ສະຫະພັນແມ່ຍິງ 642 ຈັດກິດຈະກຳ ຖາມ​ – ຕອບ ຄວາມຮູ້ຄູ່ສັງຄົມ

 

         ໃນວັນທີ 14 ກໍລະກົດ 2020 ຂະແໜງສະຫະພັນແມ່ຍິງ ກອງພັນໃຫຍ່ 642 ໄດ້ຈັດກິດຈະກໍາ ຖາມ – ຕອບ ຄວາມຮູ້ຮອບຕົວຂຶ້ນ ທີ່ສະໂມສອນກອງພັນໃຫຍ່ ໂດຍການເປັນປະທານຂອງທ່ານ ພັນໂທ ສຸວັນ ນະຄີລີ ຫົວໜ້າພະແນກການເມືອງ, ມີບັນດາສະຫາຍຈາກອົງການຈັດຕັ້ງມະຫາຊົນ ຕະຫຼອດຮອດສະມາຊິກເອື້ອຍນ້ອງແມ່ຍິງ ເຂົ້າຮ່ວມ.

      ທ່ານ ພັນໂທ ນາງ ດາວວີ ໂຄດໂຍທາ ຫົວໜ້າຂະແຂງສະຫະພັນແມ່ຍິງກອງພັນໃຫຍ່ 642 ກ່າວວ່າ ຈຸດປະສົງຂອງການຈັດກິດຈະກໍາ ຖາມ-ຕອບ ຄວາມຮູ້ຮອບຕົວໃນຄັ້ງນີ້ ກໍເພື່ອເປັນການສ້າງຂະບວນການຂໍ່ານັບ-ຮັບຕ້ອນວັນສໍາຄັນຕ່າງໆຂອງພັກ-ຂອງລັດ ຂອງກອງທັບ ໂດຍສະເພາະວັນສ້າງຕັ້ງສະຫະແມ່ຍິງລາວ ຄົບຮອບ 65 ປີ ( 20/7/1955 – 20/7/2020 ) ໃຫ້ມີບັນຍາກາດທີ່ຟົດຟື້ນມ່ວນຊື່ນໃນທົ່ວກົມກອງຂອງຕົນ, ທັງເປັນການແລກປ່ຽນຄວາມຮູ້ຄວາມສາມາດດ້ວຍກັນ. ໃນນີ້ ມີຄໍາຖາມທັງໝົດ 26 ຂໍ້ ທີ່ພົວພັນເຖີງປະຫວັດມູນເຊື້ອຂອງແມ່ຍິງລາວບັນດາເຜົ່າ, ບັນດາຜູ້ນໍາລາວນັບແຕ່ຍຸກສະໄໝການປະຕິວັດຊາດປະຊາທິປະໄຕເຖິງປະຈຸບັນ ແລະ ຄໍາຖາມທົ່ວໄປ, ໂດຍມີຜູ້ເຂົ້າຮ່ວມຕອບທັງໝົດ 35 ທ່ານທີ່ສະໝັກໃຈຂື້ນຕອບ ແລະ ໄດ້ຮັບລາງວັນເປັນທີ່ລະນຶກ.

 

• Facebook
• Twitter
• Line