ໃນຕອນບ່າຍຂອງວັນທີ 23 ກັນຍາ 2020 ບໍລິສັດເຂື່ອນໄຟຟ້ານໍ້າງຽບ 1 ໄດ້ນໍາເອົາເຄື່ອງໂທລະໂຄ່ງຈໍານວນ 3 ຊຸດ ໄປມອບໃຫ້ແກ່ 3 ບ້ານຂອງເມືອງປາກຊັນ ທີ່ຢູ່ລຸ່ມເຂື່ອນ: ມີບ້ານ ຊະນະໄຊ, ບ້ານ ນ້ຳງຽບ ແລະ ບ້ານກ້ວຍອຸດົມ ໂດຍການເຂົ້າຮ່ວມ ແລະ ກ່າວມອບຂອງ ທ່ານ ວິແຊມ ມະນີທອງ ຫົວໜ້າທີມງານທີ່ດິນ ແລະ ພົວພັນຊຸມຊົນ ຕາງໜ້າໃຫ້ບໍລິສັດເຂື່ອນໄຟ້ານໍ້າງຽບ 1 ພ້ອມດ້ວຍຄະນະ, ມີອໍານາດການປົກຄອງຂອງບັນດາບ້ານ ເຂົ້າຮ່ວມເປັນສັກຂີພິຍານ.
ອຸປະກອນທີ່ນໍາມາມອບໃນຄັ້ງນີ້ ປະກອບມີ ແອມ ຈໍານວນ 4 ໜ່ວຍ, ສາຍໂທລະໂຄ່ງ, ດອກລໍາໂພງ 16 ປາກ, ໄມໂຄໂຟນ ພ້ອມຂາຕັ້ງໄມ 4 ອັນ, ພ້ອມດ້ວຍອຸປະກອນຄົບຊຸດ ລວມມູນຄ່າທັງໝົດ 34 ລ້ານກວ່າກີບ, ເປັນທືນຊ່ວຍເຫຼືອຈາກໂຄງການກໍ່ສ້າງເຂື່ອນໄຟຟ້ານໍ້າງຽບ 1 ຕາງໜ້າຮັບໂດຍແມ່ນນາຍບ້ານຂອງແຕ່ລະບ້ານ.
ຈຸດປະສົງທີ່ນໍາເອົາເຄື່ອງມາມອບໃນຄັ້ງນີ້ ແມ່ນເພື່ອເປັນການຊຸກຍູ້ວຽກງານໂຄສະນາຂໍ້ມູນຂ່າວສານຂອງພັກ-ລັດ ຜ່ານລະບົບໂທລະໂຄ່ງ ເປັນຕົ້ນແມ່ນ ນຳໃຊ້ເຂົ້າໃນການປະຊາສຳພັນວຽກທາງລັດຖະການ, ແຈ້ງການໃນສະພາວະສຸກເສີນ ແລະ ອື່ນໆ.
Users Today : 1040
Users Yesterday : 494
This Month : 8881
This Year : 128918
Total Users : 515142
Who's Online : 89