ໃນວັນທີ 12 ມີນາ 2021 ນີ້ ຢູ່ກອງບັນຊາການທະຫານເມືອງບໍລິຄັນ ແຂວງບໍລິຄຳໄຊ ໄດ້ເປິດບັ້ນຝືກອົບຮົມວິຊາສະເພາະວຽກງານການເມືອງ, ການທະຫານ, ພາລາເຕັກນິກ ໃຫ້ນາຍ ແລະ ພົນທະຫານ ເຫຼົ່າລົບທະຫານລາບຂື້ນຢ່າງເປັນທາງການ ພາຍໃຕ້ການເປັນປະທານຂອງ ທ່ານ ພັທ ອີນວັນ ຜຸຍນິຍົມ ຫົວໜ້າການທະຫານກອງບັນຊາການທະຫານເມືອງ, ມີບັນດາຄະນະພັກ-ຄະນະບັນຊາ ຕະຫຼອດຮອດອ້າຍນ້ອງ ນາຍ ແລະ ພົນທະຫານພາຍກົມກອງຂອງຕົນເຂົ້າຮ່ວມ.
ການຝຶກອົບຮົມໃນຄັ້ງນີ້ ລວມມີ 3 ພາກ ຄື: ພາກອົບຮົມຫັດແອບການເມືອງ 5 ວັນ, ຫັດແອບພາລາທິການເຕັກນີກ 5 ວັນ, ພາກຫັດແອບການທະຫານ 108 ວັນ.
ຈຸດປະສົງໃນການຝຶກອົບຮົມ ແມ່ນເພື່ອຍົກລະດັບຄວາມຮູ້ຄວາມສາມາດທາງດ້ານສິນລະປະຍຸດ-ຍຸດທະວິທີ, ລະດັບວິຊາສະເພາະ ໃຫ້ນາຍ ແລະ ພົນທະຫານ ໃຫ້ກຳແໜ້ນຕໍ່ແນວທາງ, ສີລະປະຍຸດ ແລະ ຍຸດທະວິທີການສູ້ຮົບ ເປັນການກະຕຸກຊຸກຍູ້ຂະບວນການຈັດຕັ້ງປະຕິບັດຂໍ້ກໍານົດກົດລະບຽບຂອງກອງທັບ, ຝືກຝົນຫຼໍ່ຫຼອມກໍາລັງກາຍຂອງພົນທະຫານຢູ່ກົມກອງຮາກຖານທ້ອງຖີ່ນ ແລະ ຍັງເປັນການປັບປຸງກໍາລັງພາຍໃນກົມກອງ ໃຫ້ເຕີບໃຫ່ຍເຂັ້ມແຂງຮູ້ນໍາພາຮອບດ້ານ, ມີແນວຄິດໜັກແໜ້ນ ມີນໍ້າໃຈຮັກຊາດຮັກບ້ານເກີດເມືອງນອນ, ມີນໍ້າໃຈສູ້ຮົບເດັດດ່ງວເສຍສະຫລະຕໍ່ຜົນປະໂຫຍດສ່ວນລວມ, ມີກໍາລັງແຮງເຄື່ອນໄຫວປົກປັກຮັກສາປະເທດຊາດ ເວົ້າລວມ, ເວົ້າສະເພາະ ກໍ່ຄືເມືອງບໍລີຄັນ ແລະ ຕາມຂອບເຂດຂອງຕົນຮັບຜິດຊອບ ລວມທັງກົມກອງໃຫ້ມີຄວາມສະຫງົບປອດໄພ.
ພ້ອມດຽວກັນນັ້ນ ຍັງໄດ້ມີການຜ່ານເນື້ອໃນຂໍ້ແຂ່ງຂັນ-ຍ້ອງຍໍ ຂອງກອງບັນຊາການທະຫານເມືອງ.
Users Today : 750
Users Yesterday : 494
This Month : 8591
This Year : 128628
Total Users : 514852
Who's Online : 41