ໃນວັນທີ 3 ພະຈິກ 2022 ທ່ານ ພັນໂທ ໄພວັນ ລາດສະດາບຸດ ຮອງຫົວໜ້າຫ້ອງການເມືອງ ໄດ້ຕາງໜ້າໃຫ້ຄະນະພັກ – ຄະນະກອງບັນຊາການ ປກສ ແຂວງ ບໍລິຄຳໄຊ ມອບເງິນອຸດໜູນບໍານານ ໃຫ້ນາຍຕໍາຫຼວດຜູ້ທີ່ຮອດອາຍຸກະສຽນພັກການຮັບອຸດໜູນບໍານານ.
ໃນພິທີ ໄດ້ຜ່ານຂໍ້ຕົກລົງຂອງກະຊວງປ້ອງກັນຄວາມສະຫງົບ ເລກທີ່ 1601/ປກສ, ລົງວັນທີ 22 ກັນຍາ 2022 ວ່າດ້ວຍການອະນຸມັດ ໃຫ້ນາຍຕໍາຫຼວດ ພັກການຮັບອຸດໜູນບໍານານ, ເຊີ່ງໄດ້ຕົກລົງ ອະນຸມັດໃຫ້ ທ່ານ ພັນໂທ ນາງ ບົວໄຂ ພິມມະສານ ໜ້າທີ່ຮັບຜິດຊອບ ຮອງຫົວໜ້າພະແນກ, ສັງກັດຢູ່ຫ້ອງພາລາທິການ ປກສ ແຂວງບໍລິຄໍາໄຊ, ພັກການຮັບອຸດໜູນບໍານານ ເລີ່ມແຕ່ເດືອນ ມັງກອນ ປີ 2023 ເປັນຕົ້ນໄປ, ໄດ້ຕົກລົງມອບເງິນອຸດໝູນນະໂຍບາຍກ່ອນພັກບໍານານ ໃຫ້ຜູ້ກ່ຽວ ຈໍານວນ 12.482.505 ກີບ ແລະ ແຕ່ລະເດືອນຜູ້ກ່ຽວ ຍັງຈະໄດ້ຮັບເງີນນະໂຍບາຍອຸດໜູນບໍານານ ເດືອນລະ 2.510.493 ກີບ.
ທ່ານ ພັນໂທ ໄພວັນ ລາດສະດາບຸດ ກ່າວວ່າ: ການມອບນະໂຍບາຍ ໃຫ້ແກ່ນາຍຕໍາຫຼວດທີ່ຮອດອາຍຸກະສຽນພັກການຮັບອຸດໜູນບໍານານ ແມ່ນເປັນການປະຕິບັດຕາມແນວທາງນະໂຍບາຍຂອງພັກ – ລັດ, ຂັ້ນເທິງ ທີ່ມີຕໍ່ນາຍ ແລະ ພົນຕໍາຫຼວດ ໃນກໍາລັງປ້ອງກັນຄວາມສະຫງົບ, ທັງເປັນການສະແດງເຖິງຄວາມຮູ້ບຸນຄຸນຕໍ່ ນາຍຕໍາຫຼວດ ຜູ້ທີ່ມີຄຸນງາມຄວາມດີ, ໃນການປະກອບສ່ວນເຂົ້າໃນວຽກງານປ້ອງກັນຊາດ – ປ້ອງກັນຄວາມສະຫງົບ ໃນຕະຫຼອດໄລຍະຜ່ານມາ.
Users Today : 1210
Users Yesterday : 494
This Month : 9051
This Year : 129088
Total Users : 515312
Who's Online : 50