ໃນລະຫວ່າງວັນທີ 10 – 11 ພະຈິກ 2022 ທີ່ຫ້ອງປະຊຸມຫ້ອງວ່າການເມືອງທ່າພະບາດ ແຂວງບໍລິຄຳໄຊ ໃດ້ຈັດຝຶກອົບຮົມ ບົດບາດຍິງ – ຊາຍ ເຂົ້າໃນວຽກງານການສົ່ງເສີມການລົງທຶນ ທີ່ມີຄວາມຮັບຜິດຊອບ ໂດຍການເປັນປະທານຂອງ ທ່ານ ກອນ ຫຼວງພິທັກ ຮອງເຈົ້າເມືອງ ທ່າພະບາດ ແລະ ທ່ານ ນາງ ຄໍາໃບ ບໍລິວັນ ຮອງປະທານສະຫະພັນແມ່ຍິງແຂວງ, ມີພະແນກການທີ່ກ່ຽວຂ້ອງຂັ້ນແຂວງ, ຂັ້ນເມືອງ ຈາກເມືອງທ່າພະບາດ, ປາກຊັນ, ບໍລິຄັນ ແລະ ປາກກະດິງ ເຂົ້າຮ່ວມ.
ຈຸດປະສົງຂອງການຝຶກອົບຮົມ ກໍ່ເພື່ອອະທິບາຍໄດ້ກ່ຽວກັບຄວາມສະເໝີພາບລະຫວ່າງຍິງ – ຊາຍ, ການມີສ່ວນຮ່ວມທັງໝົດໃນສັງຄົມ ໃນຂົງເຂດວຽກງານການລົງທຶນທີ່ມີຄວາມຮັບຜິດຊອບ, ການເຊື່ອມສານການນໍາໃຊ້ເຄື່ອງມືກ່ຽວກັບຄວາມສະເໝີພາບລະຫວ່າງຍິງ – ຊາຍ, ການມີສ່ວນຮ່ວມທັງໝົດໃນສັງຄົມ ເຂົ້າໃນວຽກງານຂອງຕົນ, ການວາງແຜນນໍາໃຊ້ບົດຮຽນ ແລະ ເຄື່ອງມືທີ່ໄດ້ຮຽນ ເຂົ້າໃນວຽກງານຕົວຈິງ.
Users Today : 1216
Users Yesterday : 494
This Month : 9057
This Year : 129094
Total Users : 515318
Who's Online : 36