ຖາມ – ຕອບ ວິທະຍາສາດ ສາຍສາມັນ ທີ່ເມືອງປາກກະດິງ

  

ໃນຕອນເຊົ້າຂອງວັນທີ 18 ທັນວາ 2020 ຢູ່ທີ່ໂຮງຮຽນປະຖົມກອງຄຳ ເມືອງປາກກະດິງ ແຂວງບໍລິຄຳໄຊ ໄດ້ຈັດພິທີ ຖາມ-ຕອບ ຄຳຖາມວິທະຍາສາດ ແລະ ແຕ້ມຮູບຂື້ນ ໂດຍພາຍໃຕ້ການເຂົ້າຮ່ວມເປັນປະທານຂອງທ່ານ ບຸນຍັງ ອຸ່ນຊຽງໃໝ່ ຮອງເຈົ້າເມືອງປາກກະດິງ ຜູ້ຊີ້ນຳວຽກງານຂົງເຂດວັດທະນະທຳສັງຄົມ ແລະ ການປົກຄອງ, ທ່ານ ບຸນເພັງ ເພີນຈິດ ຫົວໜ້າຫ້ອງການສຶກສາທິການ ແລະ ກິລາເມືອງ, ມີບັນດາຄູອາຈານ, ນ້ອງນັກຮຽນຕະຫຼອດຮອດພໍ່ແມ່ຜູ້ປົກຄອງ ເຂົ້າຮ່ວມ.

ພິທີຖາມ-ຕອບຄຳຖາມວິທະຍາສາດ ແລະ ແຕ້ມຮູບຄັ້ງນີ້ີ ແບ່ງອອກເປັນ 2 ຊັ້ນ ຄື: ຊັ້ນປະຖົມ ມີ 6 ກຸ່ມໂຮງຮຽນ ແລະ 1 ໂຮງຮຽນເອກະຊົນມີ 3 ວິຊາຫຼັກ ຄື: ພາສາລາວ, ຄະນິດສາດ ແລະ ໂລກອ້ອມຕົວ, ຊັ້ນມັດທະຍົມຕອນຕົ້ນ ມີ 8 ໂຮງຮຽນມີ 10 ວິຊາ: ຄະນິດສາດ, ຊີວະສາດ, ຟີຊິກສາດ, ເຄມີສາດ, ພາສາລາວ, ປະຫວັດສາດ, ພູມສາດ, ສຶກສາພົນລະເມືອງ, ອັງກິດ ແລະ ຄວາມຮູ້ທົ່ວໄປ.

ຜ່ານການແຂ່ງຂັນ ຊັ້ນປະຖົມ ຖາມ-ຕອບ ວິທະຍາສາດ: ທີ 1 ກຸ່ມໂຮງຮຽນປາກກະດິງ, ທີ 2 ກຸ່ມໂຮງຮຽນປະຖົມໂພນສີ ແລະ ທີ 3 ກຸ່ມໂຮງຮຽນປະຖົມກອງຄຳ. ແຕ້ມຮູບຫົວຂໍ້ 5 ຫຼັກມູນຂອງການສຶກສາໃນໂຮງຮຽນ: ທີ 1 ກຸ່ມໂຮງຮຽນປະຖົມນາເຄືອ (ປະຖົມນ້ຳເດື່ອ), ທີ 2 ກຸ່ມໂຮງຮຽນປະຖົມປາກກະດິງ (ປະຖົມປາກປາງ), ທີ 3 ກຸ່ມໂຮງຮຽນປະຖົມປາກກະດິງ (ປະຖົມດອນໄຊ). ຊັ້ນມັດທະຍົມຕົ້ນ: ທີ 1 ໂຮງຮຽນ ມໍຕົ້ນທົ່ງນາມີ, ທີ 2 ໂຮງຮຽນ ມໍຕົ້ນ ໂພນສີ ແລະ ທີ 3 ໂຮງຮຽນມໍຕົ້ນ ນຳ້ທອນ, ແຕ້ມຮູບ: ທີ 1 ໂຮງຮຽນ ມໍຕົ້ນ ໂພນສີ, ທີ 2 ໂຮງຮຽນ ມໍຕົ້ນ ໂພນສີ ແລະ ທີ 3 ໂຮງຮຽນ ມໍຕົ້ນທົ່ງນາມີ.

  ໃນພິທີຍັງໄດ້ມີການມອບຂອງຂວັນລາງວັນ ແລະ ໃບຍ້ອງຍໍໃຫ້ແກ່ນ້ອງນັກຮຽນຈາກກຸ່ມໂຮງຮຽນທີໄດ້ອັນດັບທີ 1, ທີ 2, ທີ 3 ແລະ ລາງວັນຊົມເຊີຍ.

• Facebook
• Twitter
• Line