ຕາມການລາຍງານຂອງອຳນາດການປົກຄອງບ້ານເມືອງມ່ວນ ເມືອງວຽງທອງ ແຂວງບໍລິຄຳໄຊ ໄດ້ໃຫ້ຮູ້ວ່າ: ໃນວັນທີ 4 ສິງຫາ 2023 ມີປະຊາຊົນ ຈຳນວນ 2 ຄົນ ຊື່ ທ້າວ ພອນ ແລະ ທ້າວຕຸ້ຍ ທັງສອງ ອາຍຸປະມານ 25-30 ປີ ກ່ອນເກີດເຫດທັງສອງໄດ້ຊວນກັນໄປນອນປ່າຊອກຫາກິນຢູ່ພູນ້ຳກູ້ ແຕ່ໂຊກບໍ່ດີ ໃນເວລາກາງຄືນມີຝົນຕົກລົງມາຢ່າງແຮງ ແລະ ບໍ່ຂາດສາຍ ຈື່ງເປັນເຫດເຮັດໃຫ້ດິນນັ້ນເຈື່ອນລົງມາແຕ່ເທີງພູລົງມາທັບຜູ້ກ່ຽວທັງສອງຄົນເສຍຊີວິດ, ຕາມການບອກເລົ່າຂອງຄອບຄົວ ພໍຮອດ ວັນທີ 5 ສິງຫາ 2023 ຄອບຄົວຜູູ້ກ່ຽວຢູ່ບ້ານບໍ່ເຫັນກັບມາເຮືອນ ແລ້ວເກີດມີຄວາມສົງໃສວ່າຈະມີເຫດຮ້າຍເກີດຂື້ນ.
ດັ່ງນັ້ນ, ຄອບຄົວຈື່ງອອກໄປຊອກຫາ ຈຸດທີ່ເຂົາເຈົ້າເຄີຍໄປ ຈື່ງຍ່າງຊອກຄົ້ນຫາເລີຍເຫັນດິນເຈື່ອນ ແລ້ວຕັ້ງໃຈຄົ້ນຫາ ແລ້ວໄປເຫັນແຂນພົ້ນອອກມາ ແຕ່ວ່າໄດ້ເສຍຊີວິດແລ້ວ ສະນັ້ນຜູ້ພົບເຫັນຈື່ງໄດ້ກັບມາບ້ານຂໍຄວາມຊ່ວຍເຫຼືອຈາກອຳນາດການປົກຄອງ ແລະ ຊາວບ້ານ ເພື່ອໄປຂຸດເອົາຮ່າງຜູ້ທີ່ເສຍຊີວິດຜູ້ທີ່ໜື່ງອອກມາ ແລະ ນໍາສົບຜູ້ກ່ຽວມາບ້ານ. ສ່ວນອີກຜູ້ 1 ຍັງບໍ່ທັນເຫັນ, ແລະ ໄດ້ລາຍງານໃຫ້ທ່ານເຈົ້າເມືອງວຽງທອງຮັບຊາບ ມາວັນທີ 6 ສີງຫາ 202 ທ່ານເຈົ້າເມືອງໄດ້ສົ່ງກຳລັງ ທະຫານ ແລະ ພາກສ່ວນທີ່ກ່ຽວຂ້ອງລົງ ສົມທົບກັບອຳນາດການປົກຄອງບ້ານເມືອງມ່ວນ ເພື່ອຄົ້ນຫາ ຈົນມາຮອດເວລາ 10 ໂມງຈື່ງໄດ້ພົບເຫັນຊາກສົບຂອງຜູ້ທີ 2 ຢູ່ໃຕ້ກອງດິນທີ່ເຊາະເຈື່ອນລົງມາ ຈື່ງໄດ້ນຳຮ່າງຜູ້ເສຍຊີວິດກັບມາບ້ານ ແລະ ເພື່ອເຮັດພິທີສົ່ງສະການຕາມຮີດຄອງປະເພນີ.
Users Today : 374
Users Yesterday : 748
This Month : 3082
This Year : 52730
Total Users : 438954
Who's Online : 13