ໃນຕອນບ່າຍຂອງວັນທີ 23 ຕຸລາ 2020, ທີ່ສະໂມສອນໂຮງຮຽນສາມັນກິນນອນຊົນເຜົ່າ ເມືອງຄຳເກີດ ແຂວງບຍໍລິຄຳໄຊ ພະແນກສຶກສາທິການ – ກິລາແຂວງ ພ້ອມດ້ວຍຫ້ອງການສຶກສາ 6 ຕົວເມືອງ ແລະ ການສຶກສາພາກເອກະຊົນ ໄດ້ນຳອຸປະກອນການສຶກສາ ມາມອບໃຫ້ຫ້ອງການສຶກສາເມືອງຄຳເກີດ ໂດຍການນຳພາຂອງທ່ານ ຄຳສີ ຍົມມະລາດ ຫົວໜ້າພະແນກສຶກສາທິການ ແລະ ກິລາແຂວງ, ໃຫ້ກຽດເຂົ້າຮ່ວມຂອງທ່ານ ຜາສຸກ ຈູມມາລາວົງ ຮອງເຈົ້າເມືອງຄຳເກີດ.
ເຄື່ອງທີ່ນຳມາມອບໃນຄັ້ງນີ້ ປະກອບມີ: ປື້ມ, ບິກ, ສໍດຳ, ໄມ້ບັນທັດ, ບານຕີ, ບານເຕະ, ກະຕໍ້, ເຄື່ອງນຸ່ງ, ຜ້າຫົ່ມ, ເສື່ອ, ໝອນ, ໝໍ້ຫຸງເຂົ້າ ລວນມູນຄ່າ 15.099.000 ກີບ, ຕ່າງໜ້າກ່າວມອບໂດຍ ທ່ານ ຄຳສີ ຍົມມະລາດ ແລະ ຕາງໜ້າກ່າວຮັບໂດຍ ທ່ານ ຜາສຸກ ຈູມມາລາວົງ.
ໂອກາດດັ່ງກ່າວ ເພື່ອເປັນຢັ້ງຢືນເຖີງຜົນງານການປະກອບສ່ວນຊ່ວຍເຫລືອວຽກງານການສຶກສາຂອງເມືອງ ທ່ານ ຜາສຸກ ຈູມມາລາວົງ ໄດ້ຕາງໜ້າການນຳເມືອງຄຳເກີດ ມອບໃບຍ້ອງຍໍໃຫ້ແກ່ພາກສ່ວນທີ່ອຸປະຖຳເຄື່ອງຊ່ວຍເຫຼືອໃນຄັ້ງນີ້ ແລະ ທ່ານຍັງໄດ້ກ່າວຂອບອົກຂອບໃຈ ມາຍັງພະແນກສຶກສາແຂວງ, ຫ້ອງການສຶກສາ 6 ຕົວເມືອງ ແລະ ການສຶກສາພາກເອກະຊົນ ທີ່ເຫັນໄດ້ຄວາມຄາດເຂີນທາງດ້ານອຸປະກອນການສຶກສາຂອງນ້ອງນັກຮຽນພາຍໃນເມືອງ ແລະ ຈະນຳເອົາເຄື່ອງອຸປະກອນດັ່ງກ່າວນີ້ ນຳໄປມອບໃຫ້ໂຮງຮຽນທີ່ຂາດອຸປະກອນການສຶກສາ ແລະ ກິລາໃຫ້ທົ່ວເຖິງ.
Users Today : 1087
Users Yesterday : 494
This Month : 8928
This Year : 128965
Total Users : 515189
Who's Online : 90