ເມືອງປາກຊັນເກັບກ່ຽວເຂົ້ານາປີສຳເລັດ 65%

ປະຈຸບັນນີ້ ປະຊາຊົນພາຍໃນເມືອງປາກຊັນ ທີ່ເຮັດການຜະລິດປູກເຂົ້ານາປີ ແມ່ນພວມຂຸ້ນຂ້ຽວ, ເລັ່ງໃສ່ການເກັບກ່ຽວຜົນຜະລິດ ເພື່ອໃຫ້ທ່ວງທັນຕາມລະດູການ ໃນເນື້ອທີ່ທັງໝົດ 10.928 ເຮັກຕ່າ. ໃນວັນທີ 4 ພະຈິກ ຜ່ານມານີ້ ທ່ານ ສົມສິດ ຈັນທະລາ ຫົວຫ້ອງການກະສິກໍາ ແລະ ປ່າໄມ້ເມືອງປາກຊັນ ພ້ອມດ້ວຍວິຊາການໜ່ວຍງານກ່ຽວຂ້ອງ ລົງເຄື່ອນໄຫວຕິດຕາມການເກັບກ່ຽວຜົນຜະລິດເຂົ້້ານາປີ ຂອງພໍ່ແມ່ປະຊາຊົນຢູ່ແຕ່ລະເຂດຢູ່ພາຍໃນເມືອງປາກຊັນ ໂດຍສະເພາະສົກປີ 2020 ປະຕິບັດໄດ້ 10.850 ເຮັກຕ່າ.

ມາຮອດປະຈຸບັນ ແມ່ນກຳລັງເກັບກ່ຽວເຂົ້າໄດ້ປະມານ 65% ເທົ່າກັບ 3.797 ເຮັກຕາ, ສະມັດຕະພາບສະເພາະສົກປີ 2020 ນີ້ ແມ່ນຈະສູ້ຊົນໃຫ້ໄດ້ 4,2 ໂຕນ ຕໍ່ ເຮັກຕ່າ, ຄາດວ່າຈະເກັບກູ້ຜົນຜະລິດເຂົ້້ານາປີ ໃຫ້ສຳເລັດ 100% ໃນທ້າຍເດືອນພະຈິກນີ້ ພາຍຫຼັງເກັບກ່ຽວເຂົ້້ານາປີສຳເລັດແລ້ວ ເມືອງປາກຊັນ ພ້ອມສືບຕໍ່ກະກຽມວາງແຜນຜະລິດປູກພືດລະດູແລ້ງເປັນສິນຄ້າ, ຜະລິດເຂົ້ານາແຊງ ໃນສົກປີ 2021 ໃນເນື້ອທີ 500 ເຮັກຕ່າ ແລະ ພືດລະດູແລງ 2.369 ເຮັກຕ່າ. ເຊິ່ງທົ່ວເມືອງປາກຊັນມີສະຖານີຈັກສູບນໍ້າ 13 ແຫ່ງ ແລະ ມີອ່າງເກັບນໍ້າ 2 ແຫ່ງ ຢູ່ໃນຈໍານວນ 8 ບ້ານ ແລະ ສາມາດສະໜອງນໍ້າໄດ້ 500 ເຮັກຕ່າ ຕາມແຜນການທີ່ກຳນົດໄວ້.

ເຊິ່ງປະຈຸບັນ ທາງໜ່ວຍງານກ່ຽວຂ້ອງ ກໍ່ຄື ຫ້ອງການກະສິກຳ ແລະ ປ່າໄມ້ເມືອງ ສົມທົບກັບອຳນາດການປົກຄອງແຕ່ລະບ້ານ ພວມສ້າງເງຶ່ອນໄຂ ແລະ ສ້າງຄວາມອຳນວຍຄວາມສະດວກ ເປັນຕົ້ນແມ່ນ ປັບປຸງສ້ອມແປງຄອງຊົນລະປະທານ, ຊຸກຍູ້ໃຫ້ປະຊາຊົນ ແລະ ຄອບຄົວທີ່ເຮັດການຜະລິດດ້ານກະສິກໍາ, ຄອບຄົວຕົວແບບໃນການຜະລິດ ແລະ ຄອບຄົວອື່ນໆ ເພື່ອກະກຽມພ້ອມລົງມືປູກພຶດລະດູແແລ້ງໃນເນື້ອທີ່ທັງໝົດ 1.267 ເຮັກຕາ ໃຫ້ໄດ້ຕາມແຜນການທີ່ກຳນົດໄວ້ໃນສົກປິ 2021 ນີ້.

• Facebook
• Twitter
• Line