ໃນວັນທີ 15 ເມສາ 2021 ກົງກັບວັນພະຫັດ ເປັນມື້ລະຫວ່າງປີເກົ່າ ແລະ ປີໃໝ່ ຫຼືເອີ້ນວ່າ ວັນເນົາ ເປັນມື້ທີສອງ ຂອງບຸນຕຸດສົງການປີໃໝ່ລາວ 2564 ເປັນອີກປີໜຶ່ງທີ່ບັນຍາກາດການຫຼິ້ນນ້ຳຢູ່ຕາມເຂດຕ່າງໆ ບໍ່ມີຄວາມຄຶກຄື້ນຄືປີຜ່ານໆມາ ຍ້ອນການແຜ່ລະບາດຈາກ ໂຄວິດ-19.
ເນື່ອງຈາກບຸນປີໃໝ່ປະຈຳປີນີ້ ຍັງມີສະພາບການລະບາດໂຄວິດ-19 ເປັນປີທີສອງ ໃນຂອບເຂດທົ່ວໂລກ ກໍ່ຄືປະເທດໃກ້ຄຽງ ຍັງສືບຕໍ່ແຜ່ລະບາດໃນລະດັບຕ່າງກັນ, ສະນັ້ນ ໃນການຈັດຕັ້ງສະຫຼອງປີໃໝ່ປີນີ້ ທົ່ວປວງຊົນລາວບັນດາເຜົ່າ ຍັງສືບຕໍ່ປະຕິບັດມາດຕະການຕ່າງໆ ໃນການປ້ອງກັນການແຜ່ລະບາດພະຍາດດັ່ງກ່າວ ທີ່ລັດຖະບານໄດ້ວາງອອກໃນໄລຍະຜ່ານມາ ດ້ວຍຄວາມເປັນເຈົ້າການ ແລະ ເອົາໃຈໃສ່ຕໍ່ມາດຕະການດັ່ງກ່າວຢ່າງເຄັ່ງຂັດ ພ້ອມພາກັນຫຼິ້ນປີໃໝ່ດ້ວຍຄວາມລະມັດລະວັງ.
ແຕ່ເຖິງຢ່າງໃດກໍ່ຕາມ ປະຊາຊົນບັນດາເຜົ່າແຕ່ລະບ້ານ ແຕ່ລະເມືອງ ພາຍໃນແຂວງບໍລິຄຳໄຊ ຍັງຮັກສາໄດ້ ໃນການພ້ອມພາກັນຫົດສົງພຣະຢູ່ວັດບ້ານຂອງຕົນ ສືບຕໍ່ຮັກສາວັດທະນະທຳ ຮີດຄອງປະເພນີອັນດີງາມຂອງຊາດ ທີ່ໄດ້ປະຕິບັດມາແຕ່ບູຮານນະການໄວ້ໃຫ້ຄົງຢູ່ກັບຊາດລາວຕະຫຼອດໄປ.
Users Today : 693
Users Yesterday : 494
This Month : 8534
This Year : 128571
Total Users : 514795
Who's Online : 39