ກອງປະຊຸມ ປຶກສາຫາລື ໃນການພັດທະນາເສດຖະກິດ ຂອງເມືອງຄຳເກີດ

ໃນຕອນເຊົ້າຂອງວັນທີ 15 ມີນາ 2022 ຢູ່ທີ່ຫ້ອງປະຊຸມຊັ້ນ 3 ຫ້ອງວ່າການເມືອງຄຳເກີດ ແຂວງບໍລິຄຳໄຊ ໄດ້ຈັດກອງປະຊຸມ ປຶກສາຫາລື ໃນການພັດທະນາເສດຖະກິດຂອງເມືອງຄຳເກີດ ລະຫວ່າງ ຄະນະສູນກາງ ຮ່ວມກັບ ຂັ້ນແຂວງບໍລິຄຳໄຊ ພາຍໃຕ້ການເປັນປະທານຂອງທ່ານ ຈັນທະບູນ ລັດຕະນະວົງສາ ຫົວໜ້າຄະນະຊ່ວຍວຽກທ່ານນາຍົກລັດຖະມົນຕີ ແຫ່ງ ສ ປປ ລາວ, ທ່ານ ເພັດສະໃໝ ໄຊຍະທິຈັກ ເຈົ້າເມືອງຄຳເກີດ,   ມີປະທານສະພາການຄ້າ – ອຸດສາຫະກໍາ ແຫ່ງຊາດລາວ – ສະພາການຄ້າຂັ້ນສູນກາງ – ຂັ້ນແຂວງ ແລະ ຫົວໜ້າຫ້ອງການທີ່ກ່ຽວຂ້ອງ ເຂົ້າຮ່ວມ.

ຈຸດປະສົງການມາຊຸກຍູ້ໃນຄັ້ງນີ້ ເພື່ອພ້ອມກັນປຶກສາຫາລືບັນຫາຄວາມທ້າທາຍ ແລະ ກາລະໂອກາດ ໃນການພັດທະນາເສດຖະກິດຂອງເມືອງຄຳເກີດ, ເປັນຕົ້ນແມ່ນ ບັນຫາການສ້າງຄວາມເຂັ້ມແຂງດ້ານການເກັບລາຍຮັບງົບປະມານ, ນະໂຍບາຍ ແລະ ນິຕິກຳຕ່າງໆ, ກົນໄກການຄຸ້ມຄອງ ແລະ ອັດຊ່ອງວ່າງຮົ່ວໄຫລ ທີ່ຕິດພັນກັບການຈັດຕັ້ງປະຕິບັດລາຍຮັບງົບປະມານລະຫວ່າງຂັ້ນສູງກາງ ແລະ ທ້ອງຖິ່ນ, ການສົ່ງເສີມການປະຢັດ, ຕ້ານການຟູມເຟືອຍ, ຍົກສູງປະສິດທິຜົນການລົງທຶນ-ລາຍຈ່າຍງົບປະມານ, ປະສິດທິຜົນຂອງການລົງທຶນຂອງລັດ, ບັນຫາການຄຸ້ມຄອງລັດດ້ວຍກົດໝາຍ ໂດຍສະເພາະ ການແກ້ໄຂບັນຫາລົດລັດ ແລະ ລົດທີ່ນໍາເຂົ້າໂດຍບໍ່ຖືກຕ້ອງ, ການແກ້ໄຂບັນຫາຢາເສບຕິດ  ແລະ ບັນຫາອື່ນໆ.

• Facebook
• Twitter
• Line