ພິທີເປີດງານເວທີປາໄສການຮ່ວມມືສື່ມວນຊົນ ປະຈໍາປີ 2024 “ໜຶ່ງແລວໜຶ່ງເສັ້ນທາງ” ແນ່ໃສ່ການຊຸກຍູ້ການພົວພັນແລກປ່ຽນ ແລະ ການຮ່ວມມື ຂອງລັດຖະບານ ສປ ຈີນ ກັບບັນດາປະເທດທີ່ເຂົ້າຮ່ວມໂຄງການ “ໜຶ່ງແລວໜຶ່ງເສັ້ນທາງ” ຂຶ້ນໃນ ວັນທີ 28 ສິງຫານີ້ ທີ່ ນະຄອນເສິນຕູ່ ແຂວງເສສວນ ສປ ຈີນ ໂດຍໃຫ້ກຽດເຂົ້າຮ່ວມ ຂອງ ທ່ານ ຫຼີ ຊຸຍ ເຫຼ ກຳມະການກົມການເມືອງ ຫົວໜ້າກົມໂຄສະນາເຜີຍແຜ່, ທ່ານ ຫວັງ ສຽວຮຸ້ຍ ເລຂາພັກກອມມູນິດ ນະຄອນເສສວນ ຜູ້ປະຈຳການຄະນະກຳມະການນະຄອນເສສວນ, ທ່ານ ທູເຊິນ (TuoZhen) ປະທານໜັງສືພິມລາຍວັນປະຊາຊົນ ສປ ຈີນ, ມີບັນດາສື່ມວນຊົນ 274 ສື່, ຈາກສະຖາບັນບັນຕ່າງໆ 110 ປະເທດ, ເຂົ້າຮ່ວມທັງໝົດ 1.300 ກວ່າຄົນ, ໃນນັ້ນລວມທັງສື່ມວນຊົນລາວ ໂດຍສະເພາະແມ່ນແຂວງບໍລິຄຳໄຊ ມີທ່ານຫົວໜ້າພະແນກ ຖວທ ກໍ່ໄດ້ເປັນກຽດເຂົ້າຮ່ວມ.
ທ່ານ ຫຼີ ຊຸຍ ເຫຼ ກ່າວເປີດງານເວທີປາໄສການຮ່ວມມືສື່ມວນຊົນ ປະຈໍາປີ 2024 ວ່າ: ນັບແຕ່ປີ 2014 ຜ່ານມາ ໄດ້ຈັດເວທີປາໄສການຮ່ວມມືດ້ານສື່ມວນຊົນ ເປັນຄັ້ງທີ 8 ຊຶ່ງເປັນເວທີທີ່ສຳຄັນ ແລະ ໄດ້ຮັບຜົນສຳເລັດເປັນຢ່າງສູງ ໂດຍໄດ້ເນັ້ນໜັກການປັບປຸງໜຶ່ງແລວໜຶ່ງເສັ້ນທາງ ແລະ ການຫັນປ່ຽນສູ່ໂລກທີ່ທັນສະໄໝ, ການຮ່ວມມືດ້ານສື່ມວນຊົນ ໄດ້ຊຸກຍູ້ການພັດທະນາຮ່ວມກັນ, ແລກປ່ຽນຊຶ່ງກັນ ແລະ ກັນ, ເພີ່ມທະວີຄວາມເຂົ້າໃຈ ແລະ ປັບປຸງໃຫ້ມີຄຸນນະພາບສູງ, ການຮ່ວມມືທີ່ມີໄຊຊະນະ, ເປີດກວ້າງ ແລະ ຄວາມມຸ້ງມາດປາຖະໜາຂອງ ປະຊາຊົນ, ພັດທະນາການຮ່ວມມືກໍ່ສ້າງ ໜຶ່ງແລວໜຶ່ງເສັ້ນທາງຮ່ວມກັນ.
ທ່ານກ່າວຕື່ມວ່າ: ສື່ມວນຊົນເປັນຈຸດເຊື່ອມຕໍ່ທາງດ້ານໜຶ່ງແລວໜຶ່ງເສັ້ນທາງການຄ້າ ແລະ ເຊື່ອມຕໍ່ລະຫວ່າງປະຊາຊົນ ກັບປະຊາຊົນ, ໃນການສ້າງທາງຫຼວງ, ທາງລົດໄຟແມ່ນໄດ້ມີການຮ່ວມມືດຳເນີນການເຊື່ອມຕໍ່ຊຸກຍູ້ດ້ານອຸດສາຫະກຳ, ນຳຜົນປະໂຫຍດມາສູ່ປະຊາຊົນຂອງແຕ່ລະປະເທດ, ໄດ້ມີການແກ້ໄຂເຕັກໂນໂລຊີ, ລະບົບນິເວດ, ການພັດທະນາ, ການປັບປຸງປະສິດທິພາບຂອງການຜະລິດຂ່າວສານ,ເພີ່ມທະວີການຮ່ວມມືໃນການນຳໃຊ້ເຕັກໄນໄລຊີໃໝ່, ການຜະລິດ, ການແຈກຢາຍ ແລະ ຖ່າຍທອດຂໍ້ມູນຂ່າວສານ, ການຮ່ວມມືແລກປ່ຽນ, ການຮຽນຮູ້ຊຶ່ງກັນ ແລະ ກັນ.
ທ່ານ ຫວັງ ສຽວຮຸ້ຍ ກ່າວວ່າ: ແຂວງເສສວນ ເປັນຈຸດພົບກັນຂອງເສັ້ນທາງສາຍໄໝ ຮ່ວມມືກັນຢ່າງຮອບດ້ານ, ກວ້າງຂວາງ, ມີລົດໄຟຂົນສົ່ງຜູ້ໂດຍສານ 75 ລ້ານຄົນ ເປັນອັນດັບທີ 3 ຂອງ ສປ ຈີນ, ມີການຂົນສົ່ງສິນຄ້າໄປເຖິງ 220 ປະເທດ, ມູນຄ່າການຄ້າເສດຖະກິດ 6.000 ຕື້ຢວນ (ສະກຸນເງິນຈີນ) ເປັນອັນດັບທີ 5 ຂອງປະເທດ, ການພັດທະນາຂອງແຂວງໄດ້ຊຸກຍູ້ວິສາຫະກິດໃຫ້ເພີ່ມຂຶ້ນຢ່າງຕໍ່ເນື່ອງ, ມີການແລກປ່ຽນໃນຂົງເຂດຕ່າງໆ, ລົງເລິກການຮ່ວມມືຫຼາຍຂົງເຂດວຽກງານ ແລະ ອື່ນໆ.ໂອກາດດັ່ງກ່າວບັນດາສື່ມວນຊົນຍັງໄດ້ໄປທັດສະນະໂຄງການໜຶ່ງແລວໜຶ່ງເສັ້ນທາງ ຢູ່ແຂວງເສສວນ ແລະ ນະຄອນຊຽງໄຮຕື່ມອີກ.
(ຂ່າວ-ພາບ: ສຳນານ)
Users Today : 972
Users Yesterday : 494
This Month : 8813
This Year : 128850
Total Users : 515074
Who's Online : 95