ໃນວັນທີ່ 18 ທັນວາ 2020 ຢູ່ສະໂມສອນຂອງກຸ່ມບ້ານ ນາກຸນ ເມືອງບໍລິຄັນ ແຂວງບໍລິະຄຳໄຊ ໜ່ວຍພັກຮາກຖານໂຮງຮຽນ ມ.ສ ແລະ ໜ່ວຍພັກສຶກສາ-ສາທາ ນາກຸນ ໄດ້ຈັດກອງປະຊູມໃຫຍ່ ຄັ້ງທີ່ 4 ຂອງຕົນຂື້ນ. ໃຫ້ກຽດເຂົ້າຮ່ວມຂອງ ສະຫາຍ ນາງ ວາລີ ສຸດທະວົງ ຮອງເລຂາພັກເມືອງ ຜູ້ຊີ້ນໍາວຽກງານກໍ່ສ້າງພັກພະນັກງານ, ມີບັນດາຄະນະປັບປຸງກົງຈັກການຈັດຕັ້ງຂັ້ນເມືອງ, ເລຂາ, ຮອງເລຂາພະນັກງານສະມາຊີກພັັກພາຍໃນໜ່ວຍ ພ້ອມດ້ວຍແຂກຖືກເຊີນຈາກໜ່ວຍພັກຕ່າງໆອ້ອມຂ້າງ ເຂົ້າຮ່ວມ.
ໃນໂອກາດດັ່ງກ່າວ ສະຫາຍ ເລຂາຄະນະພັກຮາກຖານໄດ້ຂື້ນຜ່ານບົດສະຫຼຸບໃນການເຄື່ອນໄຫວ ວຽກງານຮອບດ້ານໃນໄລຍະຜ່ານມາ ວ່າ: ຄະນະພັກ-ສະມາຊິກພັກ ໄດ້ກໍາແໜ້ນແນວທາງແຜນນະໂຍບາຍຂອງພັກ, ລະບຽບກົດໜາຍຂອງລັດ ຢ່າງມີຫົວຄິດປະດິດສ້າງ ຮູ້ນໍາໃຊ້ເຂົ້າໃນແຜນພັດທະນາວຽກງານການສຶກສາ ໃນໄລຍະໃໝ່, ສະມາຊິກພັກ, ພະນັກງານ ຄູ-ອາຈານ ມີຄວາມສາມັກຄີ, ນ້ອງນັກຮຽນມີຄວາມຮູ້ຄວາມສາມາດ, ໂຮງຮຽນມີການພັດທະນາ ສາມາດຕີລາຄາໄດ້ 97%.
ປະຈຸບັນ ໂຮງຮຽນ ມ.ສ ນາກຸນ ມີພະນັກງານຄູ-ອາຈານທັງໜົດ 29 ຄົນ, ຍິງ 7 ຄົນ, ໃນນັ້ນ ະມາຊິກພັກ 10 ສະຫາຍ, ຍິງ 1 ສະຫາຍ, ໃນຊຸມປີຜ່ານມາ ໜ່ວຍພັກໂຮງຮຽນ ມ.ສ ນາກຸນ ໄດ້ຮັບນາມມະຍົດເປັນໜ່ວຍພັກເຂັ້ມແຂງຮູ້ນໍາພາຮອບດ້ານ 4 ປີ, ໄດ້ຮັບທຸງໄຊປອດຢາເສບຕິດ 3 ປີ. ໜ່ວຍພັກສຶກສາ-ສາທາ ມີສະມາຊິກພັກ 31 ສະຫາຍ, ຍິງ 16 ສະຫາຍ.
ພາຍຫລັງຄະນະພັກຊຸດເກົ່າຂື້ນອໍາລາໜ້າທີ່, ກອງປະຊຸມ ກໍ່ໄດ້ດຳເນີນການປ່ອນບັດຄັດເລືອກເອົາຄະນະພັກຊຸດໃໝ່, ຜົນການປ່ອນບັດສາມາດເລືອກໄດ້ ສະຫາຍ ທອງໃສ ປະເສີດ ເປັນເລຂາຄະນະພັກ, ສະຫາຍ ແດງແກ້ວ ພັນທະວີ ເປັນຮອງຮອງເລຂາ, ສະຫາຍ ສົມໃຈ ສີຄໍາພອນ ເປັນຄະນະກໍາມະການກວດກາ ຂອງໜ່ວຍພັກໂຮງຮຽນ ມ.ສ ນາກຸນ. ສໍາລັບໜ່ວຍພັກສຶກສາ-ສາທາ ເລືອກໄດ້ ສະຫາຍ ສອນໄຊ ນາມສີບຸນເຮືອງ ເປັນເລຂາຄະນະພັກ , ສະຫາຍ ບຸນຜັນ ສຸທິລາ ເປັນຮອງຮອງເລຂາ, ສະຫາຍ ນາງ ມະໄລວັນ ພົມມະຈັກ ເປັນຄະນະກໍາມະການກວດກາ ຂອງໜ່ວຍພັກ.
ໃນຕອນທ້າຍຂອງກອງປະຊຸມ ຍັງໄດ້ຮັບຟັງການໂອ້ລົມຈາກສະຫາຍ ນາງ ວາລີ ສຸດທະວົງ ຮອງເລຂາພັກເມືອງ ເຊິ່ງກ່ອນອື່ນ ສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ບັນດາຄະນະພັກຊຸດເກົ່າ ທີ່ໄດ້ເອົາໃຈໃສ່ປະຕິບັດໜ້າທີ່ຂອງຕົນໄດ້ເປັນຢ່າງດີ ເຮັດໃຫ້ໂຮງຮຽນ ມ.ສ ນາກຸນ ໄດ້ຮັບການພັດທະນາຫຼາຍດ້ານ, ສະຫາຍໄດ້ຮຽກຮ້ອງ ໃຫ້ຄະນະພັກຊຸດໃໝ່ນີ້ ເປັນແບບຢ່າງນໍາໜ້າເພື່ອຊີ້ນໍາ-ນໍາພາໂຮງຮຽນໃຫ້ມີໃບໜ້າໃໝ່ ແລະໄດ້ຮັບການພັດທະນາດີຂື້ນຢ່າງບໍ່ຢຸດຢັ້ງ.
Users Today : 920
Users Yesterday : 494
This Month : 8761
This Year : 128798
Total Users : 515022
Who's Online : 78