ສ້າງຕັ້ງຮາກຖານກໍາມະບານ ໂຮງຮຽນ ມຕ ຫ້ວຍຫອຍ

ໃນວັນທີ 10 ກໍລະກົດ 2020 ຢູ່ໂຮງຮຽນ ມຕ ຫ້ວຍຫອຍ ເມືອງວຽງທອງ ແຂວງບໍລິຄໍາໄຊ ໄດ້ຈັດກອງປະຊຸມສ້າງຕັ້ງຮາກຖານກໍາມະບານ ໂຮງຮຽນ ມຕ ຫ້ວຍຫອຍ ແລະ ຮາກຖານກໍາມະບານ ໂຮງຮຽນ ປະຖົມ-ອະນຸບານ ຫ້ວຍຫອຍ ໂດຍເປັນກຽດເຂົ້າຮ່ວມຂອງ ທ່ານ ວ່າວື່ ໄຊສືວື່ ຮອງປະທານສະຫະພັນກໍາມະບານເມືອງ.

ໃນກອງປະຊຸມ ໄດ້ຜ່ານຂໍ້ຕົກລົງຂອງທ່ານປະທານສະຫະພັນກໍາມະບານເມືອງ ວ່າດ້ວຍການສ້າງຕັ້ງຮາກຖານກໍາມະບານໂຮງຮຽນ ມຕ ຫ້ວຍຫອຍ ແລະ ຮາກຖານກໍາມະບານໂຮງຮຽນປະຖົມ-ອະນຸບານຫ້ວຍຫອຍ ພ້ອມທັງຜ່ານຂໍ້ຕົກລົງຂອງທ່ານປະທານສະຫະພັນກໍາມະບານເມືອງວ່າດ້ວຍການປົ່ງຕົວແຕ່ງຕັ້ງຄະນະປະທານຮາກຖານກໍາມະບານ ເຊີ່ງໄດ້ຕົກລົງບົ່ງຕົວແຕ່ງຕັ້ງຄະນະປະທານຮາກຖານກຳມະບານ ໂຮງຮຽນ ມຕ ຫ້ວຍຫອຍ ຄື: ທ່ານ ສີໄພ ສີລິສັກ ເປັນປະທານຮາກຖານ, ທ່ານ ໄມສາຍ ລຽງສະຫວັນ ເປັນຮອງປະທານ, ທ່ານ ຄໍາພອນ ສໍອ່ອນພອນຈັນ ເປັນຮອງ ທັງເປັນຜູ້ກວດກາ ແລະ ຮາກຖານໂຮງຮຽນປະຖົມ-ອະນຸບານຫ້ວຍຫອຍ ຄື: ທ່ານ ອ່າງຄໍາ ໄຊຍະລາດ ເປັນປະທານຮາກຖານ, ທ່ານ ເຄນບົວ ໄຊຍະວົງສາ ເປັນຮອງ, ທ່ານ ນາງ ອອນ ຫວານມະນີ ເປັນຮອງ ທັງເປັນຜູ້ກວດກາ.

• Facebook
• Twitter
• Line