ເມືອງປາກກະດິງ ສອບເສັງຄັດເລືອກນັກຮຽນເກັ່ງ ສາຍສາມັນ

 

ການສອບເສັງຄັດເລືອກເອົານັກຮຽນເກັ່ງສາຍສາມັນ ປ5, ມ4 ແລະ ມ7 ທົ່ວເມືອງປາກກະດິງ ແຂວງບໍລິຄຳໄຊ ເພື່ອເປັນຕົວແທນໄປສອບເສັງຢູ່ຂັ້ນແຂວງ ໄດ້ຈັດຂື້ນໃນຕອນເຊົ້າ ວັນທີ 25 ທັນວາ 2020 ຢູ່ທີ່ຫ້ອງປະຊຸມກຸ່ມເສດຖະກິດເມືອງປາກກະດິງ ພາຍໃຕ້ການເປັນປະທານຂອງທ່ານ ບຸນຍັງ ອຸ່ນຊຽງໃຫມ່ ຮອງເຈົ້າເມືອງປາກກະດິງ.

ການສອບເສັງ ຊັ້ນ ປໍ5 ມີ 3 ວິຊາ ຄື: ຄະນິດສາດ, ພາສາລາວ ແລະ ໂລກອ້ອມຕົວ. ຊັ້ນ ມໍ4 ແລະ ມໍ7 ມີ 4 ວິຊາ ຄື: ພາສາລາວ, ຄະນິດສາດ, ຟີຊິກສາດ ແລະ ເຄມີສາດ, ມີຈຳນວນນັກສອບເສັງທັງໝົດ 141 ນ້ອງ, ກຳນົດເວລາສອບເສັງແຕ່ລະວິຊາ 2 ຊົ່ວໂມງເຕັມ.

ການສອບເສັງຄັ້ງນີ້ ເປັນການປະຕິບັດກິດຈະກຳ ການຮຽນການສອນໃຫ້ຄົບ 5 ຫຼັກມູນຂອງການສຶກສາ ທີ່ກະຊວງສຶກສາທິການ ແລະ ກິລາວາງອອກ, ທັງເປັນການທົດສອບຄວາມຮູ້, ຄວາມສາມາດ, ປູກຈິດສຳນຶກ ແລະ ສ້າງຄວາມກະຕືລືລົ້ນໃຫ້ແກ່ນັກຮຽນ ມີຈິດໃຈບຸກບືນຄົ້ນຄ້ວາຮ່ຳຮຽນ ສະແຫວງຫາຄວາມຮູ້ ສ້າງຕົນເອງໃຫ້ມີຄວາມກ້າວໜ້າໃນສັງຄົມ.

ຜົນການສອບເສັງ ສາມາດຄັດເລືອກໄດ້ນັກຮຽນເກັ່ງເປັນຕົວແທນຂັ້ນເມືອງໄປສອບເສັງຢູ່ຂັ້ນຂັ້ນແຂວງບໍລິຄຳໄຊ ຄື: ປ5 ວິຊາພາສາລາວໄດ້ແກ່ ທ້າວບຸນມາ ມະນີວົງ ໂຮງຮຽນປະຖົມສົມບູນຂອນຂ້ວາງ, ນາງ ດາວຫັວນ ວໍລະສານ ໂຮງຮຽນ ປະຖົົມບູນໜອງບົວ, ນາງ ມຸກດາ ພົມຈິນດາ ໂຮງຮຽນປະຖົມສົມບູນນານ້ຳ. ວິຊາຄະນິດສາດ ໄດ້ແກ່ ທ້າວ ເຕ້ຍ ທຳມະຍາ ປະຖົມສົມບູນດອນໄຊ, ນາງ ວານິຕາ ຍົດຕິທຳ ປະຖົມສົມບູນໂພນງາມ, ນາງ ມີ້ນ ມະນີທອງ ປະຖົມສົມບູນທົ່ງນ້ອຍ. ວິຊາໂລກອ້ອມຕົວໄດ້ແກ່ ນາງ ເພັດມະນີ ແສງທະວົງ ປະຖົມສົມບູນທົງນາມີ, ນາງ ດອກແຄ ມາກສົມພານ ປະຖົມສົມບູນດອນໄຊ, ນາງ ມາຍມີ້ນ ພົງຄຳພັນ ປະຖົມສົມບູນໂພນສີ.

ມ4 ວິຊາພາສາລາວ ນາງ ກຸ້ງນາລີ ໄຊຍະວົງສາ ມໍຕົ້ນໂພນສີ, ວິຊາຄະນິດສາດ ທ້າວໃສຢ່າງ ເຈ້ຍມົວ ມໍຕົ້ນທົ່ງນາມີ, ວິຊາຟີຊິກສາດ ທ້າວ ສີວົງສຸກເຮີ ວາເຮີຕົງລົງ ມ ຕົ້ນທົ່ງນາມີ, ວິຊາເຄມີສາດ ນາງ ຈີເອ້ຍທ່າວ ເພຍຫຼວງ ມໍຕົ້ນທົ່ງນາມີ.

ມ7 ວິຊາພາສາລາວ ນາງທິດາ ຢ່າງ ມສ ວຽງຄຳ, ວິຊາຄະນິດສາດ ທ້າວ ເມັງເຮີ ຈະເລີນເຢ່ຍປ່າວເຮີ ມສ ປາກກະດິງ, ວິຊາ ຟີຊິກສາດ ທ້າວ ມໍລໍ່ ມສ ວຽງຄຳ ແລະ ວິຊາເຄມີສາດ ທ້າວ ຕົ້ນ ສີດາວົງ ມສ ວຽງຄຳ.

• Facebook
• Twitter
• Line