ບໍລິຄຳໄຊ ເປີດຊຸດຮຽນທິດສະດີການເມືອງ ລະບົບຂັ້ນຕົ້ນ ແລະ ຂັ້ນກາງ ຮຸ່ນທີ I

ພິທີເປີດຊຸດຮຽນທິດສະດີການເມືອງ ລະບົບຂັ້ນຕົ້ນ ແລະ ຂັ້ນກາງ ຮຸ່ນທີ I ຂອງໂຮງຮຽນທິດສະດີການເມືອງ ແລະ ການປົກຄອງແຂວງບໍລິຄຳໄຊ ໄດ້ຈັດຂຶ້ນໃນຕອນເຊົ້າຂອງວັນທີ 5 ມັງກອນ 2023 ເປັນກຽດເຂົ້າຮ່ວມຂອງທ່ານ ຮຈ ພູວົງ ອຸ່ນຄຳແສນ ກໍາມະການສູນກາງພັກ, ເລຂາຄະນະພັກ ຫົວໜ້າສະຖາບັນການເມືອງ ແລະ ການປົກຄອງແຫ່ງຊາດ ແລະ ທ່ານ ປອ ກອງແກ້ວ ໄຊສົງຄາມ ກຳມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງບໍລິຄຳໄຊ, ມີຄະນະຄູອາຈານ, ຄະນະຮັບຜິດຊອບຂັ້ນແຂວງ ພ້ອມດ້ວຍນັກສຶກສາທັງສອງລະບົບເຂົ້າຮ່ວມ.

ນັກສຶກສາຂັ້ນຕົ້ນມີ 52 ສະຫາຍ, ຍິງ 20 ສະຫາຍ, ຂັ້ນກາງ ມີ 61ສະຫາຍ, ຍິງ 16 ສະຫາຍ ລວມທັງໝົດ 113 ສະຫາຍ, ຍິງ 36 ສະຫາຍ, ໃນນັ້ນ ມາຈາກຂົງເຂດເສດຖະກິດ 29 ສະຫາຍ ຍິງ 7 ສະຫາຍ, ວັດທະນະທໍາ-ສັງຄົມ 20 ສະຫາຍ ຍິງ 10 ສະຫາຍ, ຕຸລາການ 7 ສະຫາຍ ຍິງ 2 ສະຫາຍ, ການເມືອງ 27 ສະຫາຍ ຍິງ 18 ສະຫາຍ, ປກຊ – ປກສ 28 ສະຫາຍ ຍິງ 4 ສະຫາຍ, ລັດວິສາຫະກິດ 2 ສະຫາຍ, ມາຈາກພະແນກການຕ່າງໆພາຍໃນແຂວງ 67 ສະຫາຍ ຍິງ 18 ສະຫາຍ, ມາຈາກເມືອງ 46 ສະຫາຍ ຍິງ 18 ສະຫາຍ, ແຕ່ລະສະຫາຍແມ່ນສະມາຊິກພັກສົມບູນ.

ຫຼັກສູດທິດສະດີການເມືອງຂັ້ນຕົ້ນ ປະກອບມີ 7 ກຸ່ມວິຊາຮຽນ ແລະ 1 ບົດລາຍງານຈົບຂັ້ນ ມີບົດສອນ 55 ບົດ ລວມ 420 ຊົ່ວໂມງ, ເທົ່າກັບ 13 ໜ່ວຍກິດ ໃນນັ້ນ ມີວິຊາຮຽນຄື: ກຸ່ມວິຊາປັດຊະຍາມາກ-ເລນິນ 7 ບົດ, ລວມ 62 ຊົ່ວໂມງ, ວິຊາເສດຖະສາດການເມືອງມາກ-ເລນິນ 9 ບົດ ລວມ 87 ຊົ່ວໂມງ, ວິຊາລັດທິສັງຄົມນິຍົມວິທະຍາສາດ 12 ບົດ, ລວມ 74 ຊົ່ວໂມງ, ແນວຄິດໄກສອນ ພົມວິຫານ 5 ບົດ, ລວມ 32 ຊົ່ວໂມງ, ກຸ່ມວິຊາພື້ນຖານການຄຸ້ມຄອງບໍລິຫານລັດ7ບົດ, ລວມ 63ຊົ່ວໂມງ, ກຸ່ມວິຊາປະຫວັດສາດພັກ ແລະ ກໍ່ສ້າງພັກ 10 ບົດລວມ 70 ຊົ່ວໂມງ, ກຸ່ມວິຊາຫົວຂໍ້ລາຍງານເພີ່ມ 5 ບົດລວມ 20 ຊົ່ວໂມງ, ຂຽນບົດປະເມີນຄວາມຮັບຮູ້ຈົບຂັ້ນ (ຜູ້ລະ10-15 ໜ້າ) ຜ່ານບົດຈົບຂັ້ນລວມ 32 ຊົ່ວໂມງ.

ຫຼັກສູດທິດສະດີການເມືອງຂັ້ນກາງ ມີ 7 ກຸ່ມວິຊາຮຽນ ແລະ 1 ບົດປ້ອງກັບຈົບຂັ້ນ ມີບົດສອນທັງໝົດ 94 ບົດລວມ 720 ຊົ່ວໂມງ ເທົ່າກັບ 22 ໜ່ວຍກິດ, ໃນນັ້ນ ປະກອບມີຟັງລາຍງານເພີ່ມ, ຄົ້ນຄວ້າສຳມະນາ, ແກ້ຂໍ້ຂ້ອງໃຈ, ຂຽນລາຍງານແຕ່ລະວິຊາ ແລະ ຂຽນບົດທົບທວນຈົບຂັ້ນແບ່ງອອກເປັນແຕ່ລະກຸ່ມວິຊາ ຄື: ກຸ່ມວິຊາປັດຊະຍາມາກ-ເລນິນ ແລະ ວິຊາວັດທະນະທໍາ ມີ 11 ບົດ, ລວມ 97 ຊົ່ວໂມງ, ກຸ່ມວິຊາເສດຖະສາດການເມືອງມາກ-ເລນິນ 16 ບົດ ລວມ 126 ຊົ່ວໂມງ, ກຸ່ມວິຊາລັດທິສັງຄົມນິຍົມວິທະຍາສາດ, ພົວພັນສາກົນ, ສັງຄົມສາດ, ປ້ອງກັນຊາດ-ປ້ອງກັນຄວາມສະຫງົບ 24 ບົດ ລວມ 141 ຊົ່ວໂມງ, ແນວຄິດໄກສອນ ພົມວິຫານ 8 ບົດ ລວມ 72 ຊົ່ວໂມງ, ວິຊາພື້ນຖານການຄຸ້ມຄອງບໍລິຫານລັດ, ທິດສະດີລັດ ແລະ ກົດໝາຍ, ເຕັກນິກບໍລິຫານ 13 ບົດ ລວມ 98 ຊົ່ວໂມງ, ວິຊາປະຫວັດສາດ ແລະ ກໍ່ສ້າງພັກ 15 ບົດ ລວມ 97 ຊົ່ວໂມງ, ກຸ່ມວິຊາບັງຄັບ ແລະ ຫົວຂໍ້ລາຍງານເພີ່ມ 7 ບົດ ລວມ 28 ຊົ່ວໂມງ, ຂຽນບົດທົບທວນຈົບຂຶ້ນ (ຜູ້ລະ 30-35 ໜ້າ) ແລະ ຜ່ານບົດ 61 ຊົ່ວໂມງ.

• Facebook
• Twitter
• Line