ເພຶ່ອເປັນການປະກອບສ່ວນອຸປະກອນຮັບໃຊ້ຫ້ອງການ-ຫ້ອງຮຽນ ທີ່ຍັງຂາດເຂີນໃຫ້ມີຄວາມພຽງພໍກັບຄວາມຮຽກຮ້ອງຕ້ອງການ ເຮັດໃຫ້ການຈັດຕັ້ງປະຕິບັດວຽກງານ ມີຄວາມສະດວກວ່ອງໄວ້ຍິ່ງຂຶ້ນກວ່າເກົ່າ ໃນຕອນບ່າຍຂອງວັນທີ່ 5 ພະຈິກ 2020 ທ່ານ ໄຊອໍາພອນ ສີຫາວົງ ຫົວໜ້າພະແນກສ່ວຍສາອາກອນແຂວງບໍລິຄໍາໄຊ ພ້ອມດ້ວຍຄະນະ ໄດ້ນໍາເອົາຄອມພິວເຕີ 1 ໜ່ວຍ ພ້ອມດ້ວຍເຄື່ອງປິ່ນ 1 ຊຸດ ລວມມູນຄ່າ 3.800.000 ກີບ ແລະ ທ່ານ ຈັນທະວອນ ຈັນທະວົງ ຫົວໜ້າທະນາຄານ ພັດທະນາລາວ ສາຂາປາກຊັນ ພ້ອມດ້ວຍຄະນະ ໄດ້ນໍາເອົາພັດລົມຈໍານວນ 8 ໜ່ວຍ, ບານເຕະ, ກະຕໍ້ ແລະ ເຄື່ອງຫຼິ້ນກິລາຈໍານວນໜຶ່ງ ລວມມູນຄ່າ 2 ລ້ານກວ່າກີບ ມາມອບ ໃຫ້ໂຮງຮຽນ ມ.ສ ໜອງບົວ ເພຶ່ອນໍາໃຊ້ເຂົ້າໃນວຽກງານ ແລະ ການຈັດກິດຈະກໍາໃນດ້ານຕ່າງໆ ພາຍໃນໂຮງຮຽນ ເຊິ່ງເປັນກຽດຮັບເຄື່ອງດັ່ງກ່າວ ໂດຍແມ່ນທ່ານ ນາງ ສົມສະໄໝ ອິນທະວົງໄຊ ຮັກສາການຜູ້ອໍານວຍການໂຮງຮຽນ ມສ ໜອງບົວ ໂດຍມີທ່ານ ຄໍາແວ່ນ ປັນຍານຸວົງ ຫົວໜ້າຫ້ອງການສຶກສາທິການ ແລະ ກິລາເມືອງປາກຊັນ ແລະ ນ້ອງນ້ອຍນັກຮຽນພາຍໃນໂຮງຮຽນເຂົ້າຮ່ວມເປັນສັກຂິພະຍານ.
ທ່ານ ນາງ ສົມສະໄໝ ອິນທະວົງໄຊ ໄດ້ກ່າວສະແດງຄວາມຂອບໃຈເປັນຢ່າງສູງ ມາຍັງພາກສ່ວນຕ່າງໆ ທີ່ເຫັນໄດ້ຄວາມສໍາຄັນຂອງວຽກງານການສຶກສາ ທີ່ໄດ້ນໍາເອົາວັດຖຸປັດໃຈຈໍານວນດັ່ງກ່າວມາມອບໃຫ້ ທັງເປັນການປະກອບສ່ວນອັນສໍາຄັນ ໃນການຈັດຕັ້ງປະຕິບັດໜ້າທີ່ວຽກງານ ໃຫ້ມີຄວາມສະດວກວ່ອງໄວ້ ຫັນເປັນທັນສະໄໝ ແລະ ມີການພັດທະນາຂຶ້ນໄປເລື່ອຍໆ.
Users Today : 134
Users Yesterday : 409
This Month : 10397
This Year : 130434
Total Users : 516658
Who's Online : 27