ໃນຕອນເຊົ້າຂອງວັນທີ 15 ມີນາ 2022 ທີ່ຫ້ອງການບ້ານໃຫຍ່ຫນອງປ໋ອງ ເມືອງຄຳເກີດ ແຂວງບຍໍລິຄຳໄຊ ໄດ້ຈັດພິທີເປີດຂະບວນການ ( ວສຊ ) ໃຫ້ວັກຊີນກັນພະຍາດ ໂຄວິດ – 19 ໃຫ້ແກ່ກຸ່ມເປົ້າຫມາຍແຕ່ອາຍຸ 6 ປີຂຶ້ນໄປ ໂດຍການເປັນປະທານຂອງທ່ານ ດຣ ອຳພອນ ພົມມະສານ ຫົວຫນ້າຫ້ອງການສາທາລະນະສຸກເມືອງຄໍາເກີດ.
ທ່ານ ນ. ຄໍາພອນ ເຮືອງມະນີພັນ ຫົວຫນ້າຄະນະໂຄສະນາອົບຮົມເມືອງ ກ່າວວ່າ: ການລະບາດຂອງພະຍາດໂຄວິດ-19 ໃນຫຼາຍປະເທດທົ່ວໂລກ ແລະ ບັນດາປະເທດໃກ້ຄຽງ ເປັນຜົນສະທ້ອນຕໍ່ເສດຖະກິດ-ສັງຄົມ, ເຮັດໃຫ້ການດໍາລົງຊີວິດຂອງປະຊາຊົນໄດ້ຮັບຜົນກະທົບຢ່າງຫຼວງຫຼາຍ, ສະເພາະແຂວງບໍລິຄໍາໄຊ ແມ່ນມີກໍລະນີຕິດເຊື້ອສະສົມທັງໝົດ 4.021 ຄົນ, ປິ່ນປົວດີ 3.942 ຄົນ ເສຍຊີວິດລວມທັງໝົດ 32 ຄົນ, ເຫັນໄດ້ຄືແນວນັ້ນ ມາຮອດປະຈຸບັນ ວິທີທີ່ປ້ອງກັນພະຍາດດັ່ງກ່າວທີ່ດີທີ່ສຸດ ແມ່ນການສັກວັກຊີນກັນພະຍາດ.
ສະນັ້ນ ເພື່ອເປັນການຍົກອັດຕາການໃຫ້ວັກຊີນກັນພະຍາດໂຄວິດ – 19 ເພື່ອຂື້ນ ໃຫ້ບັນລຸຄາດໝາຍ 80 ສ່ວນຮ້ອຍຂອງປະຊາກອນໃນທ້າຍປີ 2022, ເມືອງຄຳເກີດ ຈຶ່ງເລີ່ມແຕ່ວັນທີ 15 – 31 ມີນາ 2022 ຈະໄດ້ໃຫ້ວັກຊິນ ເຂັມທີ 1, 2 ແລະ ເຂັມທີ 3 ໄປພ້ອມກັນ.
ໃນວັນ 15 ມີນາ 2022 ຢູ່ໂຮງຮຽນປະຖົມບ້ານນ້ຳອ້ອນ ເມືອງໄຊຈຳພອນ ແຂວງບໍລິຄຳໄຊ ໄດ້ຈັດພິທີ ເປີດຂະບວນການວັນສັກຢາກັນພະຍາດແຫ່ງຊາດ ໃຫ້ວັກຊີນກັນພະຍາດ ໂຄວິດ – 19 ໃຫ້ກຸ່ມເປົ້າໝາຍແຕ່ 6 ປີ ຂື້ນໄປ ໂດຍການເປັນປະທ່ານ ຂອງທ່ານ ຄໍາໄຊ ຕຸນາລົມ ຮອງເຈົ້າເມືອງໄຊຈຳພອນ, ທ່ານ ນາງ ຄູນວິໄລ ໄຊຍະຈັກ ຫົວໜ້າຫ້ອງການສາທາລະນາສຸກ, ມີພາກສ່ວນຫ້ອງການກ່ຽວຂ້ອງ, ຜູ້ອໍານວຍການໂຮງຮຽນ, ຄູອາຈານ ພ້ອມດ້ວຍພໍ່ແມ່ຜູ້ປົກຄອງ ແລະ ນ້ອງນັກຮຽນ ເຂົ້າຮ່ວມ.
Users Today : 540
Users Yesterday : 1225
This Month : 9606
This Year : 129643
Total Users : 515867
Who's Online : 25