ກອງປະຊຸມສະຫຼຸບວຽກງານປ້ອງກັນຄວາມສະຫງົບປະຈຳປີ 2020 ແລະ ວາງທິດທາງ ແຜນການ 2021 ຂອງກອງບັນຊາການ ປກສ ເມືອງປາກກະດິງ ແຂວງບໍລຳໄຊ ໄດ້ຈັດຂື້ນໃນວັນທີ 04 ກຸມພາ 2021 ຢູ່ທີ່ຫ້ອງປະຊຸມກຸ່ມເສດຖະກິດຂອງເມືອງ, ພາຍໃຕ້ການເປັນປະທານຂອງ ທ່ານ ພັທ ວົງພະຈັນ ແກ້ວວິຊຽນ ຫົວຫນ້າກອງບັນຊາການ ປກສ ເມືອງ, ເປັນກຽດເຂົ້າຮ່ວມຂອງ ທ່ານ ໂຄສາຈານ ແສນທະວີໄຊ ຮອງເລຂາຄະນະບໍລິຫານງານພັກເມືອງປາກກະດິງ, ມີນາຍ ແລະ ພົນຕຳຫລວດ ພ້ອມດ້ວຍ ປກສ ບໍລິການປະຊາຊົນ 4 ເຂດພາຍໃນເມືອງ ເຂົ້າຮ່ວມ.
ໃນກອງປະຊຸມ ໄດ້ຮັບຟັງລາຍງານ ຜົນການຈັດຕັ້ງປະຕິບັດວຽກງານ 1 ປີຜ່ານມາ ໂດຍໃຫ້ຮູ້ວ່າ ປກສ ເມືອງປາກກະດິງ ພາຍໃຕ້ການຊີ້ນຳຢ່າງໃກ້ຊິດຂອງຂັ້ນເທີງ ແລະ ຄວາມສາມັກຄີ ໃຫ້ຄວາມຮ່ວມມືຂອງປະຊາຊົນ ເຮັດໃຫ້ພາຍໃນເມືອງມີຄວາມສະຫງົບໂດຍພື້ນຖານ, ໄດ້ສຸມໃສ່ເຄື່ອນໄຫວຈັດຕັ້ງປະຕິບັດວຽກງານ 4 ຄາດໝາຍ, 4 ແຜນງານໃຫຍ່, 41 ໂຄງການ ຂອງກະຊວງປ້ອງກັນຄວາມສະຫງົບວາງອອກ ແລະ 29 ໂຄງການຂອງ ປກສ ເມືອງປາກກະດິງກຳນົດໄວ້ ຕິດພັນກັບການແກ້ໄຂປະກົດການຫຍໍ້ທໍ້ໃນສັງຄົມ.
1 ປີຜ່ານມາ ມີຄະດີອາຍາເກີດຂື້ນ 22 ກໍລະນີ ມີຜູ້ຕ້ອງຫາ 27 ຄົນ, ຄະດີຢາເສບຕິດ 64 ກໍລະນີ ມີຜູ້ຕ້ອງຫາ 64 ຄົນ ຍິງ 5 ຄົນ ຢຶດຂອງກາງປະເພດຢາບ້າ ໄດ້ 10,886 ເມັດ, ຢາໄອ້ 1 ຫຼອດ, ຜົງຂາວ 1 ຫຼອດ, ມີອຸປະຕິເຫດເກີດຂື້ນ 36 ກໍລະນີ ພາຫະນະເປ່ເພ 74 ຄັນ ໄດ້ຮັບບາດເຈັບ 65 ຄົນ ເສຍຊີວິດ 10 ຄົນ, ມີຜູ້ຕ້ອງຫາ 64 ຄົນ ແລະ ຜູ້ດັດສ້າງ 64 ຄົນ.
ບັນດາທ່ານທີ່ເຂົ້າຮ່ວມກອງປະຊຸມ ຍັງໄດ້ປະກອບຄຳຄິດຄຳເຫັນໃສ່ບົດສະຫຼຸບຢ່າງກົງໄປກົງມາ ແລະ ພ້ອມກັນວາງທິດທາງແຜນການໃນຕໍ່ໜ້າຮ່ວມກັນ ເພື່ອເຮັດໃຫ້ວຽກງານປ້ອງກັນຄວາມສະຫງົບສອດຄ່ອງກັບສະພາບການຕົວຈິງໃນສັງຄົມປະຈຸບັນ.
Users Today : 82
Users Yesterday : 788
This Month : 9936
This Year : 129973
Total Users : 516197
Who's Online : 5