ໃນວັນທີ 25 ກໍລະກົດ 2022 ຢູ່ໂຮງແຮມວິນເປີນ ແຂວງເຫງະອານ ສສ ຫວຽດນາມ ໄດ້ຈັດກອງປະຊຸມຮ່ວມມືຮັກສາຄວາມສະຫງົບ, ຄວາມເປັນລະບຽບຮຽບຮ້ອຍ ແລະ ການສ້າງຫ້ອງການປ້ອງກັນຄວາມສະຫງົບກຸ່ມບ້ານ ກັບ ກອງບັນຊາການປ້ອງກັນຄວາມສະຫງົບແຂວງ 3 ແຂວງ ສປປ ລາວ ຄື: ປກສ ແຂວງ ບໍລິຄຳໄຊ, ປກສ ແຂວງ ຫົວພັນ ແລະ ປກສ ແຂວງ ຊຽງຂວາງ, ຝ່າຍຫວຽດນາມນຳໂດຍທ່ານ ພົນຈັດຕະວາ ຟ້າມເຖ່ຕຸ່ງ ຄະນະປະຈຳພັກແຂວງ ຫົວໜ້າກອງບັນຊາການຕຳຫຼວດ ແຂວງເງະອານ ພ້ອມຄະນະ, ຝ່າຍລາວຄື: ປກສ ແຂວງ ຫົວພັນນໍາໂດຍທ່ານ ພົນຈັດຕະວາ ແອນ ອຸ່ນອານົງນຸດ ຄະນະປະຈໍາພັກແຂວງ ຫົວໜ້າກອງບັນຊາການ ປກສ ແຂວງ ຫົວພັນ ພ້ອມຄະນະ, ປກສ ແຂວງ ບໍລິຄໍາໄຊ ນໍາໂດຍທ່ານ ພັນເອກ ກົງຈັນ ໄຊປັນຍາ ກໍາມະການພັກແຂວງ ຫົວໜ້າກອງບັນຊາການ ປກສ ແຂວງ ບໍລິຄໍາໄຊ ແລະ ປກສ ແຂວງ ຊຽງຂວາງ ນໍາໂດຍທ່ານ ພັນເອກ ຄໍາພອນ ນັນທະວົງ ຮອງຫົວໜ້າກອງບັນຊາການ ປກສ ແຂວງ ຊຽງຂວາງ, ເປັນກຽດເຂົ້າຮ່ວມຂອງທ່ານ ພົນຈັດຕະວາ ວູ້ຫື້ວຕ່າຍ ຮອງຫົວໜ້າຫ້ອງວ່າການກະຊວງຕໍາຫຼວດ ຫວຽດນາມ, ມີທ່ານ ເລໂຮ່ງວິງ ຄະນະປະຈໍາພັກແຂວງ ຮອງເຈົ້າແຂວງ ຄະນະກໍາມາທິການປະຊາຊົນແຂວງ ເງະອານ, ຜູ້ແທນຝ່າຍຫວຽດນາມ ແລະ ລາວເຂົ້າຮ່ວມ.
ກອງປະຊຸມຕາງໜ້າຄະນະຜູ້ແທນຂອງແຕ່ລະຝ່າຍກໍ່ໄດ້ ຜັດປ່ຽນກັນຂື້ນລາຍງານສະພາບການຈັດຕັ້ງປະສານສົມທົບຂອງສອງກຳລັງໃຫ້ຄະນະຜູ້ແທນທັງສອງຝ່າຍໄດ້ຮັບຊາບ ເຊີ່ງໄດ້ຕີລາຄາສູງຕໍ່ການຮ່ວມມືທັງສອງຝ່າຍໃນການປົກປັກຮັກສາຄວາມສະຫງົບ, ຄວາມເປັນລະບຽບຮຽບຮ້ອຍຂອງສັງຄົມ, ໂດຍສະເພາະການປະສານສົມທົບແໜ້ນໃນການແລກປ່ຽນຂໍ້ມູນຂ່າວສານ ໄລຍະຜ່ານມາໄດ້ພົບຄວາມຫຍຸ້ງຍາກເປັນຕົ້ນສະພາບການລະບາດໂຄວິດ 19 ໄດ້ແພ່ລະບາດຢ່າງຮ້າຍແຮງເຮັດໃຫ້ການໄປມາແລກປ່ຽນສະພາບພົບຄວາມຫຍຸ້ງຍາກ ແຕ່ສອງກຳລັງກໍ່ບໍ່ໄດ້ທໍ້ຖອຍ ໄດ້ພ້ອມກັນຕັດສິນໃຈສູ້ຊົນຜ່ານຜ່າທຸກຂໍ້ຫຍຸ້ງຍາກແລກປ່ຽນບົດຮຽນດ້ວຍການສົ່ງຂໍ້ມູນຂ່າວສານໃຫ້ກັນຊາບໃນແຕ່ລະໄລຍະ ເພື່ອຕິດຕາມການເຄື່ອນໄຫວຂອງເປົ້າໝາຍ ແລະ ກຸ່ມຄົນບໍ່ດີເຂົ້າ-ອອກຕາມປະຕູດ່ານ, ທີ່ຕິດຈອດ 3 ແຂວງ ຂອງລາວເພື່ອເຄື່ອນໄຫວຄ້າ-ຂາຍ ເຖື່ອນ, ຄ້າມະນຸດ, ເຄື່ອນໄຫວ ທາງສາດສະໜາ, ຍົກຍ້າຍຖີ່ນຖານຕັ້ງພູມລໍາເນົາແບບບໍ່ຖຶກຕ້ອງ ແລະ ບັນຫາອື່ນໆ. ໃນໄລຍະຜ່ານມາສະພາບການຂອງໂລກໄດ້ມີຫຼາຍບັນຫາເກີດຂື້ນຢູ່ບັນດາພາກພື້ນໄດ້ພົບຄວາມຫຍຸງຍາກພະຍາດໂຄວິດ 19 ໄດ້ແພ່ລະບາດໄປທົ່ວໂລກແຕ່ສອງກຳລັງກໍ່ໄດ້ປະສານສົບທົບແລກປ່ຽນສະພາບ,
ຂໍ້ມູນຂ່າວສານເປັນປະຈຳເພື່ອຮັບປະກັນຄວາມສະເຫງົບຄວາມເປັນລະບຽບຕາມສາຍແດນລາວ-ຫວຽດນາມ, ກອງປະຊຸມຍັງໄດ້ເປັນເອກະພາບເພີ່ມທະວີວຽກງານປຶກສາຫາລືການໄປມາຄ້າ-ຂາຍຜ່ານຊາຍແດນຂອງປະຊາຊົນເຫັນວ່າປະຊາຊົນທັງສອງປະເທດມີຄວາມເຂົ້າໃຈປະຕິບັດເຄົາລົບລະບຽບກົດໝາຍຂອງການເຂົ້າ-ອອກເມືອງແຕ່ລະປະເທດໃຫ້ຖຶກຕ້ອງຕາມລະບຽບການ. ເອົາໃຈໃສ່ຊີ້ນໍາກໍາລັງ ປກຊ-ປກສ ປະຈໍາຢູ່ຊາຍແດນປ້ອງກັນສະກັດກັ້ນກຸ່ມຄົນບໍ່ດີລັກລອບເຂົ້າເມືອງຜິດກົດໝາຍ, ຄ້າ-ຂາຍເຖື່ອນຜ່ານຊາຍແດນ, ຄ້າມະນຸດ, ຄ້າ-ຂາຍຢາເສບຕິດປະເພດຕ່າງໆ ແລະ ກຸ່ມຄົນໃສ່ຮ້າຍປ້າຍສີຕໍ່ຕ້ານຕໍ່ແນວທາງຢ່າງເຂັ້ມງວດ ແລະ ໄດ້ສະເໜີໃນແຕ່ລະປີນະໂຍບາຍໃຫ້ພະນັກງານ, ນັກສຶກສາໄດ້ໄປຄົ້ນຄວ້າຮໍ່າຮຽນ ແລະ ຖອດຖອນວຽກງານວິຊາສະເພາະເປັນປະຈໍາ. ກະຊວງຕຳຫຼວດຫວຽດນາມຍັງໄດ້ໄຫ້ການຊ່ວຍເຫຼືອກະຊວງປ້ອງກັນຄວາມສະຫງົບໃນການກໍ່ສ້າງຫ້ອງການ ປກສ ກຸ່ມ, ບັນດາແຂວງທີ່ມີຊາຍແດນຕິດຈອດເປັນຕົ້ນ: ແຂວງ ບໍລິຄຳໄຊ, ແຂວງ ຊຽງຂວາງ ແລະ ແຂວງ ຫົວພັນ ສປປ ລາວ ກັບ ແຂວງ ເງະອານ ສສ ຫວຽດນາມປະຈຸບັນບາງແຂວງກໍ່ໄດ້ລົງມືກໍ່ສ້າງສຳເລັດໄປແລ້ວຈຳນວນໜື່ງ ແລະ ບາງແຂວງກໍ່ຍັງດຳເນີນການກວດກາກໍ່ສ້າງແຜນການກຳນົດ ປີ 2025 ຈະສຳເລັດ 100% .
Users Today : 1217
Users Yesterday : 494
This Month : 9058
This Year : 129095
Total Users : 515319
Who's Online : 35