ໃນວັນທີ 1 ທັນວາ 2020 ຢູ່ທີ່ແຄມຂອງ ບໍລິເວນປາກຊ້ຳຊັນ ບ້ານປາກຊັນ ເມືອງປາກຊັນ ແຂວງບໍລິຄຳໄຊ ໄດ້ຈັດພິທີເປີດງານວາງສະແດງ ແລະ ຈຳໜ່າຍສິນຄ້າ ຕິດພັນກັບການສ້າງຂະບວນການຕ້ອນຮັບວັນຊາດທີ 2 ທັນວາ ຄົບຮອບ 45 ປີ, ເລີ່ມແຕ່ 26 ພະຈິກ- 5 ທັນວາ, ໂດຍເປັນກຽດເຂົ້າຮ່ວມຂອງທ່ານ ບຸນເສັງ ປະຖຳມະວົງ ຮອງເຈົ້າແຂວງ, ມີການນຳພັກ-ລັດ ຂັ້ນແຂວງ ແລະ ເມືອງປາກຊັນ ເຂົ້າຮ່ວມ.
ທ່ານ ໄຊຍະເພັດ ຈັນທິສອນ ປະທານສະພາການຄ້າ ແລະ ອຸດສະຫະກຳແຂວງ ໄດ້ກ່າວຈຸດປະສົງໃນການຈັດງານຄັ້ງນີ້ ວ່າ: ເພຶ່ອເປັນການກະຕຸກຊຸກຍູ້ສົ່ງເສີມບັນດາຫົວໜ່ວຍທຸລະກິດ ທີ່ເຮັດການຜະລິດ ແລະ ທັງເປັນການກະຕຸກຊຸກຍູ້ໃຫ້ກັບພໍ່ແມ່ປະຊາຊົນບັນດາເຜົ່າ ໄດ້ມີລາຍຮັບ ເຮັດໃຫ້ຊີວິດການເປັນຢູ່ດີຂື້ນເທື່ອລະກ້າວ ເປັນການສ້າງເງື່ອນໄຂ ແລະ ໂອກາດອັນດີ ໃຫ້ກັບຜູ້ປະກອບການທຸກພາກສ່ວນ, ບັນດາຫົໜ່ວຍທຸລະກິດ, ຫົວໜ່ວຍຜະລິດຕະພັນ ODOP ຕະຫຼອດຮອດບັນດາຫົວຫນ່ວຍການຜະລິດທີ່ເປັນທ່າແຮງຂອງແຂວງ ໄດ້ນໍາເອົາຜະລິດຕະພັນ ສິນຄ້າຂອງຕົນມາວາງສະແດງ ແລະ ຈໍາໜ່າຍ, ເຮັດໃຫ້ຊາວກະສິກອນ ກໍ່ຄືພໍ່ແມ່ປະຊາຊົນບັນດາເຜົ່າ ທີ່ຢູ່ພາຍໃນເຂດເມືອງປາກຊັນ ແລະ ເຂດເມືອງໃກ້ຄຽງ ໄດ້ມີລາຍຮັບຈາກການຈັດງານໃນຄັ້ງນີ້.
ງານວາງສະແດງ – ຂາຍສິນຄ້າຄັ້ງນີ້ ມີບັນດາຫົວໜ່ວຍທຸລະກິດເຂົ້າຮ່ວມຈໍານວນ 45 ຮ້ານ, ມີຜະລິດຕະພັນ ODOP ຮ້ານຂາຍເຄື່ອງນຸ່ງຫົ່ມ, ຮ້ານຂາຍເຄື່ອງອຸປະໂພກ-ບໍລິໂພກ ແລະ ອື່ນໆອີກຈໍານວນຫນຶ່ງ.
Users Today : 1131
Users Yesterday : 494
This Month : 8972
This Year : 129009
Total Users : 515233
Who's Online : 96