ພະແນກການຕ່າງປະເທດ ແລະ ຮສສ ປະກາດການຈັດຕັ້ງ

ພິທີປະກາດການຈັດຕັ້ງຫົວໜ້າພະແນກການຕ່າງປະເທດແຂວງ ໄດ້ຈັດຂຶ້ນໃນວັນທີ 8 ມັງກອນ 2021 ຢູ່ຫ້ອງປະຊຸມຂອງຕົນ ເຂົ້າຮ່ວມໂດຍ ທ່ານ ບຸນສົງ ເພັດຈະເລີນ ຄະນະປະຈຳພັກແຂວງ ຫົວໜ້າຄະນະຈັດຕັ້ງແຂວງບໍລິຄຳໄຊ, ມີຄະນະພະແນກ, ພະນັກງານລັດຖະກອນພາຍໃນພະແນກ ແລະ ແຂກຖືກເຊີນ ເຂົ້າຮ່ວມ.

ໃນພິທີ ໄດ້ຮັບຟັງການຜ່ານຂໍ້ຕົກລົງຂອງທ່ານເຈົ້າບໍລິຄຳໄຊ ສະບັບເລກທີ 833/ຂບຊ, ລົງວັນທີ 28 ທັນວາ 2020 ວ່າດ້ວຍການແຕ່ງຕັ້ງ ທ່ານ ອຸດົມ ວົງໄກສອນ ເປັນຫົວໜ້າພະແນກການຕ່າງປະເທດ ແຂວງບໍລິຄຳໄຊ.

ໃນວັນດຽວກັນ ຢູ່ພະແນກແຮງງານ ແລະ ສະຫວັດດີການສັງຄົມ ກໍ່ໄດ້ມີພິທີປະກາດຈັດຕັ້ງຂອງຕົນຂຶ້ນ ໂດຍການເຂົ້າຮ່ວມຂອງ ທ່ານ ຄຳຂານ ພິນສະຫວັນ ຫົວໜ້າກົມຈັດຕັ້ງພະນັກງານ ກະຊວງແຮງງານ ແລະ ສະຫວັດດີການສັງຄົມ, ມີຄະນະພະແນກ, ພະນັກງານລັດຖະກອນ ແລະ ພາກສ່ວນກ່ຽວຂ້ອງ ເຂົ້າຮ່ວມ.

ໃນພິທີ ໄດ້ຮັບຟັງການຜ່ານຂໍ້ຕົກລົງຂອງທ່ານເຈົ້າບໍລິຄຳໄຊ ສະບັບເລກທີ 761/ຂບຊ, ລົງວັນທີ 9 ທັນວາ 2020 ວ່າດ້ວຍການແຕ່ງຕັ້ງ ທ່ານ ນາງ ເກດນິສອນ ສຸດສະດາວົງ ເປັນຫົວໜ້າຫ້ອງການປະກັນສັງຄົມແຂວງ, ທ່ານ ເກດສະກຸນ ສຸກສຳລານ ເປັນຮອງຫົວໜ້າຫ້ອງການປະກັນສັງຄົມແຂວງ, ທ່ານ ນາງ ໂນລາ ໄຊສົງຄາມ ເປັນຫົວໜ້າໜ່ວຍງານບໍລິຫານ-ກວດກາ, ທ່ານ ນາງ ຖາວອນ ແພງຫຼ້າ ເປັນຮອງຫົວໜ້າໜ່ວຍງານບໍລິຫານ-ກວດກາ, ທ່ານ ເຂັມພອນ ລໍຈະເລີນ ເປັນຫົວໜ້າໜ່ວຍງານບັນຊີ-ການເງິນ, ທ່ານ ນາງ ຈາລຸນີ ຫຼວງລາດບັນດິດ ເປັນຮອງຫົວໜ້າໜ່ວຍງານບັນຊີ-ການເງິນ, ທ່ານ ວົງຂາວ ອະໄພຍະລາດ ເປັນຫົວໜ້າໜ່ວຍງານບໍລິການ ແລະ ທ່ານ ນາງ ວິພາກອນ ພັນທະລັງສີ ເປັນຮອງຫົວໜ້າໜ່ວຍງານບໍລິການ.

ພ້ອມດຽວກັນ ຍັງໄດ້ຮັບຟັງການຜ່ານຂໍ້ຕົກລົງຂອງທ່ານເຈົ້າບໍລິຄຳໄຊ ສະບັບເລກທີ 803, 836/ຂບຊ ແລະ ຂໍ້ຕົກລົງຂອງຫົວໜ້າພະແນກແຮງງານ ແລະ ສະຫວັດດີການສັງຄົມ ເລກທີ 016/ຮສສ.ຂບຊ ວ່າດ້ວຍການປັບປຸງ-ສັບຊ້ອນ ພະນັກງານວິຊາການຂອງຂະແໜງພາຍໃນ ພະແນກແຮງງານ ແລະ ສະຫວັດດີການສັງຄົມແຂວງ.

• Facebook
• Twitter
• Line