ຕາມການໃຫ້ສຳພາດຂອງທ່ານ ໄຊຊະນະ ວົງຊົມພູ ຮອງຫົວໜ້າດ່ານພາສີສາກົນ ປາກຊັນ-ບຶງການ ແຂວງ ບໍລິຄຳໄຊ ໃນວັນທີ 9 ເມສາ 2021 ໃຫ້ຮູ້ວ່າ: ຄະນະຮັບຜິດຊອບຈັດເກັບລາຍຮັບໄດ້ເອົາໃຈໃສ່ຊີ້ນໍາ-ນໍາພາພະນັກງານຫຼັກແຫຼ່ງພາຍໃນດ່ານເປັນປົກກະຕິ,ຖືເອົາວຽກງານການເມືອງ-ແນວຄິດ ຕິດພັນກັບວຽກງານວິຊາສະເພາະ .ໂດຍລວມແລ້ວເຫັນວ່າພາຍໃນດ່ານສາກົນ-ປາກຊັນ-ບຶງການມີຄວາມສະຫງົບໂດຍພື້ນຖານ, ວຽກງານວິຊາສະເພາະໄດ້ມີການປັບປຸງແກ້ໄຂຫຼາຍດ້ານເຮັດໃຫ້ການບໍລິການພາຍໃນດ່ານມີຄວາມສະດວກ, ວ່ອງໄວ ແລະ ຮັບປະກັນດ້ານລະບຽບກົດໝາຍ.
ສຳລັບການສົ່ງອອກ-ນໍາເຂົ້າສິນຄ້າ ເຫັນໄດ້ວ່າມີບາງຊະນິດສິນຄ້າໄດ້ເພີ່ມຂຶ້ນ ແລະ ລຸດລົງຕາມກົນໄກເສດຖະກິດຂອງຕະຫຼາດ,ເຊິ່ງການຈັດເກັບລາຍຮັບເຂົາງົບປະມານປະຈໍາປີ 2021 ຍັງເປັນປີທີ່ທ້າທາຍຫຼາຍດ້ານ ຖ້າທຽບໃສ່ຕົວເລກແຜນການທີ່ໄດ້ຮັບມອບໝາຍໃຫ້, ບວກກັບການລະບາດຂອງພະຍາດ ໂຄວິດ-19, ອັນໄດ້ສົ່ງຜົນກະທົບໂດຍກົງຕໍ່ກັບການເກັບລາຍຮັບປີ 2021 ສຳລັບໂຕເລກທີ່ໄດ້ຮັບມອບໝາຍຈາກຂັ້ນເທິງຈຳນວນ361,274 ຕື້ກວ່າກີບ .ຄະນະຮັບຜິດຊອບໄດ້ແບ່ງອອກເປັນ 4 ງວດຕາມໄຕມາດ,ງວດລະ 900 ຕື້ກວ່າກີບ,ຜ່ານການຈັດຕັ້ງປະຕິບັດຈັດເກັບລາຍຮັບເຂົ້າງົບປະມານແຫ່ງລັດງວດ 1 ປະຈໍາປີ 2021 ໄດ້ພຽງ 50,234 ຕື້ກວ່າກີບ ຫ້າສິບຕື້ສອງຮ້ອຍສາມສິບລ້ານກວ່າກີບ.ຖ້າທຽບໃສ່ແຜນການປີ 361,274 ຕື້ກວ່າກີບ ສາມຮ້ອຍຫົກສິບເອັດຕື້ສອງຮ້ອຍເຈັດສິບສີ່ລ້ານກວ່າກີບ ເທົ່າກັບ 13,90 %,ຖ້າທຽບໃສ່ແຜນງວດ 1 ໃນຈຳນວນ 90,138 ຕື້ກວ່າກີບ ເທົ່າກັບ 55,62 %, ຫຼຸດແຜນ 44,38 %,ຖ້າທຽບໃສ່ໄລຍະດຽວກັນໃນປີ 2020 ເທົ່າກັບ 89,81 %
.ສາເຫດທີ່ບໍ່ສາມາດຈັດເກັບລາຍຮັບເຂົ້າງົບປະມານໄດ້ຕາມແຜນການ ແມ່ນເກີດມາຈາກຫຼາຍປັດໃຈ ເປັນຕົ້ນແມ່ນ: ການວາງໂຕເລກຈັດເກັບລາຍຮັບມອບໝາຍຈາກຂັ້ນເທິງສູງເກີນໄປ ຖ້າທຽບໃສ່ຖານລາຍຮັບຂອງດ່ານ,ການປິດດ່ານປະເພນີ 3 ດ່ານທີ່ຂື້ນກັບດ່ານສາກົນປາກຊັນ ຕິດພັນກັບຕ້ານສະກັດການແຜ່ະບາດຂອງພະຍາດໂຄວິດ-19 ເຮັດໃຫ້ສິນຄ້າບາງປະເພດຢຸດຕິການນໍາເຂົ້າ,ການຫຼຸດຜ່ອນການເກັບພາສີ,ອາກອນນຳເຂົ້າສິນຄ້າ ຫຼື ບາງປະເພດສິນຄ້າຍົກເວັ້ນພາສີໃນກອບສັນຍາອາຊຽນ,ການຍົກເວັ້ນພາສີອາກອນ ສິນຄ້າສຳລັບການລົງທຶນ,ການກໍ່ສ້າງໂຄງການໃຫຍ່ໆ ຢູ່ພາຍໃນແຂວງ ໄດ້ສຳລັດເປັນສ່ວນໃຫຍ່ເປັນຕົ້ນແມ່ນໂຄງການກໍ່ສ້າງ ເຂື່ອນໄຟຟ້ານໍ້າຕົກນໍ້າງຽບ,ນໍ້າເທີນ 1.ການຈັດເກັບລາຍຮັບພາຍໃນດ່ານຕົ້ນຕໍແມ່ນໄດ້ຈາກການນຳເຂົ້ານໍ້າມັນເຊື້ອໄຟ,ເຄື່ອງເອເລັກໂຕນິກ,ເຄື່ອງອຸປະໂພກ-ບໍລິໂພກ ແລະ ການບໍລິການ.ສຳລັບທິດທາງແຜນການໃນຕໍ່ໜ້ານັ້ນ ຄະນະຮັບຜິດຊອບດ່ານ ຈະເພີ່ມທະວີການສຶກສາອົບຮົມການເມືອງແນວຄິດໃຫ້ພະນັກງານ, ສະມາຊິກພັກ,ພະນັກງານລັດຖະກອນ ເປັນປົກກະຕິ,ຕໍ່ເນື່ອງ,ມິຄວາມຮັຜິດຊອບສູງຕໍ່ໜ້າທີ່ການເມືອງ,ມີຈັນຍາບັນ, ຈັນຍາທໍາ, ໂປ່ງໃສ ໂດຍອິງໃສຂໍ້ຫ້າມ,ກົດໝາຍທີ່ກ່ຽວຂ້ອງ,ປະສານສົມທົບກັບອົງການປົກຄອງທ້ອງຖິ່ນ, ຂະແໜງການທີ່ກ່ຽວຂ້ອງຕາມສາຍຕັ້ງ ແລະ ສາຍຂວາງ,ອຳນວຍຄວາມສະດວກການໍລິການການນຳເຂົ້າ-ສົ່ງອອກໃຫ້ມີຄວາມວ່ອງໄວ.
Users Today : 592
Users Yesterday : 494
This Month : 8433
This Year : 128470
Total Users : 514694
Who's Online : 46