ກອງປະຊຸມ ຄົບຄະນະພັກຮາກຖານ ຫ້ອງການເມືອງ ປກສ ແຂວງບໍລິຄໍາໄຊ ຄັ້ງທີ 2 ສະໄໝທີ 3 ໄດ້ໄຂຂື້ນ ໃນຕອນເຊົ້າ ວັນທີ 29 ທັນວາ 2021 ຢູ່ທີ່ຫ້ອງປະຊຸມເບີ 01 ປກສ ແຂວງ, ໂດຍການເປັນປະທານ ຂອງສະຫາຍ ພັນໂທ ຄໍາໄມ ແກ່ນຄໍາຈັນ ຮອງເລຂາຄະນະພັກຮາກຖານ ຮອງຫົວໜ້າຫ້ອງການເມືອງ ປກສ ແຂວງ, ໂດຍການເປັນກຽດເຂົ້າຮ່ວມ ຂອງສະຫາຍ ພັນເອກ ຜາຂົງ ດອກມະນີຈັນ ຮອງເລຂາຄະນະບໍລິຫານງານພັກ ຮອງຫົວໜ້າກອງບັນຊາການ ປກສ ແຂວງ, ມີບັນດາຄະນະພັກ – ຄະນະຫ້ອງ ຕະຫຼອດຮອດສະມາຊິກພັກ ສົມບູນ – ສໍາຮອງ ເຂົ້າຮ່ວມ.
ໃນກອງປະຊຸມ ໄດ້ຮັບຟັງການຜ່ານຮ່າງບົດສະຫຼຸບ ຜົນຂອງການຈັດຕັ້ງປະຕິບັດ ມະຕິກອງປະຊຸມຄະນະພັກຮາກຖານຫ້ອງການເມືອງ ຄັ້ງທີ 1 ສະໄໝ 3 ແລະ ທິດທາງແຜນການ ປະຈໍາໄຕມາດ 1 ປີ 2022 ແລະ ບົດສໍາຫຼວດການນໍາພາລວມຂອງຄະນະພັກຮາກຖານ ເຊີ່ງຄະນະພັກໄດ້ເອົາໃຈໃສ່ເຮັດວຽກງານສືກສາອົບຮົມການເມືອງ – ແນວຄິດ ໃຫ້ສະມາຊິກພັກ, ພະນັກງານ – ນັກຮົບ ດ້ວຍຫຼາຍຮູບ, ຫຼາຍສີ ແລະ ຫຼາຍວິທີການ ເຮັດໃຫ້ສະມາຊິກພັກ, ພະນັກງານ – ນັກຮົບ ມີແນວຄິດອຸ່ນອຽນທຸ່ນທ່ຽງ, ມີຄຸນສົມບັດສີນທໍາປະຕິວັດ, ເຊື່ອໝັ້ນຕໍ່ແນວທາງນະໂຍບາຍຂອງພັກ, ເຄົາລົບລະບຽບກົດໝາຍຂອງລັດ, ຖືເອົາວຽກງານກໍ່ສ້າງພັກ – ພະນັກງານ ເປັນບັນຫາສໍາຄັນ ໂດຍອິງໃສ່ 5 ຫຼັກການ ແລະ 3 ທິດນໍາ ຂອງພັກ.
ໄລຍະ 03 ເດືອນຜ່ານມາ ສາມາດຂະຫຍາຍມະຫາຊົນຜູຸ້ກ້າວໜ້າເຂົ້າຮຽນສະໜັບສະໜູນ ໄດ້ 02 ສະຫາຍ, ເຂົ້າພັກສໍາຮອງ 01 ສະຫາຍ, ຍິງ 01 ສະຫາຍ. ສະເໜີເລື່ອນຊັ້ນ ໃຫ້ນາຍ ແລະ ພົນຕໍາຫຼວດ ທົ່ວກອງບັນຊາການ ປກສ ແຂວງ 87 ສະຫາຍ, ຍິງ 14 ສະຫາຍ, ສົ່ງພະນັກງານໄປຍົກລະດັບວິຊາສະເພາະທັງພາຍໃນ ແລະ ຕ່າງປະເທດ 58 ສະຫາຍ, ຍິງ 11 ສະຫາຍ.
ວຽກງານນະໂຍບາຍ ສະເໜີຍ້ອງໃຫ້ພະນັກງານ – ນັກຮົບຜູ້ທີ່ມີຜົນງານ, ບັນດາບໍລິສັດ, ນັກທຸລະກິດ ແລະ ບຸກຄົນ ໄດ້ 192 ຄັ້ງ, ນະໂຍບາຍລາພັກປະຈໍາປີ 49 ສະຫາຍ, ນະໂຍບາຍສ້າງຄອບຄົວໃໝ່ 15 ສະຫາຍ, ຮັບ ແລະ ແຈກຢາຍໜັງສືພິມໄດ້ 900 ສະບັບ, ວາລະສານ 90 ຫົວ, ເຄື່ອນໄຫວ, ຖ່າຍພາບ, ຂຽນຂ່າວ , ຕັດຕໍ່ຂ່າວ ໄດ້ 60 ຄັ້ງ, ຂື້ນແຜນປາຖະກະຖາ – ໂຄສະນາເລົ່າຄືນມູນເຊື້ອວັນສໍາຄັນຕ່າງໆຂອງພັກ-ຂອງຊາດ ໄດ້ 05 ຄັ້ງ, ມີຜູ້ເຂົ້າຮ່ວມເຊື່ອມຊືມ 1.236 ສະຫາຍ, ຍິງ 430 ສະຫາຍ.
ກວດກາຄໍາຮ້ອງຟ້ອງ, ປະກົດການຫຍໍ້ທໍ້ ທີ່ຕິດພັນກັບພະນັກງານ – ນັກຮົບໄດ້ 06 ຄັ້ງ, ມີ 24 ສະຫາຍ, ຄຽງຄູ່ກັບການເຮັດວຽກງານກວດກາ ເພື່ອຊອກໃຫ້ເຫັນຜູ້ທີ່ມີຜົນງານ, ຜູ້ທີ່ເຮັດຜິດຕໍ່ລະບຽບຂອງກໍາລັງ ແລະ ລະບຽບກົດໝາຍ ເພື່ອສະເໜີຂັ້ນເທິງມີນະໂຍບາຍຕໍ່ຜູ້ທີ່ມີຜົນງານ ແລະ ໃສ່ມາດຕະການຕໍ່ຜູ້ທີ່ລະເມິດ.
ຕອນທ້າຍ ຍັງໄດ້ຮັບຟັງຄໍາເຫັນໂອ້ລົມ ຈາກສະຫາຍ ພັນເອກ ຜາຂົງ ດອກມະນີຈັນ ເຊີ່ງສະຫາຍ ໄດ້ຍ້ອງຍໍຊົມເຊີຍຄະນະພັກ – ຄະນະບັນຊາ, ພະນັກງານ – ນັກຮົບ ຫ້ອງການເມືອງ ທຸກສະຫາຍ ທີ່ສາມາດເຮັດສໍາເລັດທຸກໜ້າທີ່ວຽກງານທີ່ການຈັດຕັ້ງຂັ້ນເທິງມອບໝາຍໃຫ້, ພ້ອມທັງເນັ້ນໜັກໃຫ້ເອົາໃຈໃສ່ເຮັດວຽກງານການເມືອງ – ແນວຄິດໃຫ້ສະມາຊິກພັກຢ່າງເປັນປົກກະຕິ, ເພີ່ມທະວີຄວາມສາມັກຄີພາຍໃນພັກໃຫ້ແໜ້ນແຟ້ນ, ເອົາໃຈໃສ່ປັບປຸງແບບແຜນວິທີເຮັດວຽກ, ແບບແຜນການຊີ້ນໍາ – ນໍາພາ, ໃຫ້ມີວິທະຍາສາດ, ທັນສະໄໝ ໂດຍສຸ່ມໃສ່ຈັດຕັ້ງປະຕິບັດຕາມ 4 ບຸກທະລຸ , 4 ຈຸດສຸມ ແລະ ການດໍາລົງຊິວິດປົກກະຕິພາຍໃຕ້ເງື່ອນໄຂວິຖີຊີວິດ ປົກກະຕິໃໝ່ ທີ່ພັກ ແລະ ລັດຖະບານວາງອອກໃຫ້ໄດ້ຮັບຜົນສໍາເລັດ.
Users Today : 60
Users Yesterday : 409
This Month : 10323
This Year : 130360
Total Users : 516584
Who's Online : 31