ກອງປະຊຸມສຳມະນາ ຜັນຂະຫຍາຍຍຸດທະສາດປົກປ້ອງສັງຄົມແຫ່ງຊາດ ສຳລັບຜູ້ອອກແຮງງານນອກລະບົບ ໄດ້ຈັ້ດຂຶ້ນໃນວັນທີ 17 ທັນວາ 2020 ຢູ່ຫ້ອງປະຊຸມຫ້ອງວ່າການແຂວງ ເຂົ້າຮ່ວມໂດຍ ທ່ານ ດຳລົງ ທັບລາດ ປະທານສະຫະພັນກຳມະບານແຂວງບໍລິຄຳໄຊ ແລະ ທ່ານ ອະທິລັດ ອຸດົມເດດ ຮອງຫົວໜ້າກົມປົກປ້ອງແຮງງານ ສູນກາງສະຫະພັນກຳມະບານລາວ ມີພະແນກການອ້ອມຂ້າງແຂວງ, ຕາງໜ້າຈາກກຳມະບານ, ສະພາການຄ້າ ແລະ ພະແນກແຮງງານ ຈາກແຂວງບໍຄຳໄຊ, ຄຳມ່ວນ, ສະຫວັນນະເຂດ, ແຂວງວຽງຈັນ, ນະຄອນຫຼວງວຽງຈັນ ແລະ ພາກສ່ວນກ່ຽວຂ້ອງເຂົ້າຮ່ວມ.
ຍຸດທະສາດການປົກປ້ອງສັງຄົມແຫ່ງຊາດ ທີ່ໄດ້ກຳນົດວິໄສທັດຮອດປີ 2030, ເປົ້າໝາຍ ແລະ ຈຸດປະສົງຍຸດທະສາດ ເພື່ອພັດທະນາລະບົບສັງຄົມຮອດປີ 2025 ໂດຍລວມມີ 3 ຈຸດປະສົງຄື: ວຽກປະກັນສຸຂະພາບ, ວຽກປະກັນສັງຄົມ ແລະ ວຽກສະຫວັດດີການສັງຄົມ ຊຶ່ງໄດ້ກຳນົດບັນດາກິດຈະກຳຕ່າງໆ ເພື່ອສູ້ຊົນພັດທະນາລະບົບການປົກປ້ອງສັງຄົມ ໃຫ້ກ້າວໄປຄຽງຄູ່ກັບການເຕີບໂຕທາງເສດຖະກິດ, ນຳໃຊ້ໝາກຜົນຂອງການພັດທະນາ, ການແບ່ງປັນລາຍຮັບແຫ່ງຊາດ ແລະ ການມີສ່ວນຮ່ວມຂອງກຸ່ມເປົ້າໝາຍຕ່າງໆ ເຂົ້າໃນການພັດທະນາວຽກງານປົກປ້ອງສັງຄົມໃຫ້ເປັນລະບົບ, ເຂັ້ມແຂງ ແລະ ມີປະສິດທິພາບດີຂຶ້ນ ເພື່ອປັບປຸງເງື່ອນໄຂການດຳລົງຊີວິດໃຫ້ດີຂຶ້ນໃນຕະຫຼອດໄລຍະວົງຈອນຊີວິດ.
ນອກນັ້ນຍັງໄດ້ຮັບຟັງການນຳສະເໜີ ກ່ຽວກັບສະພາບວຽກປົກປ້ອງສັງຄົມ ໃນລະດັບສາກົນ, ພາກພື້ນ ແລະ ຢູ່ ສປປ ລາວ, ພາລະບົດບາດ ແລະ ການຈັດຕັ້ງໂຄງການສົ່ງເສີມການປົກປ້ອງສັງຄົມ ສຳລັບຜູ້ອອກແຮງງານ, ການສະໜອງການປົກປ້ອງທາງສັງຄົມ ສຳລັບຜູ້ອອກແຮງງານນອກລະບົບໃນປັດຈຸບັນ ແລະ ແຜນການການຈັດຕັ້ງໃນແຕ່ລະແຂວງ ແລະ ວຽກງານອື່ນໆ ທັ້ງນີ້ກໍ່ເພື່ອເປັນສ້າງຄວາມເຂົ້າໃຈກ່ຽວກັບວຽກງານດັ່ງກ່າວໃຫ້ຫຼາຍຂຶ້ນ ທັງເປັນການຊຸກຍູ້ ແລະ ສົ່ງເສີມ ການປະຕິບັດນະໂຍບາຍປົກປ້ອງສັງຄົມ ແນໃສ່ເຮັດໃຫ້ທຸກຄົນໄດ້ຮັບສິດຜົນປະໂຫຍດ ແລະ ມີຄວາມເທົ່າທຽມກັນ ໃນທົ່ວສັງຄົມ.
Users Today : 1001
Users Yesterday : 494
This Month : 8842
This Year : 128879
Total Users : 515104
Who's Online : 99