ແຜນຈັດຕັັ້ງປະຕິບັດວຽກງານຄຸັ້ມຄອງປ່າໄມ້ ແລະ ທີ່ດິນປ່າໄມ້ ໃນເຂດອ່າງຮັບນ້ຳ ໂຄງການເຂື່ອນໄຟຟ້ານ້ຳເທີນ1 ລວມມີ 5 ກິດຈະກຳ

             ກອງເລຂາຄະນະຄຸ້ມຄອງອ່າງຮັບນໍ້າໂຄງການເຂື່ອນໄຟຟ້າ ນໍ້າເທີນ1 ຮ່ວມກັບຄະນະຄະນະຊີ້ນໍາ ໂຄງການຂັ້ນແຂວງ, ເມືອງ, ບ້ານ ແລະ ບໍລິສັດໄຟຟ້າ ນໍ້າເທີນ1 ໄດ້ຈັດກອງປະຊຸມນໍາສະເຫນີແຜນຈັດຕັ້ງປະຕິບັດ ວຽກງານຄຸ້ມຄອງປ່າໄມ້ ແລະ ທີ່ດິນປ່າໄມ້ ໃນເຂດອ່າງຮັບນໍ້າ ໂຄງການເຂື່ອນໄຟຟ້າ ນໍ້າເທີນ1 ແຕ່ປີ 2023 – 2024 ແລະ ແຜນດໍາເນີນງານໃນໄລຍະ 27 ປີ. ກອງປະຊຸມໄດ້ຈັດຂຶ້ນ ໃນຕອນເຊົ້າວັນທີ 28 ຕຸລາ 2024 ທີ່ປະຊຸມຫ້ອງການປົກຄອງເມືອງວຽງທອງ ແຂວງບໍລິຄໍາໄຊ ໂດຍການເປັນປະທານຂອງທ່ານ ຄໍາແຫວນ ປັນຍານຸວົງ ຮອງເຈົ້າແຂວງ ແຂວງບໍລິຄໍາໄຊ ປະທານຄະນະຊີ້ນໍາໂຄງການຄຸ້ມຄອງອ່າງຮັບນໍ້າໂຄງການເຂື່ອນໄຟຟ້າ ນໍ້າເທີນ1, ທ່ານ ນາງ ຫຼອມຄໍາ ແສງຈັນອຸດົມ ຮອງຫົວຫນ້າກົມປ່າໄມ້ ກະຊວງກະສິກໍາ ແລະ ປ່າໄມ້, ມີຄະນະຊີ້ນໍາໂຄງການຈາກເມືອງປາກກະດິງ, ບໍລິຄັນ, ຄໍາເກີດ ແລະ ວຽງທອງ ເຂົ້າຮ່ວມ ພ້ອມດ້ວຍຫ້ອງການທີ່ ກ່ຽວຂ້ອງຈາກສີ່ເມືອງ, ຕາງຫນ້າ 19 ບ້ານເປົ້າຫມາຍທີ່ນອນຢູ່ເຂດອ່າງຮັບນໍ້າຂອງເມືອງວຽງທອງ ແລະ ເຂົ້າຮ່ວມ ລວມທັງເຫມິດ 52 ຄົນ ຍິງ 5 ຄົນ.

ຈຸດປະສົງຂອງກອງປະຊຸມ ແມ່ນເປັນການລາຍງານການເຄື່ອນໄຫວວຽກໃນໄລຍະປີ 2023-2024 ທີ່ເຄື່ອນໄຫວຢູ່ເຂດ ອ່າງຮັນນໍ້າຕອນລຸ່ມ ແລະ ຕອນເທິງ ພ້ອມທັງປຶກສາຫາລືບັນດາ 5 ຫນ້າວຽກທີ່ຈະຈັດຕັ້ງປະຕິບັດໃນຕໍ່ຫນ້າ ເຊັ່ນ: ເພື່ອລາຍງານການຈັດຕັ້ງປະຕິບັດບັນດາຫນ້າວຽກ ຕາມແຜນສະບັບ ເລກທີ 97/ກຄປງ ກ່ຽວກັບ ງານການເຄື່ອນໄຫວໄລຍະຜ່ານມາໃນອ່າງຮັບນໍ້າເທີນ1 ຕອນເທີງ ແລະ ຕອນລຸ່ມ, ເພື່ອຄຸ້ມຄອງປ່າໄມ້ ແລະ ທີ່ດິນປ່າໄມ້ ໃນເຂດອ່າງຮັບນໍ້າ ໃຫ້ໄດ້ຮັບການຄຸ້ມຄອງ ແລະ ປົກປັກ ແບບຍືນຍົງ ໂດຍການມີສ່ວນຮ່ວມຂອງຊຸມຊົນ, ເພື່ອສ້າງຄວາມເຂັ້ມແຂງ ແລະ ປັບປຸງຊີວິດການເປັນຢູ ່ຂອງປະຊາຊົນໃນເຂດເປົ້າຫມາຍ ແລະ ຄວາມຫຼາກຫຼາຍດ້ານຊີວະນາໆພັນໄດ້ຮັບການປົກປັກຮັກສາ ຕິດພັນກັບການສົ່ງເສີມການທ່ອງທ່ຽວແບບອະນຸລັກ, ປ່າໄມ້,ສັດນໍ້າ ແລະ ສັດປ່າໃນເຂດອ່າງຮັບນໍ້າໂຄງການເຂື່ອນໄຟຟ້ານໍ້າເທີນ1 ໄດ້ຮັບການຄູ້ມຄອງ, ປົກປັກຮັກສາ ແລະ ເສີມຂະຫຍາຍຄວບຄູ່ກັບການປັບປຸງຊີວິດການເປັນຢູ່ຂອງປະຊາຊົນ, ເພື່ອປຶກສາຫາລື ແລະ ເປັນເອກະພາບ ບັນດາຫນ້າວຽກທີ່ຈະປະຕິບັດໃນຕໍ່ຫນ້າ ໃນການປະຕິບັດຕາມ 5 ອົງປະກອບທີ່ກໍານົດໄວ້ໃນແຜນ ສະບັບເລກທີ 97/ກຄປງ, ເຊີ່ງພື້ນທີ່ຂອບເຂດຂອງໂຄງການຕອນເທີງມີເນື້ອທີ່ທັງຫມົດ 106,163 ເຮັກຕາ, ໃນນັ້ນກວມເອົາເຂດເມືອງວຽງທອງ 104,802 ເຮັກຕາ ແລະ ເຂດ ບ້ານແກ້ງບິດ ເມືອງຄໍາເກີດ 1,361 ເຮັກຕາ, ບ້ານເປົ້າຫມາຍໃນເຂດອ່າງຮັບນໍ້າ ຕອນເທີງທັງຫມົດ 19 ບ້ານ ໃນນັ້ນມີ 14 ບ້ານ ຂອງເມືອງວຽງທອງທີ່ບໍ່ນອນໃນບ້ານທີ່ໄດ້ຮັບຜົນກະທົບ, ບ້ານເປົ້າຫມາຍທີ່ຈະຕ້ອງໄດ້ດໍາເນີນກິດຈະກໍາປັບປຸງຊີວິດການເປັນຢູ່ຂອງ ປະຊາຊົນມີຈໍານວນ 5 ບ້ານ ຄື: ບ້ານເມືອງມ່ວນ, ຫ້ວຍຫອຍ, ນໍ້າຢ້າງ, ນາວັງໄຄ້ ແລະ ບ້ານທ່າແພ ເຊີ່ງມີທັງຫມົດ 2,500 ຄອບຄົວ ປະຊາກອນ 14,087 ຄົນ.

• Facebook
• Twitter
• Line