ໃນວັນທີ 10 ພະຈິກ 2022 ທີ່ຫ້ອງປະຊຸມ ປກສ ເມືອງ ທ່າພະບາດ ໄດ້ເປິດກອງປະຊຸມສະຫຼຸບການຈັດຕັ້ງປະຕິບັດວຽກງານ ສະມາຄົມຊ່ວຍເຫຼືອເຊິ່ງກັນ ແລະ ກັນ ຂອງສະຫະພັນນັກຮົບເກົ່າເມືອງ ໃນໄລຍະ 6 ປີຜ່ານມາ, ເປັນປະທານໂດຍຂອງ ທ່ານ ສົມສົດ ແສງອາພອນ ເຈົ້າເມືອງທ່າພະບາດ ແລະ ທ່ານ ພັທ ດວງຕາ ໄຊຍະສານ ປະທານສະຫະພັນນັກເກົ່າແຂວງບໍລິຄຳໄຊ, ມີຫົວໜ້າຫ້ອງການ, ຫົວໜ້າໜ່ວຍນັກຮົບເກົ່າບ້ານທົ່ວເມືອງ ແລະ ພາກສ່ວນກ່ຽວຂ້ອງ ເຂົ້າຮ່ວມ.
ທີ່ປະຊຸມ ໄດ້ຜ່ານບົດສະຫຼຸບການຈັດຕັ້ງປະຕິບັດວຽກງານສະມາຄົມຊ່ວຍເຫຼືອເຊິ່ງກັນ ແລະ ກັນຂອງສະຫະພັນນັກຮົບເກົ່າເມືອງໃນໄລຍະ 6 ປີຜ່ານມາ ວ່າ: ສະຫະພັນນັກຮົບເກົ່າເມືອງ ມີພາລະບົດບາດເປັນເສນາທິການໃຫ້ແກ່ຄະນະພັກເມືອງ ແລະ ສະຫະພັນນັກຮົບເກົ່າຂັ້ນເທິງຖັດຕົນ, ມີໜ້າທີ່ປົກປ້ອງສິດຜົນປະໂຫຍດຂອງສະຫະພັນນັກຮົບເກົ່າ ແລະ ເຕົ້າໂຮມຄວາມສາມັກຄີ, ຮັກສາໄດ້ມູນເຊື້ອຕໍ່ສູ້ກູ້ຊາດໃນເມື່ອກ່ອນກໍ່ຄືໃນປັດຈຸບັນ, ປະກອບສ່ວນເຂົ້າໃນການສ້າງສາ ແລະ ພັດທະນາປະເທດຊາດ.
ສະຫະພັນນັກຮົບເກົ່າເມືອງ ໄດ້ສ້າງສະມາຄົມຊ່ວຍເຫຼືອເຊິ່ງກັນ ແລະ ກັນ ໃນວັນທີ 1 ມັງກອນ 2016 ໂດຍມີການອະນຸມັດສ້າງຕັ້ງຂອງທ່ານເຈົ້າເມືອງ ທ່າພະບາດ ເພື່ອເປັນການບັນເທົາທຸ ແລະ ເບີ່ງແຍງຊ່ວຍເຫຼືອເຊີ່ງກັນ ແລະ ກັນໃນເວລາເສຍຊີວິດຂອງສະມາຊິກພາຍໃນເມືອງ ໂດຍການເກັບເງິນນຳສະມະຊິກສະມາຄົມຜູ້ລະ 10.000 ກິບ/ຄົນ/1 ຄົນເສຍຊີວິດ, ສະມາຊິກນັກຮົບເກົ່າທົ່ວເມືອງ ທັງໝົດ 5.593 ຄົນ, ຍິງ 2.645 ຄົນ.
Users Today : 1222
Users Yesterday : 494
This Month : 9063
This Year : 129100
Total Users : 515324
Who's Online : 38