6 ເດືອນຕົ້ນປີ 2020 ແຂວງບໍລິຄຳໄຊ ເກັບລາຍຮັບຫຼຸດແຜນການ ດ້ວຍຫຼາຍສາເຫດ ທ່ານ ຄຳແຫວນ ປັນຍານຸວົງ ກຳມະການພັກແຂວງ ຫົວໜ້າພະແນກການເງິນແຂວງບໍລິຄຳໄຊ ໄດ້ລາຍງານການຈັດຕັ້ງປະຕິບັດແຜນງົບປະມານແຫ່ງລັດ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2020 ຕໍ່ກອງປະຊຸມເປີດກວ້າງຄົບຄະນະບໍລິຫານງານພັກແຂວງບໍລິຄຳໄຊ ຄັ້ງທີ 16 ສະໄໝທີ VI ທີ່ໄດ້ໄຂໃນຕອນເຊົ້າຂອງວັນທີ 09 ກໍລະກົດ 2020 ຢູ່ຫ້ອງປະຊຸມຫ້ອງວ່າການແຂວງ.
ຜ່ານການຈັດຕັ້ງປະຕິບັດຕົວຈິງ ແຂວງບໍລິຄຳໄຊສາມາດເກັບລາຍຮັບໄດ້ທັງໝົດ 263,33 ຕື້ກີບ ເທົ່າກັບ 57,29% ຂອງການແຜນການ 6 ເດືອນຕົ້ນປີ, ປີຜ່ານມາໃນໄລຍະດຽວກັນ 68,38%, ພູດສູນກາງ 196,06 ຕື້ກີບ ເທົ່າກັບ 55,09%, ປີຜ່ານມາ 69,16 ຕື້ກີບ, ພູດທ້ອງຖິ່ນ ປະຕິບັດໄດ້ 67,27 ຕື້ກີບ ເທົ່າກັບ 64,84%, ປີຜ່ານມາ 66,20%, ການດຸນດ່ຽງ ປະຕິບັດ 148,43%, ເທົ່າກັບ 90,28% ປີຜ່ານມາ 101,38%. ອີງຕາມການສະຫຼຸບເຫັນວ່າປະຕິບັດບໍ່ໄດ້ຕາມແຜນການ 6 ເດືອນຕົ້ນປີ ປະຕິບັດໄດ້ 57,29% ລຸດແຜນການ 42,71% ຫຼື ປະມານ 196,30 ຕື້ກີບ ໃນນີ້ ພູດສູນກາງລຸດແຜນ 44,91% ເທົ່າກັບ 159,82% ຕື້ກີບ, ພູດທ້ອງຖິ່ນລຸດແຜນ 35,16% ເທົ່າກັບ 36,47 ຕື້ກີບ, ສາເຫດຕົ້ນຕໍທີ່ເຮັດໃຫ້ລາຍຮັບບໍ່ບັນລຸແຜນການ ແມ່ນຍ້ອນຜົນກະທົບຈາກການແຜ່ລະບາດຂອງພະຍາດໂຄວິດ-19 ໃນໄລຍະເດືອນ 3 ຫາ ເດືອນ 5 ປີ 2020 ຈາກການຢຸດຫລາຍກິດຈະການ ແລະ ປິດດ່ານ, ການນຳເຂົ້ານ້ຳມັນເຊື້ອໄຟ, ການນຳເຂົ້າສິນຄ້າເຄິ່ອງສຳເລັດຮູບ, ການນຳເຂົ້າສິ້ນສ່ວນພາຫະນະ ແລະ ການນຳເຂົ້າສິນຄ້າອື່ນໆກໍ່ມີລັກສະນະຫຼຸດລົງ.
ສຳລັບທິດທາງແຜນການ 6 ເດືອນທ້າຍປີ 2020 ຈະສູ້ຊົນເກັບລາຍຮັບໃຫ້ໄດ້ທັງໝົດ 311,16 ຕື້ກີບ ຄາດຄະເນໝົດປີ 574,49 ຕື້ກີບ ເທົ່າກັບ 61,93% ຂອງແຜນການປີ, ພູດສູນກາງໃຫ້ໄດ້ 227,42 ຕື້ກີບ ໝົດປີ 423,55 ຕື້ກີບ ເທົ່າກັບ 59,50% ຂອງແຜນການປີ, ພູດທ້ອງຖິ່ນ 83,67 ຕື້ກີບ ໝົດປີ 150,95 ຕືກີບ ເທົ່າກັບ 69,95% ຂອງແຜນການປີ.
Users Today : 934
Users Yesterday : 494
This Month : 8775
This Year : 128812
Total Users : 515036
Who's Online : 88