ໃນວັນທີ 21 ຕຸລາ 2020 ຢູ່ສະໂມສອນກອງບັນຊາການທະຫານເມືອງບໍລິຄັນ ໄດ້ຈັດກອງປະຊຸມສະຫຼຸບວຽກງານລະດົມພົນ ປະຈໍາປີ 2019 ແລະ ວາງທິດທາງແຜນການ ປີ 2020 ຂຶ້ນ, ເປັນກຽດເຂົ້າຮ່ວມເປັນປະທານຂອງທ່ານ ນາງ ວາລີ ສຸດທະວົງ ຮອງເລຂາພັກເມືອງ ປະທານສະພາພັນທະຂັ້ນເມືອງ.
ໃນກອງປະຊຸມໄດ້ຮັບຟັງການຜ່ານລາຍງານ ການຈັດຕັ້ງປະຕິບັດການລະດົມກຳລັງພົນ 1 ປີ ຜ່ານມາ ເຫັນວ່າ ເມືອງບໍລິຄັນ ລະດົມໄດ້ຕາມແຜນການທີ່ແຂວງ ໄດ້ມອບໝາຍໃຫ້ ເຊິ່ງທາງເມືອງແມ່ນໄດ້ແຕ່ງຕັ້ງພະນັກງານວິຊາການ ລົງສົມທົບກັບອໍານາດການປົກຄອງທຸກຂັ້ນ ຕະຫຼອດຮອດພໍ່ແມ່ປະຊາຊົນບັນດາເຜົ່າ ກໍ່ໄດ້ພ້ອມກັນຄັດເລືອກເອົາຊາວໜູ່ມຜູ້ທີມີເງື່ອນໄຂ ເຂົ້າມາເປັນທະຫານພັນທະ ໂດຍຜູ້ທີ່ມີເງື່ອນໄຂ ຕ້ອງໄດ້ກວດກາປະຫວັດ ແລະ ສຸຂະພາບຂອງຜູ້ສະໝັກໃຈເຂົ້າຮ່ວມຮັບໃຊ້ຊາດ, ປີ 2019 ມີເງື່ອນໄຂ 80 ຄົນ, ເຂົ້າຮັບການກວດກາຕົວຈິງ 59 ຄົນ, ສາມາດລະດົມພົນໄດ້ຕົວຈິງ 24 ຄົນ, ສໍາລັບແຜນ ສົກປີ 2020 ລະດົມພົນໃຫ້ໄດ້ 15 ຄົນ ຕາມຕົວເລກຂອງແຂວງແບ່ງປັນໃຫ້.
ທ່ານປະທານກອງປະຊຸມ ໄດ້ສະແດງຄວາມຍ້ອງຍໍຊົມເຊີຍ ຕໍ່ບັນດາສະຫາຍຄະນະກໍາມະການລະດົມພົນ ທີ່ໄດ້ເອົາໃຈໃສ່ປະຕີບັດໜ້າທີ່ຂອງຕົນຢ່າງເຕັມສ່ວນ ຈົນເຮັດໃຫ້ຕົວເລກວຽກງານລະດົມພົນໃນໄລຍະຜ່ານມາໄ ດ້ຮັບຜົນສໍາເລັດຕາມລະດັບຄາດໝາຍ ມີປະສິດທິພາບສູງ, ຮຽກຮ້ອງ ໃຫ້ບັນດາສະຫາຍ ຄະນະຮັບຜິດຊອບ ຈົ່ງສືບຕໍ່ລົງຊີ້ນໍາ-ນໍາພາແຕ່ລະເຂດ ແຕ່ລະທ້ອງຖີ່ນ ເພື່ອຄັດເລືອກເອົາຊາວໜຸ່ມຊາຍສະກັນ ໃຫ້ມີຄວາມຕື່ນຕົວ ປະກອບສ່ວນເຂົ້າໃນໜ້າທີ່ວຽກງານກໍາລັງປ້ອງກັນຊາດ ໃຫ້ໄດ້ຕາມລະດັບຄາດໝາຍທີ່ວາງໃວ້.
Users Today : 952
Users Yesterday : 494
This Month : 8793
This Year : 128830
Total Users : 515054
Who's Online : 102