ກອງປະຊຸມເຜີຍແຜ່ເຊື່ອມຊືມຜົນສຳເລັດກອງປະຊຸມໃຫຍ່ຜູ້ແທນ ຄັ້ງທີ v ຂອງອົງຄະນະພັກກະຊວງປ້ອງກັນຄວາມສະຫງົບ ຢູ່ ປກສ ແຂວງບໍລິຄຳໄຊ ໄດ້ໄຂຂື້ນຕອນເຊົ້າຂອງວັນທີ 05 ພະຈິກ 2020 ໂດຍການເປັນກຽດເຂົ້າຮ່ວມເປັນປະທານ ແລະ ເຜີຍແຜ່ເອກະສານ ໂດຍທ່ານ ພົຕ ກົງທອງ ພົງວິຈິດ ຮອງເລຂາຄະນະພັກກະຊວງ, ຮອງລັດຖະມົນຕີກະຊວງປ້ອງກັນຄວາມສະຫງົບ.
ທີ່ປະຊຸມ ທ່ານ ພັອ ຄອນສະຫັວນ ສົມພາໄຊ ຫົວໜ້າກົມຈັດຕັ້ງ ກົມໃຫຍ່ການເມືອງ ກະຊວງປ້ອງກັນຄວາມສະຫງົບ ຂື້ນຜ່ານມະຕິຕົກລົງ ຂອງຄະນະເລຂາທິການສູນກາງພັກ ສະບັບເລກທີ 160/ຄລສພ, ລົງວັນທີ 24 ກັນຍາ 2020 ວ່າດ້ວຍການຮັບຮອງເອົາຄະນະບໍລິຫານງານພັກກະຊວງປ້ອງກັນຄວາມສະຫງົບ ສະໃໝທີ V ຈຳນວນ 27 ສະຫາຍ, ຄະນະປະຈໍາພັກກະຊວງ 09 ສະຫາຍ, ຮັບຮອງເອົາ ສະຫາຍ ພົທ ວິໄລ ຫຼ້າຄໍາຟອງ ເປັນເລຂາຄະນະພັກ, ສະຫາຍ ພົຕ ກົງທອງ ພົງວິຈິດ, ສະຫາຍ ພົຕ ວັນທອງ ກອງມະນີ ເປັນຮອງເລຂາຄະນະພັກ, ສະຫາຍ ພົຕ ທອງເຫຼັກ ມັງໜໍ່ເມກ ເປັນປະທານຄະນະກວດກາພັກ ແລະ ອິກ 03 ສະຫາຍ ເປັນຮອງປະທານ.
ຈາກນັ້ນ ທ່ານ ພົຕ ກົງທອງ ພົງວິຈິດ ກໍ່ໄດ້ເຜີຍແຜ່ຜົນສຳເລັດກອງປະຊຸມໃຫຍ່ຜູ້ແທນ ຄັ້ງທີ V ຂອງອົງຄະນະພັກກະຊວງປ້ອງກັນຄວາມສະຫງົບ, ເຊີ່ງໄດ້ຍົກໃຫ້ເຫັນວຽກງານປົກປັກຮັກສາຄວາມສະຫງົບທາງດ້ານການເມືອງ ໃນໄລຍະ 5 ປີຜ່ານມາ ແມ່ນໄດ້ປະສານສົມທົບແໜ້ນກັບກໍາລັງປ້ອງກັນຊາດ, ອໍານາດການປົກຄອງແຂວງ ສົ່ງພະນັກງານລົງກໍ່ສ້າງຮາກຖານ ໂດຍສະເພາະແມ່ນການລົງກໍ່ສ້າງຮາກຖານຢູ່ເຂດຈຸດສຸມໃຈກາງ ສາມາດແກ້ໄຂບັນດາປັດໃຈໜໍ່ແໜງກໍ່ຄວາມບໍ່ສະຫງົບ ໄດ້ຢ່າງທັນການ, ໄດ້ປະກອບອຸປະກອນເຕັກນິກ, ເຕັກໂນໂລຊິ ຮັບໃຊ້ເຂົ້າໃນການຮັກສາຄວາມສະຫງົບ ທາງດ້ານໂທລະຄົມມະນາຄົມ ແລະ ການສື່ສານ, ຕິດພັນກັບການແກ້ໄຂເປົ້າໝາຍ ສວຍໃຊ້ສື່ສັງຄົມອອນລາຍທໍາລາຍຄວາມສະຫງົບຂອງຊາດ, ເປົ້າໝາຍກໍ່ອາດຊະຍາກໍາທາງດ້ານອິນເຕີເນັດ, ພ້ອມທັງເອົາໃຈໃສ່ວຽກງານປ້ອງກັນການນໍາຂັ້ນສູງຂອງພັກ-ລັດ ແລະ ອົງການຈັດຕັ້ງສາກົນ, ກອງປະຊຸມ, ງານສໍາຄັນຕ່າງໆ ມີຄວາມປອດໄພ, ປັບປຸງວຽກງານກວດກາຄົນເຂົ້າ-ອອກ ສປປ ລາວ, ຄຸ້ມຄອງຄົນຕ່າງປະເທດ, ຄຸ້ມຄອງນັກທອງທ່ຽວໃຫ້ເຂົ້າສູ່ລະບຽບແບບແຜນດີຂື້ນກວ່າເກົ່າ.
ໃນໂອກາດດ່ຽວກັນ ທ່ານ ປະທານ ກໍ່ໄດ້ມີຄໍາເຫັນໂອ້ລົມ ພ້ອມໃຫ້ທິດຊີ້ນໍາ ເຊິ່ງໄດ້ເນັ້ນໜັກ ໃຫ້ຄະນະພັກ, ຄະນະກອງບັນຊາການ ປກສ ແຂວງບໍລິຄໍາໄຊ ເອົາໃຈໃສ່ສຶກສາອົບຮົມການເມືອງ-ນໍາພາແນວຄິດ ຫັນເອົາແນວທາງແຜນນະໂຍບາຍຂອງພັກ, ມະຕິຄໍາສັ່ງ, ລະບຽບກົດໝາຍຂອງລັດ ຄົ້ນຄ້ວາເຊື່ອມຊືມ ເພື່ອເຮັດໃຫ້ສະມະຊິກພັກ, ພະນັກງານ-ນັກຮົບ ມີຄວາມເຊື່ອໝັ້ນຕໍ່ການນໍາພາຂອງພັກ, ມີຄຸນທາດການເມືອງໜັກແໜ້ນ, ມີແນວຄິດອຸ່ນອຽນທຸ່ນທ່ຽງ ພ້ອມກັນອອກແຮງແຂ່ງຂັນສ້າງຜົນງານ ເພື່ອຂໍ່ານັບຮັບຕ້ອນ ສະເຫຼີມສະຫຼອງວັນຊາດທີ 02 ທັນວາ ຄົບຮອບ 45 ປີ, ກອງປະຊຸມໃຫຍ່ ຄັ້ງທີ XI ຂອງພັກ, ບັ້ນປ່ອນບັດເລືອກຕັ້ງສະມາຊິກສະພາ ແຫ່ງຊາດ ຊຸດທີ IX ແລະ ການສະເຫຼີມສະຫຼອງວັນສ້າງຕັ້ງກໍາລັງປ້ອງກັນຄວາມສະຫງົບ ຄົບຮອບ 60 ປີ ທີ່ຈະມາເຖີງ ຢ່າງເປັນຂະບວນກວ້າງຂວາງ ແລະ ຟົດຟື້ນ ພ້ອມທັງມີຄວາມສະຫງົບປອດໄພ.
Users Today : 1048
Users Yesterday : 494
This Month : 8889
This Year : 128926
Total Users : 515150
Who's Online : 86