ເພື່ອເປັນການປົກປ້ອງຜູ້ຊົມໃຊ້ສິນຄ້າ ໃນລະຫວ່າງວັນທີ 23 ຫາ 26 ທັນວາ 2020 ເຈົ້້າໜ້າທີ່ໜ່ວຍງານການຄ້າພາຍໃນ ຂອງຫ້ອງການອຸດສະຫະກຳ ແລະ ການຄ້າເມືອງປາກຊັນ ນຳໂດຍ ທ່ານ ວັດທະນາ ສຸກສາຄອນ ສົມທົບກັບເຈົ້າໜ້າຂະແໜງການການຄ້າແຂວງ, ແລະ ຫ້ອງການທີ່ກ່ຽວຂ້ອງຂອງເມືອງ ໄດ້ລົງເຄື່ອນໄຫວກວດກາສິນຄ້າໝົດອາຍຸ ຢູ່ເທດສະບານເມືອງປາກຊັນ ແຂວງບໍລິຄຳໄຊ.
ຜ່ານການຈັດຕັ້ງປະຕິບັດຂອງເຈົ້າໜ້າທີ່ພາກສ່ວນກ່ຽວຂ້ອງ ລົງກວດກາສິນຄ້າໝົດອາຍຸການບໍລິໂພກ ແລະ ອຸປະໂພກ ຂອງຄະນກຳມະການຂັ້ນເມືອງ ສາມາດກວດໄດ້ແລ້ວ 43 ຮ້ານ ພົບເຫັນສິນຄ້າໝົດອາຍຸ ຈຳນວນ 10 ຮ້ານ ເປັນຕົ້ນແມ່ນເຂົ້າໜົມ, ໝີ່ ມີກິ່ນຂິວ, ຕີນໄກ່, ອາຫານທະເລຈຳນວນໜຶ່ງ, ປະເພດເຂົ້າໜົມເສັ້ນນໍາເຂົ້າຕ່າງປະເທດ, ຢາສູບ ທີ່ວາງຈຳໜ່າຍຢູ່ທ້ອງຕະຫຼາດ, ຮ້ານສະດວກຊື້ ແລະ ຮ້ານຂາຍເຄື່ອງຍ່ອຍທົ່ວໄປ. ເຈົ້າໜ້າທີ່ກ່ຽວຂ້ອງຈຶ່ງໄດ້ຢຶດສິນຄ້າທີ່ໝົດອາຍຸບໍລິໂພກ, ອຸປະໂພກ ແລະ ເຂົ້າໜົມທີ່ມີລົດຊາດກິ່ນຂິ່ວ ພ້ອມທັງສຶກສາອົບຮົມ, ກ່າວເຕື່ອນ ແລະ ໃຊ້ມາດຕະການປັບໄໝຕາມລະບຽບກົດໝາຍ ຕໍ່ກັບຜູ້ປະກອບການຫ້າງຮ້ານ.
ທັ້ງນີ້, ເພື່ອເປັນການສະກັດກັ້ນ ແລະ ປົກປ້ອງຜູ້ບໍລິໂພກ ໃນການນຳໄປຊົມໃຊ້, ການປຸງແຕ່ງເປັນອາຫານ, ການຮັບປະທານອາຫານໃຫ້ມີຄວາມປອດໄພຈາກສານພິດເຈືອປົນ ແລະ ພະຍາດຕ່າງໆ ທັງເປັນການສະກັດກັ້ນການເອົາລັດເອົາປຽບຂອງຜູ້ຊື້ ແລະ ໃຫ້ຖືກຕ້ອງຕາມລະບຽບການຂອງກົດໝາຍວາງອອກໃຫເຂັມງວດ.
ສ່ວນສິນຄ້າທີ່ຢຶດມາໄດ້ນັ້ນ ຈະໄດ້ສັງລວມໄວ້ ເພື່ອນຳໄປຈູດ ຫລື ທຳລາຍຖີ້ມ.
Users Today : 1108
Users Yesterday : 494
This Month : 8949
This Year : 128986
Total Users : 515210
Who's Online : 95