ໃນຕອນເຊົ້າວັນທີ 30 ທັນວາ 2020 ເມືອງປາກກະດິງ ໄດ້ຮັບເຄື່ອງຊ່ວຍເຫຼືອຕ້ານໄພໜາວ ຈາກພະແນກແຮງງານ ແລະ ສະຫວັດດີການສັງຄົມ ແຂວງບໍລິຄຳໄຊ ເພື່ອນຳໄປຊ່ວຍເຫຼືອແກ່ຄອບຄົວທີ່ຍັງທຸກຍາກ ແລະ ອານາຖາ ຢູ່ພາຍໃນເມືອງ ເປັນການບັນເທົາທຸກ ແລະ ຊ່ວຍຕ້ານໄພໜາວໃຫ້ກັບຄອບຄົວທີ່ຍັງຂາດເຂີນ.
ເຄື່ອງຊ່ວຍເຫຼືອທີ່ເມືອງປາກກະດິງໄດ້ຮັບໃນຄັ້ງນີ້ ມີ: ເກີບຜູ້ໃຫຍ່ ແລະ ເດັກນ້ອຍ 19 ແກັດ, ເສື້ອກັນໜາວ ແລະ ເສື້ອກັນລົມ 5 ແກັດ, ເສື້ອແຂນຍາວ 3 ແກັດ, ເສື້ອແຂນສັ້ນ ແລະ ຊຸດວອມເດັກນ້ອຍ 1 ແກັດ, ໂສ້ງຂາຍາວ 1 ແກັດ, ໂສ້ງຂາສັ້ນ 1 ແກັດ, ໝວກ+ຖົງມື+ກະເປົາ 2 ແກັດ ແລະ ເຄື່ອງອື່ນໆອີກ 4 ແກັດ. ນອກນີ້ຍັງມີເຄື່ອງປະສົມມືສອງ ຈຳນວນ 30 ເປົາ ແລະ ເກືອ 10 ຖົງ.
ກ່າວມອບໂດຍ ທ່ານ ນາງ ໂສພາ ຈັນທະວົງ ຄະນະພະແນກ ຮສສ ແຂວງບໍລິຄຳໄຊ, ກ່າວຮັບໂດຍທ່ານ ບຸນຍັງ ອຸ່ນຊຽງໃໝ່ ຮອງເຈົ້າເມືອງປາກກະດິງ, ມີພະນັກງານທີ່ກ່ຽວຂ້ອງຂັ້ນແຂວງ ແລະ ເມືອງ ເຂົ້າຮ່ວມເປັນສັກຂີພິຍານ.
Users Today : 994
Users Yesterday : 494
This Month : 8835
This Year : 128872
Total Users : 515096
Who's Online : 96