື່ອນໄຫວໜ້າທີ່ຖືກຕາມ 5 ໜ່ວຍງານ, ເອົາໃຈໃສ່ຕິດຕາມການສວຍໃຊ້ສາສະໜາໄປທາງທີ່ຜິດ, ຕິດຕາມສະພາບການເຄື່ອນໄຫວຂອງກຸ່ມຄົນບໍ່ດີ, ປຸກລະດົມຄວາມສາມັກຄີປອງດອງຢ່າງແໜ້ນແຟ້ນຂອງປະຊາຊົນ, ເອົາໃຈໃສ່ ຕ້ານ, ສະກັດກັ້ນ ແລະ ແກ້ໄຂບັນດາປະກົດການຫຍໍ້ທໍ້ທີ່ເກີດຂຶ້ນ ເພື່ອເຮັດໃຫ້ 2 ບ້ານນີ້ມີຄວາມສະຫງົບສຸກ.
Users Today : 407
Users Yesterday : 752
This Month : 9457
This Year : 46862
Total Users : 433086
Who's Online : 9