ໃນຕອນເຊົ້າຂອງວັນທີ 15 ທັນວາ 2020 ຢູ່ທີ່ໂຮງໝໍນ້ອຍ 10 ຕຽງ ບ້ານຈອມທອງ ເມືອງວຽງທອງ ແຂວງບໍລິຄຳໄຊ ໄດ້ມີພິທີຍົກເສົາການກໍ່ສ້າງສາລາຫຼັງໃໝ່ເພື່ອໃຫ້ຜູ້ທີ່ມາໃຊ້ບໍລິການຢູ່ໂຮງໝໍໄດ້ພັກເຊົາ, ເຂົ້າຮ່ວມພິທີ ມີ ພຣະຄູ ຄໍາພອນ ທາອີນໄຊຍະວົງ ຄະນະ ອພສ ເມືອງເຈົ້າອະທິການວັດພູວຽງທອງ ພ້ອມດ້ວຍພຣະສົງ, ມີອຳນາດການປົກຄອງ, ພໍ່ ແມ່ປະຊາຊົນບ້ານຈອມທອງ ຕະຫຼອດຮອດພະນັກງານແພດພາຍໃນໂຮງໝໍ ເຂົ້າຮ່ວມ.
ໃນພິທີຕັ້ງເສົາສາລາພັກຜ່ອນຫຼັງໃໝ່ ໄດ້ສູດມູງຄຸນແລ້ວກໍ່ໄດ້ຍົກເສົາ, ສາລາຫຼັງນີ້ຈະມີຂະໜາດ 6×9 m ເທພື້ນຕິດກະໂລ່, ກໍ່ໂບກ, ມຸງດ້ວຍກະເບື້ອງ, ຕິດເພດານພ້ອມດ້ວຍແລ່ນລະບົບໄຟຟ້າໃຫ້ຄົບຊຸດ ຄາດວ່າມຸນຄ່າການກໍ່ສ້າງປະມານ 69,900,000 ກີບ, ທືນທີ່ຈະນໍາມາກໍ່ສ້າງ ແມ່ນການປະກອບສ່ວນຈາກວັດ ທີ່ລະດົມມາຈາກອອກຕົນຍາດຍົມ ຜູ້ທີ່ມີຈິດໃຈເມດຕາ ແລະ ອຳນາດການປົກຄອງບ້ານ, ພໍ່ແມ່ປະຊາຊົນບ້ານຈອມທອງ, ການກໍ່ສ້າງຈະໃຫ້ສຳເລັດໃນທ້າຍເດືອນ 2 ປີ 2021 ນີ້.
Users Today : 1084
Users Yesterday : 494
This Month : 8925
This Year : 128962
Total Users : 515186
Who's Online : 88