ຕອນເຊົ້າຂອງ ວັນທີ 26 ມັງກອນ 2021 ຢູ່ຫ້ອງການບ້ານຄອນຕ່າວ ເມືອງວຽງທອງ ແຂວງບໍລິຄໍາໄຊ ໄດ້ຈັດກອງປະຊຸມເຊື່ອມຊືມເສີມຂະຫຍາຍສິດເປັນເຈົ້າຂອງປະຊາຊົນໃນການເລືອກຕັ້ງສະມາຊິກສະພາແຫ່ງຊາດ ຊຸດທີ IX ແລະ ສະພາປະຊາຊົນແຂວງຊຸດທີ II ໂດຍເປັນກຽດເຂົ້າຮ່ວມ ແລະ ນໍາທີມຂອງ ທ່ານ ດວງໃຈ ພົມມີໄຊ ຄະນະປະຈໍາພັກເມືອງ, ຫົວໜ້າຄະນະໂຄສະນາອົບຮົມເມືອງວຽງທອງ, ທັງເປັນຫົວໜ້າຄະນະອະນຸກໍາມະການໂຄສະນາ, ປຸກລະດົມຂະບວນການ ແລະ ຍ້ອງຍໍ ຂັ້ນເມືອງ ໃນບັ້ນເລືອກຕັ້ງສະມາຊິກສະພາແຫ່ງຊາດ ຊຸດທີ IX ແລະ ສະມາຊິກສະພາປະຊາຊົນແຂວງບໍລິຄໍາໄຊ ຊຸດທີ II ພ້ອມດ້ວຍທີມງານ, ມີອົງການປົກຄອງບ້ານ ແລະ ປະຊາຊົນຜູ້ທີ່ມີສິດປ່ອນບັດເລືອກຕັ້ງພາຍໃນ 2 ບ້ານ ຄື: ບ້ານຄອນຕ່າວ ແລະ ບ້ານນາໂທ ເຂົ້າຮ່ວມ.
ຈຸດປະສົງ ກໍ່ເພື່ອຜັນຂະຫຍາຍເຊື່ອມຊືມມະຕິຂອງກົມການເມືອງສູນກາງພັກ ເລກທີ 118/ກມສພ ວ່າດ້ວຍການເພີ່ມທະວີ ການຊີ້ນໍາ-ນໍາພາຂອງຄະນະພັກຕໍ່ການເລືອກຕັ້ງສະມາຊິກສະພາແຫ່ງຊາດ ຊຸດທີ 9 ແລະ ສະມາຊິກສະພາປະຊາຊົນແຂວງ ຊຸດທີ 2, ເສີມຂະຫຍາຍສິດເປັນເຈົ້າຂອງປະຊາຊົນບັນດາເຜົ່າເຂົ້າໃນການເລືອກຕັ້ງສະມາຊິກສະພາແຫ່ງຊາດ ຊຸດທີ 9 ແລະ ສະມາຊິກສະພາປະຊາຊົນແຂວງ ຊຸດທີ 2, ແນະນໍາສິດ ແລະ ໜ້າທີ່, ພາລະບົດບາດຂອງສະພາແຫ່ງຊາດ, ສະພາປະຊາຊົນແຂວງ, ອາຍຸການຂອງສະມາຊິກສະພາແຫ່ງຊາດ, ມາດຖານ-ເງື່ອນໄຂຂອງຜູ້ມີສິດສະໝັກຮັບເລືອກຕັ້ງ, ສິດປ່ອນບັດເລືອກຕັ້ງ, ຂັ້ນຕອນ, ວິທີການເລືອກຕັ້ງ ແລະ ປຸກລະດົມຊຸກຍູ້ໃຫ້ປະຊາຊົນສ້າງຂະບວນການຕ່າງໆ ເພື່ອຂໍ່ານັບຮັບຕ້ອນໃນການເລືອກຕັ້ງສະມາຊິກສະພາຄັ້ງນີ້.
ທັງນີ້ ເພື່ອເຮັດໃຫ້ປະຊາຊົນຜູ້ມີສິດປ່ອນບັດເລືອກຕັ້ງໄດ້ຮັບຮູ້, ເຂົ້າໃຈ, ຮັບປະກັນຄວາມໂປ່ງໃສ ເພື່ອບໍ່ໃຫ້ມີບັດຕາຍ – ບັດເຫຼືອ, ເພື່ອເຮັດໃຫ້ການເລືອກຕັ້ງສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນແຂວງຄັ້ງນີ້ີ້ ມີຄວາມໝາຍຄວາມສໍາຄັນ ເຕັມໄປດ້ວຍບັນຍາກາດຢ່າງຟົດຟື້ນ ແລະ ຮັບປະກັນໄດ້ ຜົນສຳເລັດຢ່າງຈົບງາມ.
Users Today : 343
Users Yesterday : 788
This Month : 10197
This Year : 130234
Total Users : 516458
Who's Online : 3