ໄລຍະຜ່ານມາຄະນະປະຈຳ, ສະມາຊິກສະພາປະຊາຊົນແຂວງ ໄດ້ເອົາໃຈໃສ່ປະຕິບັດຕາມສິດ, ພາລະບົດບາດ ແລະ ໜ້າທີ່ ເຮັດໃຫ້ຫຼາຍວຽກງານໄດ້ຮັບຜົນສຳເລັດ ດັ່ງທ່ານ ນວນສະຫວັນ ແສງມະນີ ຮອງປະທານສະພາປະຊາຊົນແຂວງ ໄດ້ລາຍງານການຈັດຕັ້ງປະຕິບັດແຜນການເຄື່ອນໄຫວວຽກງານ 5 ປີ 2016-2020 ຕໍ່ກອງປະຊຸມສະໄໝສາມັນເທື່ອທີ 10 ຂອງສະພາປະຊາຊົນແຂວງຊຸດທີ I ໃນວັນທີ 23 ທັນວາ 2020.
ຕະຫຼອດໄລຍະ 5 ປີຜ່ານມາ ຄະນະປະຈຳ ແລະ ສະມາຊິກສະພາປະຊາຊົນແຂວງ ໄດ້ເອົາໃຈໃສ່ຈັດຕັ້ງຜັນຂະຫຍາຍມະຕິກອງປະຊຸມສະພາແຫ່ງຊາດ, ສະພາປະຊາຊົນແຂວງ ມາເປັນວຽກງານຈຸດສຸມ ເຮັດໃຫ້ຫຼາຍວຽກງານໄດ້ຮັບການຈັດຕັ້ງປະຕິບັດ ແລະ ມີຜົນສຳເລັດ ເປັນຕົ້ນແມ່ນໄດ້ປະສານສົມທົບກັບພາກສ່ວນທີ່ກ່ຽວຂ້ອງ ຈັດຕັ້ງການທາບທາມ, ປະກອບຄໍາຄິດຄໍາເຫັນເຂົ້າໃນການສ້າງ ແລະ ປັບປຸງຮ່າງກົດໝາຍ ທີ່ຈະນໍາເຂົ້າພິຈາລະນາ, ຮັບຮອງໃນສະໄໝສາມັນເທື່ອທີ່ 2 ຫາ ເທື່ອທີ່ 10 ສະພາແຫ່ງຊາດ ຊຸດທີ VIII ປະຕິບັດໄດ້ 80 ສະບັບ ໃນນັ້ນສ້າງໃໝ່ 34 ສະບັບ, ປັບປຸງ 46 ສະບັບ, ຄົ້ນຄວ້າ, ພິຈາລະນາ ແລະ ຮັບຮອງເອົາ ບັນດານິຕິກໍາທີ່ສໍາຄັນຂອງແຂວງ ຕາມການສະເໜີຂອງອົງການປົກຄອງແຂວງ 16 ສະບັບ, ຕົກລົງບັນຫາສໍາຄັນພື້ນຖານຂອງທ້ອງຖິ່ນຮັບຮອງໃນມະຕິກອງປະຊຸມ 50 ສະບັບ, ຮັບຮອງເອົາກົງຈັກການຈັດຕັ້ງ ແລະ ບຸກຄະລາກອນ ຂອງສະພາປະຊາຊົນແຂວງ, ຂອງອົງການປົກຄອງແຂວງ, ອົງການໄອຍະການ ແລະ ສານປະຊາຊົນແຂວງ, ຮັບຮອງເອົາແຜນພັດທະນາເສດຖະກິດ-ສັງຄົມ, ແຜນງົບປະມານ, ວຽກງານຂອງສະພາປະຊາຊົນແຂວງ, ວຽກງານຂອງອົງການໄອຍະການປະຊາຊົນ, ສານປະຊາຊົນແຂວງ ປະຈໍາ 5 ປີ , ຮັບຮອງເອົາການຍົກຍ້າຍ, ແຕ່ງຕັ້ງບຸກຄະລາກອນແຕ່ລະໄລຍະຕາມການສະເໜີຂອງທ່ານເຈົ້າແຂວງ ມີ 5 ຄັ້ງ, ຍົກຍ້າຍ 6 ຄົນ, ແຕ່ງຕັ້ງ 9 ຄົນ, ລົງພົບປະກັບປະຊາຊົນ ໄດ້ 532 ຈຸດ, ພິຈາລະນາການແກ້ໄຂຄໍາຮ້ອງຂໍຄວາມເປັນທໍາຂອງປະຊາຊົນ 298 ເລື່ອງ ແລະ ສະພາແຫ່ງຊາດ ສົ່ງໃຫ້ 13 ເລື່ອງ ລວມທັງໝົດ 311 ເລື່ອງ ໃນນີ້ເປັນຄໍາຮ້ອງຂໍຄວາມເປັນທໍາ 169 ເລື່ອງ, ຄໍາສະເໜີ 142 ເລື່ອງ, ໄດ້ປະສານສົມທົບກັບພາກສ່ວນທີ່ກ່ຽວຂ້ອງພິຈາລະນາແກ້ໄຂສໍາເລັດຈໍານວນ 310 ເລື່ອງ ແລະ ກໍາລັງຄົ້ນຄວ້າ 1 ເລື່ອງ, ບັນຫາທີ່ພົ້ນເດັ່ນແມ່ນ ບໍ່ພໍ່ໃຈຕໍ່ຄໍາຕັດສິນຂອງສານ ຫຼື ຄໍາພິພາກສາຂອງສານ ກວມ 83%, ບໍ່ພໍໃຈຕໍ່ການປະຕິບັດໜ້າທີ່ຂອງເຈົ້າໜ້າທີ່ 5% ແລະ ຂໍ້ຄັດແຍ່ງກ່ຽວກັບຜົນກະທົບຈາກການລົງທຶນຂອງລັດ ແລະ ເອກະຊົນ 8% ແລະ ອື່ນໆ 4%. ພ້ອມດຽວກັນວຽກງານສ້າງຄວາມເຂັ້ມແຂງ ໃຫ້ແກ່ສະພາປະຊາຊົນ, ວຽກງານຕິດຕາມກວດກາ, ວຽກງານການຕ່າງປະເທດ ແລະ ອື່ນໆ ກໍ່ໄດ້ຮັບການຈັດຕັ້ງປະຕິບັດຢ່າງມີປະສິດທິພາບ ແລະ ໄດ້ຮັບຜົນສຳເລັດເປັນຢ່າງດີ.
ສຳລັບທິດທາງໃນປີ 2021 ທ່ານ ນວນສະຫວັນ ແສງມະນີ ຍັງໄດ້ລາຍງານຕື່ມອີກວ່າ ຈະສືບຕໍ່ຊີ້ນຳ-ນຳພາ, ຊຸກຍູ້ ແລະ ຕິດຕາມກວດກາ ໃນການປະຕິບັດທິດທາງແຜນການວຽກງານ ໃຫ້ບັນລຸຕາມຄາດໝາຍ ເປັນຕົ້ນແມ່ນຈະຊຸກຍູ້ການສ້າງ ແລະ ປັບປຸງນິຕິກຳ, ຕິດຕາມກວດກາ ການຈັດຕັ້ງປະຕິບັດບັນດາມະຕິຂອງສະພາແຫ່ງຊາດ ແລະ ສະພາປະຊາຊົນແຂວງ, ລົງພົບປະພໍ່ແມ່ປະຊາຊົນ ແລະ ໂຄສະນາເຜີຍແຜ່ ນຳເອົາເນື້ອໃນຜົນສໍາເລັດກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ VIII ແລະ ສະພາປະຊາຊົນແຂວງ ຊຸດທີ I ແລະ ບັນດາກົດໝາຍ, ນິຕິກຳຕ່າງໆ ໃຫ້ໄດ້ 50 ຈຸດຂຶ້ນໄປ.
Users Today : 402
Users Yesterday : 485
This Month : 3995
This Year : 124032
Total Users : 510256
Who's Online : 6