ໃນວັນທີ 19 ພຶດສະພາ 2021 ຢູ່ຫ້ອງຮັບຮອງຂອງແຂວງ ທ່ານນາງ ດາວວອນ ເພັດສານຸພົນ ອຳນວຍການບໍລິສັດ ສະຕາໂທລະຄົມ ສາຂາແຂວງບໍລິຄຳໄຊ ມອບອຸປະກອນຮັບໃຊ້ໃນການສື່ສານ ມູນຄ່າ 216.896.000 ກີບ ແລະ ທ່ານນາງ ຄຳຫລ້າ ພົນສະຫວັດ ຮອງຜູ້ອຳນວຍການ ພະແນກສິ່ງແວດລ້ອມ ແລະ ສັງຄົມ ໂຄງການເຂື່ອນໄຟຟ້ານໍ້າຕົກ ນໍ້າງຽບ 1 ມອບເງິນຈຳນວນ 10.000.000 ກີບ ເພື່ອສົມທົບທຶນປະກອບສ່ວນໃຫ້ແຂວງບໍລິຄຳໄຊ ໃນການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດອັກເສບປອດຈາກເຊື້ອຈຸລະໂລກສາຍພັນໃໝ່ ໂຄວິດ-19 ຕາງໜ້າກ່າວຮັບໂດຍ ທ່ານ ບຸນເສັງ ປະທຳມະວົງ ຮອງເຈົ້າແຂວງບໍລິຄຳໄຊ ມີພາກສ່ວນທີ່ກຽ່ວຂ້ອງເຂົ້າຮ່ວມເປັນສັກຂີພິຍານ.
ໂອກາດນີ້ ທ່ານ ບຸນເສັງ ປະທຳມະວົງ ໄດ້ຕາງໜ້າໃຫ້ການນຳແຂວງບໍລິຄຳໄຊ ກ່າວຄຳຂອບໃຈ ແລະ ສະແດງຄວາມຍ້ອງຍໍຊົມເຊີຍ ຕໍ່ສອງບໍລິສັດດັ່ງກ່າວນີ້ ທີ່ເປັນສ່ວນໜຶ່ງໃນການສົມທົບທຶນຊຸກຍູ້ຊ່ວຍເຫຼືອ ໃນການເຄື່ອນໄຫວປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ ໂຄວິດ-19 ແລະ ເພື່ອເປັນການຢັ້ງຢືນຜົນງານຄວາມດີດັ່ງກ່າວ ແຂວງບໍລິຄຳໄຊ ຍັງໄດ້ມອບໃບກຽດຕິຄຸນ ແລະ ໃບຊົມເຊີຍ ໃຫ້ທັງສອງບໍລິສັດນີ້ ເພື່ອເປັນກຽດຕິຄຸນ ແລະ ບັນທຶກໄວ້ໃນປື້ມຄຳປະຫວັດສາດຂອງແຂວງຕະຫຼອດໄປ.
Users Today : 86
Users Yesterday : 752
This Month : 9136
This Year : 46541
Total Users : 432765
Who's Online : 11