ກອງປະຊຸມແຍກຮາກຖານກໍາມະບານອຸດສາຫະກໍາ ແລະ ການຄ້າອອກເປັນ 2 ຮາກຖານ

ໃນຕອນບ່າຍຂອງວັນທີ 3 ກໍລະກົດ 2020 ຢູ່ຫ້ອງປະຊຸມຫ້ອງການອຸດສາຫະກໍາ ແລະ ການຄ້າເມືອງວຽງທອງ, ແຂວງບໍລິຄໍາໄຊ ໄດ້ຈັດກອງປະຊຸມແຍກຮາກຖານກໍາມະບານອຸດສາຫະກໍາ ແລະ ການຄ້າ ອອກເປັນ 2 ຮາກຖານ ໂດຍເປັນກຽດເຂົ້າຮ່ວມຂອງ ທ່ານ ຫົງຄໍາ ຄໍາມີໄຊ ຫົວໜ້າຫ້ອງການອຸດສາຫະກໍາ ແລະ ການຄ້າເມືອງ, ທ່ານ ວ່າວື່ ໄຊສືວື່ ຮອງປະທານສະຫະພັນກໍາມະບານເມືອງ, ມີປະທານ, ຮອງປະທານ ແລະ ສະມາຊິກກໍາມະບານພາຍໃນຮາກຖານ ເຂົ້າຮ່ວມ.

 

ໃນກອງປະຊຸມ ທ່ານ ເຈີ່ຈັນ ຢູ່ທົ່ງ ໄດ້ຂຶ້ນຜ່ານຂໍ້ຕົກລົງຂອງທ່ານປະທານສະຫະພັນກໍາມະບານເມືອງວຽງທອງ ວ່າດ້ວຍການແຍກຮາກຖານກໍາມະບານອຸດສາຫະກໍາ-ການຄ້າ ອອກເປັນ 2 ຮາກຖານ ຄື: ຮາກຖານ ອຸດສາຫະກໍາ-ການຄ້າ ແລະ ຮາກຖານກໍາມະບານວິທະຍາສາດ-ເຕັກໂນໂລຊີ.
ພ້ອມນີ້ ຍັງໄດ້ຜ່ານຂໍ້ຕົກລົງ ຂອງທ່ານປະທານສະຫະພັນກຳມະບານເມືອງ ວ່າດ້ວຍການປົ່ງຕົວແຕ່ງຕັ້ງຄະນະປະທານຮາກຖານກໍາມະບານທັງ 2 ຮາກຖານ ເຊີ່ງໄດ້ຕົກລົງບົ່ງຕົວແຕ່ງຕັ້ງຄະນະປະທານຮາກຖານກຳມະບານອຸດສາຫະກຳ-ການຄ້າ ຄື: ທ່ານ ຈັນທະວົງ ພົມມະໄຊ ເປັນປະທານຮາກຖານ, ທ່ານ ນາງ ຕຽງສຸດາ ມະນີວົງທອງ ເປັນຮອງປະທານຮາກຖານ, ທ່ານ ນາງ ໂພສີ ໄມມະຈັນ ເປັນຮອງ ທັງເປັນຜູ້ກວດກາ ແລະ ຮາກຖານວິທະຍາສາດ-ເຕັກໂນໂລຊີ ຄື: ທ່ານ ສຸກ ຈອມພົນ ເປັນປະທານຮາກຖານ, ທ່ານ ສອນໄຊ ໄກຍະລາດ ເປັນຮອງປະທານຮາກຖານ, ທ່ານ ນາງ ແກ້ວລຳພັນ ວົງລັດສະໝີ ເປັນຮອງປະທານຮາກຖານ ທັງເປັນຜູ້ກວດກາ.

• Facebook
• Twitter
• Line